كله يقول رأية : وكيل ولا خليكي احسن ؟

السلام عليكم ورحمة الله وبركاتة
ازيكم يا شاركاوية
انا والحمد لله اشتريت من اسبوعين شارك 2014 فئة تانية وكنت نزلت موضوع بالشراء ده
ولكن بعد فترة وانا قاعد اتفحص العربية كده واقارنها باللي موجود في السوق فئة تانية
لقيت فيها حاجات ازيد من الي في السوق بصراحة استغربت :Copy of majd(4): وفرحت في نفس الوقت
بس مكنتش مطمن برده ورحت المعرض وسالته العربية دي ازيد ليه اوبشن عن الي في السوق واغلي شوية برده ليه ؟
قالي لان الي معاك دي خليجي , انضف واحسن من الوكيل
وسالت ناس كتير قالولي الخليجي بينزل احسن من الوكيل ومتخافش
.
.
.

من هنا قلت انزل موضوع اخد ارائكم فيه , الاحسن الوكيل ولا الخليجي ؟
:048[1]:ومنتظر ان شاء الله ردودكم وتفاعلتكم :048[1]:

الخليجي فيه اوبشن زياده
الخليجي احسن في المكنه والجير
الخليجي اقل في المساعدين
الخليجي ملوش ضمان او بتشتريه لواحده مش مع العربيه ياعني
النتيجه النهائيه الخليجي احسن من وجهه نظري

شاكر ليك اخي مشاركتك
دمت بود وفي انتظار باقي الاخوة الافااضل

اقتباس:

---

المشاركة الأصلية كتبت بواسطة hi_nmr

الخليجي فيه اوبشن زياده
الخليجي احسن في المكنه والجير
الخليجي اقل في المساعدين
الخليجي ملوش ضمان او بتشتريه لواحده مش مع العربيه ياعني
النتيجه النهائيه الخليجي احسن من وجهه نظري

---

طيب ولو قلت لحضرتك ان العربيات الي من الوكيل برضو خليجي
يعني عربيتي شاريها من داياموند الي هو الوكيل والعربيه مكتوب على القائم الي تحت باب السواق انها مصنعه طبقا للمواصفات القياسيه في دول الخليج والمملكه العربيه السعوديه
برضو هتقول في فرق في المكنه والفتيس والعفشه

ارجوكو يا جماعه الي مش متأكد من حاجه ميقولهاش عشان محدش يوصلو معلومه غلط

متابع

طب يا جماعة الي عنده معلومة يقدر يفيدنا بيها يقولنا عليها
ويكون شاكر جدا
واتمني التفاعل من كل الشركاوية وجميع اعضاء المنتدي بارائهم وتجاربهم

الخليجي مواصفاتهم أعلى . بس تضمن ان المواصفات فعلا خليجي ولا مجرد كلام . ابتسم انت في مصر :)

باشا متوجعش دماغك انت اشتريت وربنا يباركلك فيها بس امشي علي جدول الصيانة الدورية وغير زيتك في ميعادة والكلام ده و

وكيل طبعا

بص حضرتك : مبدأيا كده بما ان حضرتك خلاص اشتريت فمش هتستفيد قوي من النتيجة الان إنما ممكن تفيد بيها حد تاني مقبل علي الشراء. بالنسبه لموضوع الخليجي امام الوكيل في الشراء انا عن نفسي اخترت الوكيل وده لآني باشتري زيرو بمبلغ محترم و الضمان بالنسبه للزيرو مهم جداً ودي اهم ميزه فيه. بالنسبه للخليجي احيانا بيبقي أرخص إنما دائماً اوبشنز اعلي و تكييف اقوي و بالتالي عنده نقطه تفوق و عليك وان تحدد اولوياتك ساعه الشراء اذا كانت هتبقي للضمان و لا الكماليات و انا عن نفسي هاختار الضمان مع فئه تانيه او اعلي علشان ما تبقاش فاضيه اما لو مستعمله يبقي في الغالب هاروح للخليجي خاصه لان موضوع الضمان ساعتها هيكون خلص او قرب يخلص فمش هتبقي فارقه و ساعتها الخليجي تبقي افضل كسعر و كماليات

اقتباس:

---

المشاركة الأصلية كتبت بواسطة land_cruiser

بص حضرتك : مبدأيا كده بما ان حضرتك خلاص اشتريت فمش هتستفيد قوي من النتيجة الان إنما ممكن تفيد بيها حد تاني مقبل علي الشراء. بالنسبه لموضوع الخليجي امام الوكيل في الشراء انا عن نفسي اخترت الوكيل وده لآني باشتري زيرو بمبلغ محترم و الضمان بالنسبه للزيرو مهم جداً ودي اهم ميزه فيه. بالنسبه للخليجي احيانا بيبقي أرخص إنما دائماً اوبشنز اعلي و تكييف اقوي و بالتالي عنده نقطه تفوق و عليك وان تحدد اولوياتك ساعه الشراء اذا كانت هتبقي للضمان و لا الكماليات و انا عن نفسي هاختار الضمان مع فئه تانيه او اعلي علشان ما تبقاش فاضيه اما لو مستعمله يبقي في الغالب هاروح للخليجي خاصه لان موضوع الضمان ساعتها هيكون خلص او قرب يخلص فمش هتبقي فارقه و ساعتها الخليجي تبقي افضل كسعر و كماليات

