كشفت على البيرسونا و محتاج رأيكم فى سعرها بعد ما اكتشفت فيها حاجات

**mada0202** · 06-09-2014 06:43 PM

السلام عليكم

دلوقتى يا شباب انا كنت قايلكم على عربية عاملة 34 الف فبريكة برة و جوة و كان مطلوب 85 الف

بعد ما كشفت عليها الراجل طلع كذاب و طلعت العربية عاملة حادثة واخدة خبطة من قدام فمغير كابوت و راشش الابواب الاربعة ورنيش اما الشنطة و السقف فبريكة و دواخل فبريكة و اساسيات العربية كويسة و الايرباجات مضربتش بالمناسبة
النقطة التانية كنت برضه سمعت ان صوت المروحة عالى جدا و طلع ان ماتور المروحة بايظ مش عارف بقى نتيجة الخبطة ولا لأه المهم سألت ماتور المروحة بكام -كان فى مركز عصام صفا - فقالى ب 1200 جنيه - بصراحة انا اتفاجئت من الرقم

المهم دلوقتى سعر العربية كام متوسطها بعد ما عرفت انها رشة برة ؟؟؟

و هل قطع الغيار بتاعة البروتون بالشكل المبالغ فيه ده ولا ايه ؟؟؟؟

**ARKOON** · 06-09-2014 06:56 PM

65 ألف .

**mada0202** · 06-09-2014 07:02 PM

العربية اوتوماتيك و كان طالب 85 الف على اساس انها فابريكة و لما سألت الناس هنا قالولى سعرها مناسب - تفتكر تنزل 20 الف جنيه ؟؟؟؟

**ARKOON** · 06-09-2014 07:07 PM

باشا الراجل بيحور ومش دغري معاك وقطع غيارها مش متوفر قد كدا يعني الله أعلم فيها ايه تاني انتا تدفع في حاجة انتا عارف الى فيها وراضي بحالتها كدا وجربها واحكم عليها شوف سحبها وصوت الماتور وما إلى ذلك . بس نزل من سعرها عشان الحوار الى هوا عمله .

**eng.m7md.ali** · 06-09-2014 07:17 PM

انا من رأيي تبعد عنها .. يااما لو عايزها بالسعر ده اخسفلو بسعرها الارض عشان النصاب ده ربنا مش هيباركلو طول ماهو كدة .. عجبوا السعر يبقى كان بها .. معجبوش يبقى احسن بردو

**mada0202** · 06-09-2014 07:20 PM

هو عموما التقرير قال ان حالة العربية كلها كويسة جدا مفيهاش غير نقطة الرش و الحادثة - انا بفكر اقوله 75 الف جنيه و ييصلحلى المروحة بتاعة العربية - فانتوا ايه رأيكم :؟؟؟

بس النقطة التانية فعلا ماتور مروحة البيرسونا يعمله 1200 جنيه ؟؟؟؟؟

**midomido123** · 06-09-2014 07:21 PM

هو ايه ده اللى 65 الف ويخسفلو بسعرها الارض ليه ما ينزل من سعرها بما برضى الله يا اخى ده حرام لا تبخسوا الناس اشيائها
دى عربه 2012 بيرسونا حتى لو رشه بره يبقى 79 او 80 الف امال لما تبقى 2012 ب 65 يبقى 2006 يوزعوها على البطايق بقى انا بتمنى من كل واحد انو يتقى ربنا فى الناس و فى نفسو

**mada0202** · 06-09-2014 07:28 PM

طب بالنسبة ل 75 الف جنيه ؟؟؟ مع العلم ان العربية مغيرة كبوت و رشة الابواب و الرفارف ماعدا الشنطة و السقف - و الرش ده كان ورنيش.

و يا ريت حد يرد عليا فى موضوع سعر ماتور مروحة التكييف اللى ب 1200 جنيه - اصلها يعنى لما مروحة بس بالمبلغ ده اومال لو حاجة ميكانيكية فى العربية هتبقى بكام ؟؟؟

**midomido123** · 06-09-2014 07:32 PM

موضوع رش الورنيش ده انا مش فهمو يعنى ده معناه ان مكنش فيها خبطات طيب ليه رشها ولا عشان يوحد اللون

**ARKOON** · 06-09-2014 07:33 PM

طالما حضرتك كشفت على العربية وجت على قد موضوع الرش واساسيات العربية سليمة والحادثة مأثرتش على لماتور او الريداتير ... عشان دا من حقك تعرف العربية الى انتا بتشتريها هتعرف فيها ايه وهتكون مرتاح نفسيا صاحبي العربية لما يعرفك هوا غير ايه وعدل ايه بالضبط هتدعيلوا اما لو العكس وخمك فيها كل شوية حاجة تعطل ومكنة تسخن ساعتها حتحسبن عليها . اما بنسبة لسعرها في السوق لو ماشية 34 ألف كيلو و أوتو ب 85 فدا كويس انتا احكى معاه ف 75 إلى 80 دا معقول جدا . بس ما تخدش العربية وانتا مش مقتنع بيها موضوع الرش دا عادي مش إشكال المهم الاساس (مكنة جيربوكس ...)
.