الموضوع: البرسونا و الجين 2009 لسه شايفهم عند عز من شويه 23-10-2009

سلام عليكم جميعا

انا لسه جاي من عند عز العرب الصحراوى دلوقت و هو عارض البيرسونا و الجين 2 2009 و ملاحظاتى كالتالى
1- انا رحت شفت البيرسونا و بصراحه شكلها على الطبيعه أروع كتير من الصور - الشنطة عامللها شكل لذيذ مووت
2- البيرسونا نازله فئة مانيوال بـ 80 ألف و اوتوماتيك بـ 84 و كامله اوتوماتيك بـ 93
3- الجين تو نزلت بموديل 2009 بـ 85 مانيوال و بـ 91 اوتوماتيك
4- مافيش خلاص حاجه اسمها جين2 اوتوماتيك و جين2 سبورت باكيدج الجين 2 بقيت مانيوال و سبورت باكيدج
5- الجين 2 الاوتوماتيك و البرسونا من الداخل مافيش فرق
6- تم الغاء المثبت و التربو من كل موديلات 2009
7- تم دمج الساعه فى العدادات
8- التقفيل و الفينش لسه برضه ماتحسش بقوتهم
9- الفرش بقى موحد فى المودلين (لون و ماتيريال) (لأي لون للعربية)
10- لون التابلوه بقى موحد فى الاتنين (لأي لون للعربية)
11- شكل الفتيس اتغير شويه (الاتوماتيك) جين2 و هو هو شكله فى البرسونا
12- جراب النظارة اتحذف
13- تم تزويد الجين2 و بالطبع البيرسونا بدرج للتابلوه
14- البيرسونا متوفره دلوقت و اللى عايز يدفع كاش ممكن يستلم وهو واقف
15 - الجين 2 لسه هاتنزل الشهر الجاي
16- البيرسونا انا شوفتها باللون الذهبى - الفضى - الرمادى - الاسود - الباذنجانى (ويطلقون عليه بنفسجى) - طبعا انا شوفت كل الالوان دى فى المخزن
17- قعدت مع الاستاذ محسن صالح مدير المبيعات هناك و قالى على الملاحظات دى:
أ- الجين تو هاتنزل بنفس الالوان و هايزيد عليها البينك ( خلى البنات تنبسط :) )
ب- فى حاجه غريبه بقى قالهالى استاذ محسن - ان البيرسونا هاتتسلم اول دفعه بالاسعار اللى انا ذكرتها فى اول الموضوع - أما بعد نفاذ الدفعة الاولى - الدفعة التانية هاتزيد على السعر من 4 الى 5 الاف جنيه و هو بيتوقع انها تخلص - الدفعة الاولى - على اخر الشهر يعنى بعد اسبوع

دى تقريبا كانت ملخصات لجولتى فى عز العرب الصحراوى النهارده و اتمنى انى اكون قدرت افيدكم بحاجه

لا دا كده الواحد ينزل يروح دلوقتي حالا ده انتش شوقتني قوي ده انا حاجز في السابع و اكيد مش حاتكون راحتلهم لسا و شكرا علي الاخبار الحلوة دي وشكلي هاغير راي للبيرسونا

المشاركة الأصلية كتبت بواسطة hadota_masreya

4- مافيش خلاص حاجه اسمها جين2 اوتوماتيك و جين2 سبورت باكيدج الجين 2 بقيت مانيوال و سبورت باكيدج؟؟؟

15 - الجين 2 لسه هاتنزل الشهر الجاي ؟؟؟

أ- الجين تو هاتنزل بنفس الالوان و هايزيد عليها البينك

ممكن بس اعادة شرح للنقطه 4؟؟

هو حضرتك متأكد ان الجين2 مش متوفره دلوقتى...ولا قصد حضرتك الدفعه اللى موجوده دلوقتى كلها محجوزه؟؟

ولو حضرتك شفت الجين2 ايه راى حضرتك فى شكلها الجديد ...احى من الصور ولا ايه النظام

والف شكر ياباشا عالاخبار الحصريه الجامده دى

المشاركة الأصلية كتبت بواسطة Ayman_52

ممكن بس اعادة شرح للنقطه 4؟؟

هو حضرتك متأكد ان الجين2 مش متوفره دلوقتى...ولا قصد حضرتك الدفعه اللى موجوده دلوقتى كلها محجوزه؟؟

ولو حضرتك شفت الجين2 ايه راى حضرتك فى شكلها الجديد ...احى من الصور ولا ايه النظام

والف شكر ياباشا عالاخبار الحصريه الجامده دى

الجين 2 2009 مش متوفره بيع وقتى فى الوقت الحالى - انا الصراحه ماسألتش عن التسليمات لانى مش حاجز - لكن انا شوفت منها عربية واحده و هو قالى انهم لسه مانزلهمش منها ستوك - انا لما رحت المخازن مش لقيت غير البيرسونا و عربية واحده جين 2009 كانوا بيوضبوا فيها علشان يحطوها فى الشوو رووم

اما الشكل - انا الصراحه ماحستش بفرق - يمكن علشان المياه كانت مقطوعه و مش عارفين يغسلوها لانها كانت لسه واصله و يمكن لانى انبهرت بشكل البيرسونا

على فكره ظهر البيرسونا حسسنى انى واقف قدام ظهر عربية ممزوجة مابين ظهر الفولفو و الاوبل فيكترا

المشاركة الأصلية كتبت بواسطة MomoMedo

طيب والعربية نازلة بالفرش الاسود في احمر؟؟؟

الصراحة دى عدت عليا للاسف ماخدتش بالى من اللون - لكن اللى قالهولى مستر محسن صالح ان الفرش اتوحد فى كل العربيات 2009 (بيرسنوا - جين) ولون التابلوه كمان
البيرسونا الكامله على فكره نازله بالمالتى فانكشن تاير

المشاركة الأصلية كتبت بواسطة Mohamed-Saoud

يا ريت يا مومو يا ميدو :) تجاوبني علي اللاتي "لو تعرف طبعا":
الحجز ب1000 و لا 10000؟
هل هندهم نظم تقسيط؟
لو حجزت النهارده ... السعر وقت الاستلام هيكون زي و قت الحجز و لا مفيش ضمان؟

بص يا باشا اللى انا فهمته منه ان لو هاتحجز علشان تشترى كاش ممكن تحجز بألف - لكن لو هاتحجز علشان القسط تدفع من 5 لـ 10 الاف جنيه

و سالته على القسط قالى انهم بيقسطوا مع بنك معين بفائدة 7% لو هاتدفع 50% من قيمة العربية - لكن لو هاتدفع اقل البنك اللى بيتعامل معاه هايديك تقريبا فايده 10% و هايطلب HR Letter و بشرط ان القسط مايزيدش عن ثلث المرتب
اتمنى اكون افدتك
ملاحظة اخرى علشان الناس ماتدبش مشوار على الفاضى
المواعيد فى الصحراوى و المخزن من 10 حتى 5 المغرب مع الاخذ فى الاعتبار ان الجمعة أجازة