---

دي الناهية الله يباركلك

اقتباس:

---

المشاركة الأصلية كتبت بواسطة land_cruiser

بص حضرتك : مبدأيا كده بما ان حضرتك خلاص اشتريت فمش هتستفيد قوي من النتيجة الان إنما ممكن تفيد بيها حد تاني مقبل علي الشراء. بالنسبه لموضوع الخليجي امام الوكيل في الشراء انا عن نفسي اخترت الوكيل وده لآني باشتري زيرو بمبلغ محترم و الضمان بالنسبه للزيرو مهم جداً ودي اهم ميزه فيه. بالنسبه للخليجي احيانا بيبقي أرخص إنما دائماً اوبشنز اعلي و تكييف اقوي و بالتالي عنده نقطه تفوق و عليك وان تحدد اولوياتك ساعه الشراء اذا كانت هتبقي للضمان و لا الكماليات و انا عن نفسي هاختار الضمان مع فئه تانيه او اعلي علشان ما تبقاش فاضيه اما لو مستعمله يبقي في الغالب هاروح للخليجي خاصه لان موضوع الضمان ساعتها هيكون خلص او قرب يخلص فمش هتبقي فارقه و ساعتها الخليجي تبقي افضل كسعر و كماليات

---

تسلم اخي علي الرد الوافي
انا هتوكل علي الله بقي في العربية واياك متعملش معايا اي حركة كده ولا كده عشان مزعلش ان مفيهاش ضمان
لكن استفسار بسيط ؟؟؟
ينفع اروح اعمل صيانة الالف كيلو عادي في التوكيل واركب انزار وشبورة ؟

طبعا انا مع رأي الأغلبية ان الوكيل أفضل بس في نقطة غلسة شوية
يعني تشتري الفئة التانية وتلاقيها من غير مسند يد ومينفعش يركب في التوكيل
هو فيه آيه هو مسند اليد بقي أوبشن دلوقتي
وفي نفس الوقت حتلاقي الخليجي بنفس تمن الفئة التانية فيها مسند وفوجات وdvd وباركنج سنسور ويمكن كاميرا خلفية

لازم نبقي متأكدين ان الفترة الجاية لو حصل تخفيض جمارك كما يشاع في اخر السنة تجار الخليجي هما الأمل الوحيد ان الوكيل يحترم المستهلك في السعر والكماليات عشان المنافسة مع سعر الخليجي

انا جايب وكيل علشان الضمان
ورغم ان الاعضاء بيقولوا ان توكيل كيا
كويس ولكن اى حاجه تبوظ يحاول يتلكك
بانها مش تبع الضمان !!!!
والنهارده واحد معرفه جايب عربيه
زيرو نيسان صنى بس مش عارف الشكل القديم
ولا الجديد عامله 1500كم المارش ولع وسيح
اللى حواليه ووداها التوكيل وعايزين
يماطلوا معاه وكتب فيهم شكوى فى
حمايه المستهلك !!!!!
يعنى موضوع الضمان ده
مش قد كده...
انا لو مقيم فى بلد متوفر
فيها مراكز محترمه للصيانه
كنت جبت خليجى .اوبشن
اعلى وفرق السعر اخليه
للصيانات.

طيب سؤال يا جماعة أنا مقيم في السعودية هل أشتري الأفضل من هنا واخليها معايا كم سنة وبعدين أنزلها ، ولا اشتري من مصر ؟؟ أرجو الإفادة يا جماعة ولكم الشكر

اقتباس:

---

المشاركة الأصلية كتبت بواسطة amr_8800

طيب ولو قلت لحضرتك ان العربيات الي من الوكيل برضو خليجي
يعني عربيتي شاريها من داياموند الي هو الوكيل والعربيه مكتوب على القائم الي تحت باب السواق انها مصنعه طبقا للمواصفات القياسيه في دول الخليج والمملكه العربيه السعوديه
برضو هتقول في فرق في المكنه والفتيس والعفشه

ارجوكو يا جماعه الي مش متأكد من حاجه ميقولهاش عشان محدش يوصلو معلومه غلط

---

الاخ عمرو

تفتكر التوكيل المصري اللي بيتفق علي سيارات مواصفات شرق اوسط من المصنع المنتج للسياره يجي يبعلك مواصفات غير اللي متفق عليها واللي المفروض يبيعها يبقي ده معناه ايه ؟ وليه يبيع حاجه مختلفه عن مواصفات البلد ؟ وليه مفيش جهه رقابيه تحاسبه علي الكلام ده ؟؟
فكر وقولي

اقتباس:

---

المشاركة الأصلية كتبت بواسطة yassermahmmoud

طيب سؤال يا جماعة أنا مقيم في السعودية هل أشتري الأفضل من هنا واخليها معايا كم سنة وبعدين أنزلها ، ولا اشتري من مصر ؟؟ أرجو الإفادة يا جماعة ولكم الشكر

---

لو قاعد فتره وحيكون ليك استفاده بالتخفيض الجمركي عن سنين الاستعمال يبقي هات الmivec ٢٠٠٠ cc
GT بفتيس cvt وجنط ١٨
دي عربيه فعلا تستاهل وتعيش معاك ومكنة جامده