البرسونا و الجين 2009 لسه شايفهم عند عز من شويه 23-10-2009

**Hassan Khalil** · 23-10-2008 07:42 PM

المشاركة الأصلية كتبت بواسطة hadota_masreya

6- تم الغاء المثبت و التربو من كل موديلات 2009

المثيت و عارفينه .. كان في الموديلات الاوتوماتيك .
ايه بأه موضوع التيربو اللي اتلغي ده .. هي كان فيها تربو ؟؟؟
و شكرا لحضرتك علي الافادة :)

**شريف** · 23-10-2008 10:56 PM

المشاركة الأصلية كتبت بواسطة hadota_masreya

سلام عليكم جميعا

انا لسه جاي من عند عز العرب الصحراوى دلوقت و هو عارض البيرسونا و الجين 2 2009 و ملاحظاتى كالتالى
1- انا رحت شفت البيرسونا و بصراحه شكلها على الطبيعه أروع كتير من الصور - الشنطة عامللها شكل لذيذ مووت
2- البيرسونا نازله فئة مانيوال بـ 80 ألف و اوتوماتيك بـ 84 و كامله اوتوماتيك بـ 93
3- الجين تو نزلت بموديل 2009 بـ 85 مانيوال و بـ 91 اوتوماتيك
4- مافيش خلاص حاجه اسمها جين2 اوتوماتيك و جين2 سبورت باكيدج الجين 2 بقيت مانيوال و سبورت باكيدج
5- الجين 2 الاوتوماتيك و البرسونا من الداخل مافيش فرق
6- تم الغاء المثبت و التربو من كل موديلات 2009
7- تم دمج الساعه فى العدادات
8- التقفيل و الفينش لسه برضه ماتحسش بقوتهم
9- الفرش بقى موحد فى المودلين (لون و ماتيريال) (لأي لون للعربية)
10- لون التابلوه بقى موحد فى الاتنين (لأي لون للعربية)
11- شكل الفتيس اتغير شويه (الاتوماتيك) جين2 و هو هو شكله فى البرسونا
12- جراب النظارة اتحذف
13- تم تزويد الجين2 و بالطبع البيرسونا بدرج للتابلوه
14- البيرسونا متوفره دلوقت و اللى عايز يدفع كاش ممكن يستلم وهو واقف
15 - الجين 2 لسه هاتنزل الشهر الجاي
16- البيرسونا انا شوفتها باللون الذهبى - الفضى - الرمادى - الاسود - الباذنجانى (ويطلقون عليه بنفسجى) - طبعا انا شوفت كل الالوان دى فى المخزن
17- قعدت مع الاستاذ محسن صالح مدير المبيعات هناك و قالى على الملاحظات دى:
أ- الجين تو هاتنزل بنفس الالوان و هايزيد عليها البينك ( خلى البنات تنبسط :) )
ب- فى حاجه غريبه بقى قالهالى استاذ محسن - ان البيرسونا هاتتسلم اول دفعه بالاسعار اللى انا ذكرتها فى اول الموضوع - أما بعد نفاذ الدفعة الاولى - الدفعة التانية هاتزيد على السعر من 4 الى 5 الاف جنيه و هو بيتوقع انها تخلص - الدفعة الاولى - على اخر الشهر يعنى بعد اسبوع

دى تقريبا كانت ملخصات لجولتى فى عز العرب الصحراوى النهارده و اتمنى انى اكون قدرت افيدكم بحاجه

شكرا يا حدوتة مصرية على الاخبار و السبق الصحفى
فى نقطة 2 اية الفرق الكماليات بين اوتوماتيك بـ 84 و كامله اوتوماتيك بـ 93 زى الطارة المالتى فنكشن و اية تانى
6-اية حكاية التربو اللى اتلغى دى؟
8-يعنى هو هو القماش الاسود ؟
10-لون التابلوة رمادى؟
11-يعنى البرسونا بعصاية الفتيس القديم و الجين2 دراع جديدة و لا فتيس مختلف كليا ولا اية؟
16-مخدش بالك من اى واحدة بيضاء او ميتال جراى
17-ب هى اصلا فى ماليزيا ارخص من الجين2 ب 10% يعنى الجين 2 مانوال ب 85 البرسونا مانوال مفروض تبقى 76 و نصف
والاتوماتيك ب 81-82 لية بقى تغلى تانى؟عشان جديدة و لا متوقعها سوق كبير
واهم سوال عن الفلتر الهواء الجديد ال IAFM نزل فى انى عربية و لا منزلش اساسا
واخيرا اسف انى اكون طولت عليك بس انت النهاردة مراسلنا على الضفة اقصد عند عزو

