عينى تعبت من الهاى كوبى

**مانويل مايكل** · 06-09-2014 09:57 PM

أنا مقيم بسوهاج .
من 5سنين تقريبا أشتريت نظارة ب600 جنية على أنها أصلى . ولكن أكتشفت بعد ذلك انها كوبى . وبعد كام سنة لقيت محلات بتبيعها ب250 جنية.
المهم انا عندى حساسية ضد الشمس ومقدرش أستغنى عن النظارة ومش لاقى خالص أورجينال فى سوهاج ياريت لو حد عندة تجربة فى شراء نظارة شمس اورجينال أى ماركة يقولى بكام وأسم المحل ولو حد ممكن يفيدنى حتى رقم تليفون.

**EngAhmedSakr** · 06-09-2014 11:44 PM

عن تجربه: ببساطه إشتريها اونلاين من الموقع الرسمي للشركه المنتجه
او من ستوك احد المتاجر الإلكترونيه الشهيره مثل امازون
سعرها سيكون عادل بلا مبالغة وستكون اصليه 100%
أنصحك بنظارات serengeti النسخ البولرايزد منها رائعه في القياده والاستخدام اليومي وخامتها ممتازه وتعيش سنييييييييييييييين وسنين

بالتوفيق

**mastr_n** · 07-09-2014 06:34 AM

محلات النظارات كلها نصب فى نصب الا من رحم ربى
حاجة تقرف مجتمع بقة سمتة الغش والنصب على الناس
من اسبوعين نزلت اشترى نظارة نظر لابنى 5 سنين المهم الافندى اللى شغال فى المحل طلعلى نظارة ماركة لاكوست وقالى دية ايطالى المهم ونظرا لعدم خبرتة طلعت كمان كبيرة على وشة وخدتها منة ب 180 جنية
المدام بالصدفة شافتها فى محل تانى ب 90 جنية !!!!!!! شوفتوا السرقة والنصب؟
انا ماسكتش روحتلة المحل مالقيتوش اتصلت على الموبايل واديتة اللى فى النصيب
وردة ان كل محل بيبيع منتجاتة بالسعر اللى هوة عايزة مش هاسكت وهاعمل معاة الصح على الفيس بوك علشان احذر الناس من الاشكال دية

**DODGE2013** · 07-09-2014 06:38 AM

حقولك على حاجه وحتستغرب ونحصت بيها كام واحد وجربها ونفعت معاه

استغنى عن نظارة الشمس وعود عينك على اشعة الشمس وانت سايق زي ما انا عملت وحاليا والحمد لله مبلبسش نظارة شمس نهااااااااااااااائي مع ان الشمس كانت بتتعب عنيا جامد بس حاليا عادي ممكن تظبط معاك وممكن لا لو الحساسيه زايده عندك او فيه عيب في الابصار مثلا ضد الشمس

احيانا النظارة ذات نفسها ممكن تتعب عينك اصل هنا في مصر بتشتري النضاره من محل نضارات وخلاص حتى لو انت متأكد انها اصليه ..... برا لما كنت بشتري نظارة شمس كنت قبل ما بشتريها الراجل يقولي تختار بنفسك ولا اختارل الي يناسبك

فا استغربت من الكلمه فا طلع ان كل شخص فيه نضارة تريح عينه ونضاره لا بسبب العدسه الي متركبه عليها فا قبل ما اشتري كشف على نظري وحددلي نوع العدسه المعينه واللون المعين الي يمشي معايا وانا اختر الشكل الي يعجبني للفريم مفيش مشكله وجربتها فتره ومكنتش بتتعب عنيا بس لما اتخدشت جامد ركنتها وضاعت وجبت غيرها وبعدها عودت عيني على الموضوع

الخلاصه حاول تعود عينك على الشمس ( ايام زمان مكنش فيه حاجه اسمها نظارة شمس وكان بصرهم زي الفل )

منفعش لما تشتري نضاره شمسيه اكشف الاول وخليه يحددلك النوع الي يمشي معاك والدرجه المناسبه وابقى هاتها من برا ولو اشتريت من موقع متخصص حتلاقي درجات مختلفه لنوع العدسه ولو مش موجوده وطلبت اسبشيل واردر بيعملهالك
حسب طلبك
حاول لما تشتري نظاره شمسيه متجبش اي حاجه وخلاص

**M.ABDOU** · 07-09-2014 09:13 AM

اعتقد مغربى نظاراته اصليه بس السعر مرتفع

**أبو_يوسف** · 07-09-2014 10:10 AM

المعروف ان حدقة العين بتتسع في الظلام .. وبالتالي العدسات الغامقة بتعمل كدا..بس المشكلة ان النظارة التقليد لا تمنع مرور الاشعة الضارة زي الاصلية وبالتالي العين بتتعرض للاشعة الضارة مع النظارات التقليد اكتر من عدم استخدام نظارة..

**Elawany13** · 07-09-2014 11:39 AM

المشاركة الأصلية كتبت بواسطة mastr_n

محلات النظارات كلها نصب فى نصب الا من رحم ربى
حاجة تقرف مجتمع بقة سمتة الغش والنصب على الناس
من اسبوعين نزلت اشترى نظارة نظر لابنى 5 سنين المهم الافندى اللى شغال فى المحل طلعلى نظارة ماركة لاكوست وقالى دية ايطالى المهم ونظرا لعدم خبرتة طلعت كمان كبيرة على وشة وخدتها منة ب 180 جنية
المدام بالصدفة شافتها فى محل تانى ب 90 جنية !!!!!!! شوفتوا السرقة والنصب؟
انا ماسكتش روحتلة المحل مالقيتوش اتصلت على الموبايل واديتة اللى فى النصيب
وردة ان كل محل بيبيع منتجاتة بالسعر اللى هوة عايزة مش هاسكت وهاعمل معاة الصح على الفيس بوك علشان احذر الناس من الاشكال دية

ولو نزلت العتبة ولا المنشية هلتلاقيها بـ 15 - 30 جنيه بالكتير قوى

**kar!m** · 07-09-2014 08:09 PM

عندي نضارتين أصليتين كنت شاريهم من أمريكا مبستخدمهمش .. لو واحدة منهم تناسبك قل لي

http://www.nilemotors.net/Nile/417376-a.html

**kar!m** · 07-09-2014 08:11 PM

المشاركة الأصلية كتبت بواسطة mastr_n

من اسبوعين نزلت اشترى نظارة نظر لابنى 5 سنين المهم الافندى اللى شغال فى المحل طلعلى نظارة ماركة لاكوست وقالى دية ايطالى المهم ونظرا لعدم خبرتة طلعت كمان كبيرة على وشة وخدتها منة ب 180 جنية

معلش مع احترامي مفيش نضارة ايطالي ب 180 جنية .. النضارات الأصلية الايطالي مش أقل من 1000 جنية.

الموضوع: عينى تعبت من الهاى كوبى

LinkBack

أدوات الموضوع

عرض

-

-

-

-

-

-

-

المواضيع المتشابهه

سؤال شائك لاصحاب السامسونج هل اشتريت الاوريجنال ولا الهاى كوبى

إستفسار عن النظارات الهاى كوبى..!!

الفلونس الهاى لاين ولا مازدا 3 الهاى لاين ولا الشارك هاى لاين

شوفو الدلع بتاع المرسيدس .......يا عينى يا عينى

الكلمات الدلالية لهذا الموضوع

المفضلات

المفضلات

ضوابط المشاركة