كله يقول رأية : وكيل ولا خليكي احسن ؟

**diiie_hard** · 06-09-2014 05:25 PM

السلام عليكم ورحمة الله وبركاتة
ازيكم يا شاركاوية
انا والحمد لله اشتريت من اسبوعين شارك 2014 فئة تانية وكنت نزلت موضوع بالشراء ده
ولكن بعد فترة وانا قاعد اتفحص العربية كده واقارنها باللي موجود في السوق فئة تانية
لقيت فيها حاجات ازيد من الي في السوق بصراحة استغربت

وفرحت في نفس الوقت
بس مكنتش مطمن برده ورحت المعرض وسالته العربية دي ازيد ليه اوبشن عن الي في السوق واغلي شوية برده ليه ؟
قالي لان الي معاك دي خليجي , انضف واحسن من الوكيل
وسالت ناس كتير قالولي الخليجي بينزل احسن من الوكيل ومتخافش
.
.
.

من هنا قلت انزل موضوع اخد ارائكم فيه , الاحسن الوكيل ولا الخليجي ؟

ومنتظر ان شاء الله ردودكم وتفاعلتكم

**hi_nmr** · 06-09-2014 05:48 PM

الخليجي فيه اوبشن زياده
الخليجي احسن في المكنه والجير
الخليجي اقل في المساعدين
الخليجي ملوش ضمان او بتشتريه لواحده مش مع العربيه ياعني
النتيجه النهائيه الخليجي احسن من وجهه نظري

**diiie_hard** · 06-09-2014 05:53 PM

شاكر ليك اخي مشاركتك
دمت بود وفي انتظار باقي الاخوة الافااضل

**amr_8800** · 06-09-2014 06:03 PM

المشاركة الأصلية كتبت بواسطة hi_nmr

الخليجي فيه اوبشن زياده
الخليجي احسن في المكنه والجير
الخليجي اقل في المساعدين
الخليجي ملوش ضمان او بتشتريه لواحده مش مع العربيه ياعني
النتيجه النهائيه الخليجي احسن من وجهه نظري

طيب ولو قلت لحضرتك ان العربيات الي من الوكيل برضو خليجي
يعني عربيتي شاريها من داياموند الي هو الوكيل والعربيه مكتوب على القائم الي تحت باب السواق انها مصنعه طبقا للمواصفات القياسيه في دول الخليج والمملكه العربيه السعوديه
برضو هتقول في فرق في المكنه والفتيس والعفشه

ارجوكو يا جماعه الي مش متأكد من حاجه ميقولهاش عشان محدش يوصلو معلومه غلط

**hesham fawzy h** · 06-09-2014 06:14 PM

متابع

**diiie_hard** · 06-09-2014 06:43 PM

طب يا جماعة الي عنده معلومة يقدر يفيدنا بيها يقولنا عليها
ويكون شاكر جدا
واتمني التفاعل من كل الشركاوية وجميع اعضاء المنتدي بارائهم وتجاربهم

**ARKOON** · 06-09-2014 07:21 PM

الخليجي مواصفاتهم أعلى . بس تضمن ان المواصفات فعلا خليجي ولا مجرد كلام . ابتسم انت في مصر :)

**mido102** · 06-09-2014 08:34 PM

باشا متوجعش دماغك انت اشتريت وربنا يباركلك فيها بس امشي علي جدول الصيانة الدورية وغير زيتك في ميعادة والكلام ده و

**DEVIL333** · 06-09-2014 11:37 PM

وكيل طبعا

**Land_Cruiser** · 07-09-2014 12:00 AM

بص حضرتك : مبدأيا كده بما ان حضرتك خلاص اشتريت فمش هتستفيد قوي من النتيجة الان إنما ممكن تفيد بيها حد تاني مقبل علي الشراء. بالنسبه لموضوع الخليجي امام الوكيل في الشراء انا عن نفسي اخترت الوكيل وده لآني باشتري زيرو بمبلغ محترم و الضمان بالنسبه للزيرو مهم جداً ودي اهم ميزه فيه. بالنسبه للخليجي احيانا بيبقي أرخص إنما دائماً اوبشنز اعلي و تكييف اقوي و بالتالي عنده نقطه تفوق و عليك وان تحدد اولوياتك ساعه الشراء اذا كانت هتبقي للضمان و لا الكماليات و انا عن نفسي هاختار الضمان مع فئه تانيه او اعلي علشان ما تبقاش فاضيه اما لو مستعمله يبقي في الغالب هاروح للخليجي خاصه لان موضوع الضمان ساعتها هيكون خلص او قرب يخلص فمش هتبقي فارقه و ساعتها الخليجي تبقي افضل كسعر و كماليات

مشاهدة نتائج الإستطلاع: الافضل في رايك وكيل ولا خليجي ؟

الموضوع: كله يقول رأية : وكيل ولا خليكي احسن ؟

LinkBack

أدوات الموضوع

عرض

-

-

-

المواضيع المتشابهه

المواطن المطحون (سيات 133 - لادا أوكا) كله يدخل يقول رأية من غير تريقة

رأيكم في كيا كارينز خليكي 2011

ياريت ياجماعه اللى غير كاوتش قبل كدا يقول غير لنوع ايه او احسن نوع يركب على اللوجان

كل واحد يقول رأية فى الزيت الأحسن للادا

هشتري خليجي اني احسن ضمان ولا خليني وكيل احسن !!!!1

الكلمات الدلالية لهذا الموضوع

المفضلات

المفضلات

ضوابط المشاركة