**شريف** · 23-10-2008 11:08 PM

وكمان هى البرسونا نازلة بجنوط ؟
و الكنب الخلفى بينطوى ولا لاء
واية نظام الايرباج اتنين ايرباج و لا واحد و لا مافيش

لان فرق 9 الاف بين الاتوماتيك الاولى و الكاملة كتير مش قليل

**momenhamdy** · 23-10-2008 11:36 PM

المشاركة الأصلية كتبت بواسطة Mohamed-Saoud

طبعا أفتدتني و ان شاء الله مش هاشتريها...

مش عارف الناس دي بتبيع و تشتري فينا ليه مع ان الأسعار هتنزل يعني هتنزل و العربيات مش هتلاقي اللي يشتريها حسب كل التوقعات!!!!!!
الباشا يقولك ألحق اشتري قبل ماتغلي 5000 !!! هو أحنا في سبق ؟!!!

ده واحد زميلنا كان كاتب ان سعر الفانوس الأمامي (للجين2 في التوكيل) 1800 جنيه و العربية نازل منها ب80000 ده غير مشاكل التوكيل اللي بنسمع عنها!!!!!!!!!!!!!!!

على العموم اتمنى تحسن الأوضاع و مبروك لكل اللي هايشتري مقدما و ربنا يرحمنا من اللي بيحصل فينا وسامحني على الانفعال.

حضرتك فانوس ايه الي ب 1800 جنيه دا ....... دا مين الي قال المعلومة دي لحضرتك معلش
الفانوس ب 1050 تقريباً الامامي - الخلفي بحوالي 630 - 650 تقريباً
منين الاسعار دي !!!!!!!!!
بالنسبة للتوكيل طبعاً اكيد لازم ياخد في الاعتبار ان حجم مبيعات العربية زاد اوي اليومين دول و طبعاً الشارع بيعكس المسأله دي و كمان الزحمة علي الصيانة
و بعدين مين الي قال لحضرتك ان مفيش حد حيشتري !!!! مكنش في حد اشتري الواجا 2 و لاحتي الجين 2008 و لا ايه رايك ؟؟؟؟ و بعدين ايه التوقعات دي حضرتك عرفتها منين !!!!
وبعدين في حاجة مهمة كل بتوع المبيعات بيقولوا احجز الوقتي علشان حتغلي .... دا انا ايام ما كنت بتفرج عليها قبل الشرا قلولي بنفس الجملة ( ايه يا جماعة انتوا لسه مفهمتوش بتوع المبيعات و لا ايه ؟؟؟؟ )

**أبومعاذ** · 24-10-2008 12:01 AM

هي الجين2 ال 2009 نازلة بموتور Cps ولا العادي؟

**gagareen** · 24-10-2008 12:13 AM

اولا احب اشكر صاحب الموضوع علي هذا السبق الجميل وعلي مجهوده

ثانيا هو البروشور بتاع العربيتين مش موجود ولا ايه? علشان نوفر كل الاسئله دي كلها ويكون دليل مادي في ادينا لمعظم المعلومات والباقي يبقي من المعاينه

وبعدين هو ازاي البيرسونا الاوتوماتيك ب93000 والجين الاوتوماتيك ب91000 مش المفروض ان البيرسونا ارخص ولا ايه ? مش معقول تكون البيرسونا امكانياتها تكون اعلي !!
هو ممكن يكون التوكيل مسعر العربيه غلط? وبعدين ممكن يصلحوا التسعير ده تاني!! فيه حاجه مش مفهومه

**amrcd1** · 24-10-2008 04:18 AM

يا جماعة هل شكل الوش( فوانيس و شبكة و اكسدام) بتاع الجين 2 اتغير و لا لسه زى ماهوا الشكل القديم لو حد عنده صور تانيه ياريت يحتهم ....

