الموضوع: مشاكل الاوكتافيا a7

المشاركة الأصلية كتبت بواسطة sherif lotfy

أولا انا مش عايزك تزعل و دي اهم حاجه ... ثانيا انا فعلا معنديش فانتازيا ولا a7 بس سوقت فانتازيا كتير و عجبتني جدا و توقعت أن ال a7 تكون أفضل بس فوجئت أن في شكاوي كتير منها بالنسبه للعفشه و العزل و دول نقطتين مهمين جدا . يمكن أنت شايفهم كويسين بالمقارنة بالعربيه اللي كنت راكبها قبل كده بس معظم الناس على المنتدى و منهم صاحب البوست اللي احنا بنعلق عليه دلوقتي قالوا الملاحظتين دول في ناس قالت إن العفشه بتصفر في كل طلعه و فرمله و استخدموا لفظ ( فضايح ) . الموتور طبعا جميل و انا مقلتش انه وحش . بس هو على فكرة مش اختراع و إمكانياته متوسطه او اقل من المتوسط بالنسبه لسيارات موديل 2015 و ده من واقع مواصفاته من غير ما أكون سوقته ( الحصان و العزم و السرعه القصوى و التجميع ل 100 كم / ساعه في كام ثانيه ... الخ) بس طبعا هيكون عمره طويل و حمال قسيه لأنه ألماني .
الف مبروك عليك العربيه الجديده و ربنا يبارك لك فيها .
هو في تلاجه تانيه في الكونسول الأمامي بتاع الفانتازيا بس على رأيك واحده بس في العربيه كفايه .
و على فكره حضرتك مش محتاج تفرج حد على عربيتك ما دام عجباك استمتع بيها و اشتري دماغك من كلام الناس . انا محتاج اعرف آراء الناس علشان تساعدني قبل ما اخد قرار الشراء لكن بعد ما اشتري مش هايفرق معايا رأي حد .

انا ياباشا على حد ذاكرتى الى قلت كلمه فضايح دلوقتى العربيه عامل بيها ٢٠٠٠ كيلو وااقدر اقول التغيرات الى حصلت
العفشه الاول كان مع الركن وهى كانت التيل بالتحديد مش العفشه كانت بتعمل اصووووات كتير وتزيق وصفارة لكن لكن لكن دلوقتى مفيش ولا الهوا والاصوات كلها راحت بعد التلين ثبات العربيه بقى احسن من الاول بكتير هتقلى لزاى اقولك معرفش بس بجيب سرعات عاليه ومش باخد بالى غير لما ببص على العداد بلاقى ١٦٠ حتى الى راكب جنبي بقولوا بص ١٦٠ يقولى ازاى بصراحه كل لما الوقت بيعدى والعربيه تلين اكتر حاجات كتير بتتظبط
العزل بسمع الى برا بالعافيه لو عربيه شكمانها عالى او موتيسيكل بسمعوا انما فى العادى كويسه هو كان ممكن يبقى احسن من كدا بس الاجمالى جيد جدا

بالنسبه للسحب لا حضرتك فى فرق تعتبر بالنسبه للفانتزيا حاميه عنها ومن صفر ل ١٠٠ فى ١٢ ثانيه وهن تجربه شخصيه

المشاكل ختى الان خبطه فى العفشه هتروح مع التربيط
صوت هوا شديد من الياب اليمين كانك فاتح شباك لو المشكلتين دول اتحلوا بقتةالعربيه ممتازة من وجهه نظرى

المشاركة الأصلية كتبت بواسطة azaz_egy

الموضوع ده قلقنى ورجعنى لنفس الحيرة اللى كنت فيها ، اوكتافيا ولا كورولا؟؟؟؟؟

الكورولا كنت قريت ان العزل مش عاجب بعض الناس خش على جروب الفيس
للعربيتين واسال اى سؤال انت عايزوا