يعنى الملخص ان حضرتك رحت غيرت زيت ب 910 جنيه..كتير اوى
عرض للطباعة
يعنى الملخص ان حضرتك رحت غيرت زيت ب 910 جنيه..كتير اوى
ده سعر الصيانة المتوسط لجميع ماركات العربيات فى نفس هذه الفئة
كل العربيات فى نفس هذه الفئة سعر صيانة كل٥٠٠٠ كم حوالى ٥٥٠ جم
يبقى بعد ال ١٠٠٠٠ كم هتكون دفعت لمركز الخدمة حوالى ١١٠٠ جنيه
رينو مبتدفعش حاجة عند ال ٥٠٠٠ كم و بتدفعهم كلهم عند ال ١٠٠٠٠ كم بس المحصلة واحدة بغض النظر عن أخدت بيهم ايه!!
أسعار الصيانة لهذه الفئة من السيارات واحدة تقريباً و طبعاً مبالغ فيها جداً
للأسف مضطرين ندفعهم علشان نفضل تحت الضمان
تحياتى
تفاصيل الفاتورة:
- فلتر زيت ١٢٣ جنيه
- وردة مسمار تصفية الزيت ١٥ جنيه
- زيت ٤ لتر ٢٧١ جنيه
- زيت ١ لتر ٧٢.٧٥ جنيه
* مصنعيات صيانة ال 10 الاف كم: ٣٤٥ جنيه
اجمالى قطع الغيار : ٤٨١.٧٥ جنيه
اجمالى المصنعيات: ٣٤٥ جنيه
ضريبة مبيعات قطع الغيار : ٤٨.١٨
ضريبة مبيعات المصنعيات: ٣٤.٥٠
اجمالى الفاتورة : ٩١٠,٠٠ جنيه
معلش انا عاوز افهم العربيه فى الضمان يبقى مصنعية ايه الى بياخدوهامش المفروض ياخد تمن الزيت والفلتر لانهم مش فى الضمان انما ياخد 340 مصنعية دى تبقى نصب
اما توكيل محترم ازاى
علي فكره عندي في الميجان بتاخد ٤ لتر زيت علي الرغم من ان الكتالوج كاتب ٤.٥
/(تفسيري ان الزيت مبينزلش كله اثناء التغيير)
ملحوظه متكرره في اكتر من عربيه امتلكها
وكمان مش منطقي ان العربيه تكون طالعه من المصنع ناقصه زيت
شكرا علي التقرير
ربنا يديلك خيرها ويكفيك شرها
لسه عامل نفس الصيانة النهاردة بقت 1010 جنية
لسة عامل صيانة العشرين ب 1665 النهاردة
محتاج جدول الصيانات كلها لو عند حد ضروري علشان أعرف ايه بيتعمل في كل صيانة