**mazagnge** · 24-10-2008 04:23 AM

أستفســار .........

اية الفرق اللى عند التوكيل بين :

البيرسونا اتوماتيك و الكاملة اتوماتيك

و اية وضع عدد الاير باج ، ال ABS& EBD .

- و اية الفرق بين الجين ، و الجين سبورت باكيدج

يعنى اللى انا فهمتة دلوقت ان الاسبورت باكيدج (سبويلر و كساحات) بقت حصرية على الاتوماتيك ؟؟؟

------------
و طبعاً زى ما انا شفت فى الصور :

- الجنوط فى البيرسونا هى هى اللى فى الجين 2 .
- و عرفنا قبل ان مفيش CpS
- و تم إزالة مثبت السرعه .

**hadota_masreya** · 24-10-2008 06:19 AM

شكرا يا حدوتة مصرية على الاخبار و السبق الصحفى
فى نقطة 2 اية الفرق الكماليات بين اوتوماتيك بـ 84 و كامله اوتوماتيك بـ 93 زى الطارة المالتى فنكشن و اية تانى
الفرق ان الـ84 اوتوماتيك من غير جنوط و من غير مالتى فانكشنز تاير و من غير ايرباج يعنى هى كل اللى فيها باور و تكييف و 2 زجاج كهرباء أمامى - و ده اللى انا لاحظته
6-اية حكاية التربو اللى اتلغى دى؟
بصوا يا جماعة انا كنت اعتقد ان فيها تيربوا من واحد صاحبى معاه الجين2 فى زراالاوتو كروز ده كله اتلغى انا كنت فاهم منه انه شغال تربو و شغال مثبت - عامة الاوتو كروز بوتون كله اتشال من كل العربيات
8-يعنى هو هو القماش الاسود ؟
الصراحة ماخدتش بالى منه للأسف - لكن مدير المبيعات قالى ان كل البروتون نازل بفرش واحد فى اللون و الخامه (جين - بيرسونا- واجا)
10-لون التابلوة رمادى؟
ايوه و زاد فى الجين و البيرسونا درج فى التابلوه
11-يعنى البرسونا بعصاية الفتيس القديم و الجين2 دراع جديدة و لا فتيس مختلف كليا ولا اية؟
كل الاوتوماتيك عصاية الفتيس شكلها اتغير فى كل الموديلات
16-مخدش بالك من اى واحدة بيضاء او ميتال جراى
فى الجين تو كان فى رمادى صريح و دى اللى شفتها مع العلم انها كانت بترابها - يعنى لسه مش روقوها :) المياه كانت مقطوعة :)
أما البيرسونا كان فى السيلفر و الجراي و الاسود و الباذنجانى و الذهبى
17-ب هى اصلا فى ماليزيا ارخص من الجين2 ب 10% يعنى الجين 2 مانوال ب 85 البرسونا مانوال مفروض تبقى 76 و نصف
والاتوماتيك ب 81-82 لية بقى تغلى تانى؟عشان جديدة و لا متوقعها سوق كبير
واهم سوال عن الفلتر الهواء الجديد ال IAFM نزل فى انى عربية و لا منزلش اساسا
انا للاسف ماعرفش ان فى فرق فى الماتور علشان كده ماسألتش
واخيرا اسف انى اكون طولت عليك بس انت النهاردة مراسلنا على الضفة اقصد عند عزو

-

الموضوع: البرسونا و الجين 2009 لسه شايفهم عند عز من شويه 23-10-2009

LinkBack

أدوات الموضوع

عرض

-

-

-

-

المواضيع المتشابهه

انطباعى الكامل من خلال 25000 كم مع البرسونا 2009

محتار مازدا 3 هاتشباك 2009 ولا سيات ليون 2009 ام الجولف 5 2009

الجين 2 ولا الصنى 2009؟

اخبار التكييف فى الجين 2 و البرسونا و الواجا 2009 ؟؟؟؟

صور لتعديلات الجين 2 2009..............

الكلمات الدلالية لهذا الموضوع

المفضلات

المفضلات

ضوابط المشاركة