العربية فعلا ممتازة بس لو اهتموا بيها شوية
العربية فعلا ممتازة بس لو اهتموا بيها شوية
الف مبروك
ربنا يديك خيرها و يكفيك شرها
الف مبروك و ربنا يبارك لك و يكفيك شرها
اما بالنسبة للتوكيل -- اتمني انا لا مساوئه عاجلا
فقط طفح الكيل..............................
يا جماعة ده جروب لملاكي سويفت وديزاير
https://www.facebook.com/groups/380231375458364/
رينا يبارك لحضرتك في عربيتك ويطعمك خيرها ويكفيك شرها .
انطباعات لقيادة 750 كم متنوع منهم حوالى 450 كم سفر
1- العربية ثابتة على الطريق بمعنى الكلمة : يعنى فى ملفات قاسية على سرعة العربية ماشاء الله ثابته و مش بتروح حارة تانية - بس للامانة بشعرلها فرامل و بحس ان الـ ABS عامل شغل :)
- و فى الطوالى سفر او دائرى فمهما يعدى جنبى صواريخ الميكروباصات او الاتوبيسات مفيش اهتزاز يذكر بالعكس بحس العربية بتكلبش فى الارض
2- الدركسيون : جوه المدينة و انا على سرعه بطيئة جدا او بركن عامل زى الميه او السكينة فى الحلاوة زى ما تحب :)
لكن على الطرق السريعه تقيل لكن لما تعوزه فى اى مناوره تلاقيه استجابته جميلة غير مقلقه ..
3- استهلاك البنزين : فى السفر وصل معايا معدله حسب الكمبيوتر لحوالى 18.5 كم/لتر بس السرعه ثابته حوالى 85 الى 90 كم/ساعه و مش عاوز ازود عن كده بس العربية بحسها نفسها تجرى اكتر و انا مقيدها بدوسة ثابته على بدال البنزين
- بالنسبة لجوه المدينة و الزحمة الخنيقه وصل المعدل الى حوالى 17.5 كم/لتر
و بعيدا عن كمبيوتر العربية - و بالنسبة الى حساباتى الخاصة بالتفويل متوسط الاتنين مع بعض سفر و مدينة وصل حوالى 16.5 كم/لتر - يعنى الصفيحه مختلط تعمل حوالى 330 كم و اعتقد ان ده كويس مع ملاحظة انى مازلت فى فترة التليين ...
4- ارتفاع العربية : عبقرى ومتعوض عن توسط نعومة العفشه لصالح الارتفاع و الثبات و ده مخلينى راضى و الحمد لله
5- السحب : عامة جيد جدا - وانا تقريبا مشغل التكييف على طول- بس كنت بلاقى ساعات بطئ فى التجميع عند مطالع الكبارى فقط و لما يكون الطريق تقريبا واقف - بس عالجت ده باننى بقيت بنقل الفتيس من d الى 2 و اثناء التحرك البسيط و طبعا من غير اى فرامل و العكس لما الطريق يبتدى يمشى و ماحستش باى مشكلة فى الفتيس او صوته او استجابته
( ياريت لو حد عنده تعليق على الموضوع ده و لو عندى خطأ يصلحهولى - لأنى مش خبير بالاتوماتيك)
6- العزل : جميل جدا ساء جوه المدينة او على السفر - مفيش تصفير او دخول تراب من الصحراء - بس للأمانه الكاوتش صوته مسموع بس مش مزعج
كل دى انطباعات شخصية يا جماعه من خلال سواقتى و مقارنتى مع ماركات تانية امتلكتها او سوقتها فترة كافية للحكم عليها جيدا
ربنا يباركلك فيها
على فكرة الكاوتش الجوديير الهندي اللى فيها هو صوته عالي فعلا وكان غايظني قوي في الألتو ... بس هو كاوتش كويس عموما