الموضوع: مشاكل الاوكتافيا a7

المشاركة الأصلية كتبت بواسطة Beeso

السلام عليكم,

انا جبت سكودا A7 من حوالي شهر و نص و فعلا العربيه عاجباني بس عندي كام حاجه كده مديقني عاوز اعرف لو حد بيعاني منها:

اولا انا عامل بالعربيه 6900KM و سافرت بيها كذه مره و العربيه جميله ما شاء الله بس شويه الحاجات اللي تحت اللي مديقني:

• عزل الزجاج و خاصة باب السواق (الصوت عالي وبسمع اي دبة نمله معديه ةانا في العربيه
• USB بتعلق ساعات يقراها و لو بطلت و دورت العربيه متشتغلش (بيبقي مش شايفها)
• وانا ماشي فوق ال 100 KM/h بسمع صوت هوا عالي من باب السواق و كل متزيد السرعه الصوت بيعلي

مستني ردكم والف مبروك لملاكها

موضوع العزل ده بصراحة انا مش بحسه للدرجة اللي بتحكي عنها دي، وانا كان معايا كيا سيراتو ولو جيت تقارنها بالاوكتافيا يبقي طبعا الاوكتافيا تكسب،
اما الUSB انا معاك 100% وحصلت معايا اكتر من 5 مرات في اول 3 ايام للعربية !!!!
وعلي فكرة انا عملت search علي مواقع مش مصرية واكتشفت ان موضوع الUSB ده عندهم برة مصر كمان
لكني قررت اني استعمل ال SD Card وفعلا الحمد لله من ساعت ما شغلته ولا مرة هنج واصلا بيتقرئ اسرع بكتير جدا من ال USB ياعني كأنك مشغل راديو (اول ما تفتح الPower تلاقي ال SD card اشتغل)
وخليت ال USB للشاحن بدل ما اشحن في الولاعة أو ال DC

جرب تحط فلاشه مساحتها اصغر

طب دلوقتي موتور ال A7 1.6 مش فارق كتير عن موتور الفانتازيا ، الفتيس هو نفسه . العفشه الفانتازيا أفضل لأنها مالتي لينك مش تورشن بيم و ده مخليها مش بتدب في المطبات و دي حاجه مهمه جدا في طرقنا اللي كلها مطبات . اتقال أن اتزان الفانتازيا أعلى بسبب العفشه و لأن طول ال A7 بيخليها تعوم مع الهواء الجانبي .
العزل برضه اشتكوا منه في ال A7 بعكس الفانتازيا .
أما الكماليات و بالمقارنة بين ال A7 العاليه شويه 214 الف و الفانتازيا البيز لاين هتلاقي ال A7 تزيد الكاسيت البوليريو و حساسات الركن و دي حاجات جميله بس ممكن تتركب و ممكن كمان تجيب كاسيت احسن فيه gbs و يشغل ملفات فيديو و خلافه ، بينما تزيد الفانتازيا التكييف التاتش duel zoon و تعتيم مراية الصالون و تلاجه زياده في الكونسول و دي حاجات متتركبش . أما الفانتازيا السبورت بالعفشه المونرو و الكماليات الزياده أو الفانتازيا الهاي لاين فدي قصة تانيه ...... يبقى ايه ؟

