استشارة ... ممكن احط زيت تخليقى فى عربيتى ؟

**Genral.Huncky** · 07-09-2014 12:09 PM

كورولا 2004 مانيوال
الزيت اللى فيها حاليا اسمة mobile xhp super 1000 20w-50
مش مكتوب علية معدنى و لا تخليقى و لا اى حاجة
ممكن اغير لزيت تخليقى زى شيل و لا كاسترول او الحاجات دى و لا لا ؟

**borio1704** · 08-09-2014 04:35 PM

ما دام الزيت مش مكتوب عليه "Synthetic" أو "Fully Synthetic"

يبقى الزيت ده معدني... خصوصا إن لزوجته عالية (20w-50)... لإن مفيش زيت تخليقي لزوجته كده .. على الأقل في السوق بتاعنا.

لو عايز تغير.. اتأكد الأول من مواصفات الزيت المناسب من كتالوج العربية ... وبعد كده .. اشتري أي زيت يمشي مع المواصفات دي

عايز تعرف ازاي تقرا المواصفات؟؟ انصحك تدخل على الموضوع ده:

http://www.nilemotors.net/Nile/341680-a.html

...

**borio1704** · 08-09-2014 05:40 PM

المشاركة الأصلية كتبت بواسطة Genral.Huncky

شكرا لاهتمامك يا باشا و هو طلع معدنى فعلا
الكتالوج بتاع العربية بيقول 5w-30 لكن مش محدد تخليقى و لا لا
االلى مقلقنى هو ان ناس بتقول ان التغيير لتخليقى ممكن يبوظ صمامات الزيت و يسرب زيت من الموتور

مفيش كتالوج بيحدد نوع زيت (معدني تخليقي) إلا فيما ندر.. والكلام ده مش في العربيات العادية بتاعتنا...

يعني ممكن تلاقي تحديد زيت تخليقي في كتالوج فيراري أو بورش مثلا.. إنما بقية العربيات بتاعت الناس العادية ما فيهاش تحديد.

بالنسبة للتغيير... فمعظم الزيوت التخليقية الموجودة في السوق حاليا مفيش منها قلق... ماعدا بعض ماركات تجارية معينة (زي Amsoil) بتستخدم زيوت تخليقية راقية جدا.. ودي هي اللي ممكن تسبب مشاكل لو الموتور مش بحالته.

غير كده ما عندكش مشاكل بإذن الله.. ولكن من وجهة نظري... شيك على الجوانات والأويلسيلات احتياطي للنظافة بشكل عام.

...