الموضوع: مؤسسه المجتمع النضيف - غير هادفه للربح

السلام عليكم
طبعا الغش دلوقتي ف كل حاجه عندنا - حتي ف الشيوخ ورجال الدين - ف ناس واخدة الموضوع سبوبه
طبعا مش هقول علي جمعة و ال علي شاكلته
ال فكره هي انشاء مؤسسه المجتمع النضيف - وتكون غير هادفه للربح
وظيفتهم توظيف مجموعه من الشباب المحترم الامين متخصص ف مجال معين تدي اعتمادات موثوقة وتعمل تقارير دورية تنشر علي الانترنت تكسب ثقة الناس
انا بقول الكلام دا ليه لان السوق مفتوح للحرامي والامين وخلاص مبقتش تقدر تفرق والدوله مش بتعاقب حد
يبقي مفيش حاجه الا الحل الشعبي بان الناس تقاطع اللي يمشي غلط ويبقي كل واحد حريص علي اراء الاخرين فيه وفرصه ليه للترويج لتجارته
ف كل المجالات هتلاقي محامي نصاب - تاجر نصاب - دكتور نصاب - مهندس نصاب - استاذ جامعه نصاب - ميكانيكي نصاب - سمسار نصاب ف كل شيء للاسف
الاعتمادات نديها للناس الامينه مجانا
مع انتشار الفكره هتبص تلاقي كل الناس جايه تاخد اعتماد لانها مجانا
واحد هيقولي ف اعتمادات دوليه - اقوله الاعتمادات الدوليه متنفعش معانا باي شكل لان تنفيذها محتاج تاهيل وتدريبات عاليه بالاضافة لبعض الامكانات قد لا تتوفر عن الراجل البسيط الامين اللي عنده كشك صغير ف زاويه الشارع
يبقي الحل مؤسسه من الداخل.
الاعتماد مش هيكون شهاده بتتعلق - لا هيكون نشر اسمه ف المكان بتاعه علي موقع الانترنت بتاع المؤسسه دي
ياريت اسمع افكاركم و طريقه اختيار الناس اللي ممكن تشارك خاصه ان دا هيكون اشبه بعمل خيري لا يوجد به مرتبات باي شكل او عمولات
الكل لازم يشارك حتي اللي رافض الفكره

الفكره حلوة لكن الفساد هيطولها