المشاركة الأصلية كتبت بواسطة Sherif Lotfy

طب دلوقتي موتور ال A7 1.6 مش فارق كتير عن موتور الفانتازيا ، الفتيس هو نفسه . العفشه الفانتازيا أفضل لأنها مالتي لينك مش تورشن بيم و ده مخليها مش بتدب في المطبات و دي حاجه مهمه جدا في طرقنا اللي كلها مطبات . اتقال أن اتزان الفانتازيا أعلى بسبب العفشه و لأن طول ال A7 بيخليها تعوم مع الهواء الجانبي .
العزل برضه اشتكوا منه في ال A7 بعكس الفانتازيا .
أما الكماليات و بالمقارنة بين ال A7 العاليه شويه 214 الف و الفانتازيا البيز لاين هتلاقي ال A7 تزيد الكاسيت البوليريو و حساسات الركن و دي حاجات جميله بس ممكن تتركب و ممكن كمان تجيب كاسيت احسن فيه gbs و يشغل ملفات فيديو و خلافه ، بينما تزيد الفانتازيا التكييف التاتش duel zoon و تعتيم مراية الصالون و تلاجه زياده في الكونسول و دي حاجات متتركبش . أما الفانتازيا السبورت بالعفشه المونرو و الكماليات الزياده أو الفانتازيا الهاي لاين فدي قصة تانيه ...... يبقى ايه ؟

ايوه انت تقصد ايه مش فاهم ؟؟؟؟ العربيه عندی ولا بتعوم ولا غيره و عزلها ممتاز جدا بالنسبالی ، يا جدعان الی عايز يجرب العربيه اجيلوا فی ای حته يركب معايا و نشوف مبحبش كلام و خلاص انا
و بالنسبه للتلاجه الی مش بتتركب دی ، ال a7 فيها تلاجه قدام
اه نسيت ، انت ش سوقت الفانتازيا قبل كده ؟؟ طب الa7 ، طب شوفت فرق السحب الی بينهم ؟؟ اه صحيح الموتور مش فارق كتير

المشاركة الأصلية كتبت بواسطة arizaro

ايوه انت تقصد ايه مش فاهم ؟؟؟؟ العربيه عندی ولا بتعوم ولا غيره و عزلها ممتاز جدا بالنسبالی ، يا جدعان الی عايز يجرب العربيه اجيلوا فی ای حته يركب معايا و نشوف مبحبش كلام و خلاص انا
و بالنسبه للتلاجه الی مش بتتركب دی ، ال a7 فيها تلاجه قدام
اه نسيت ، انت ش سوقت الفانتازيا قبل كده ؟؟ طب الa7 ، طب شوفت فرق السحب الی بينهم ؟؟ اه صحيح الموتور مش فارق كتير

أولا انا مش عايزك تزعل و دي اهم حاجه ... ثانيا انا فعلا معنديش فانتازيا ولا a7 بس سوقت فانتازيا كتير و عجبتني جدا و توقعت أن ال a7 تكون أفضل بس فوجئت أن في شكاوي كتير منها بالنسبه للعفشه و العزل و دول نقطتين مهمين جدا . يمكن أنت شايفهم كويسين بالمقارنة بالعربيه اللي كنت راكبها قبل كده بس معظم الناس على المنتدى و منهم صاحب البوست اللي احنا بنعلق عليه دلوقتي قالوا الملاحظتين دول في ناس قالت إن العفشه بتصفر في كل طلعه و فرمله و استخدموا لفظ ( فضايح ) . الموتور طبعا جميل و انا مقلتش انه وحش . بس هو على فكرة مش اختراع و إمكانياته متوسطه او اقل من المتوسط بالنسبه لسيارات موديل 2015 و ده من واقع مواصفاته من غير ما أكون سوقته ( الحصان و العزم و السرعه القصوى و التجميع ل 100 كم / ساعه في كام ثانيه ... الخ) بس طبعا هيكون عمره طويل و حمال قسيه لأنه ألماني .
الف مبروك عليك العربيه الجديده و ربنا يبارك لك فيها .
هو في تلاجه تانيه في الكونسول الأمامي بتاع الفانتازيا بس على رأيك واحده بس في العربيه كفايه .
و على فكره حضرتك مش محتاج تفرج حد على عربيتك ما دام عجباك استمتع بيها و اشتري دماغك من كلام الناس . انا محتاج اعرف آراء الناس علشان تساعدني قبل ما اخد قرار الشراء لكن بعد ما اشتري مش هايفرق معايا رأي حد .