ذيت الفتيس المناسب للفكترا المانيوال

**shawky125** · 07-09-2014 10:02 PM

السلام عليكم و رحمة الله و بركاته
احب اعرفكم الاول ان سيارتى اوبل فيكترا مانيوال 1600 سى سى موديل 1995
عاندى منذ عام 2004
عندى كذا استفسار لعباقرة الاوبل و برجاء الافادة و احب اسمع اراء فادى و طنانى باشا و اسلام البنا
أولا :
انا باعمل الصيانة فى مركز مقار بالاسكندرية من عام 2004 واقوم بتغيير الذيوت بالمركز ولكن الشهر الماضى كنت فى مطروح وكاوتش الكوبلن ضرب وغبرته عند ميكانيكى فى مطروح وطبعا ذيت الفتيس نزل منه كميه كبيرة وكان لونة اسود وخفيف وله ريحة وحشة والمكانيكى قال انة لازم يتغير بالمرة وطلب انى اجبلة علبتين موبيل 80w90 من البنزينة
المهم بعد تغيير الزيت واما رجعت الاسكندرية كنت باسمع صوت غريب والعربية دايرة وهذ الصوت بيروح لماادوس دبرياج وذهبت الى مركز مقار علشان نعرف سبب الصوت لانى مغير طاقم دبرياج كامل عنهم ماكملش شهر وكان نوعة لوك المانى
المكانيكى فى المركز قال ان سبب الصوت ذيت الفتيس الفالفلين اللى حطيتة فى مطروح لان العربية بيتحطلها ذيت باور وفعلا فضى الذيت اللى فى الفتيس وحط ريت باور موبيل 320 وقال ان الصوت حيمنع بالتدريج
انا عاز اعرف رأى الاحوه فى قسم الاوبل فى موضوع الذبت مع العلم انى اكتشفت انى بأستحدم ذيت باور فى الفتيس من 2004 ولم يحدث اى شى للفتيس وهاهو الذيت الموصى به فى الكاتلوج المانيوال حتى اطمئن
واكون شاكر جدا

**فادى محمد** · 08-09-2014 01:10 AM

وعليكم السلام ورحمه الله وبركاته..
الزيت الموصي به هو زيت تروس لزوجه 80 - 90 والهدف منه التزييت و ان الزيت يبقي مطيع للتروس في الجو البارد والحار .لزوجه متغيره يعني .. انما زيت الباور مش مهمته التزييت . ده زيت هيدروليكي مهمته نقل الطاقه فقط - الفتيس عندك f16 هياخد 1,9 لتر .
في ناس معانا جربت زيت الباور مكان زيت الفتيس ومبسوطه في فيكترا واسترا . انما انا مش باقتنع بالكلام ده.

**فادى محمد** · 08-09-2014 01:45 AM

بياخد نفس الكميه برده ..
الاف 23 له طبه تفريغ . اتفضل يا شريف باشا..
http://www.nilemotors.net/Nile/387718-a-2.html

**فادى محمد** · 08-09-2014 02:49 AM

الصاموله اللي ع الشمال , اللي بين الفتيس والشاسيه دي طبه التفريغ.

**فادى محمد** · 08-09-2014 11:39 AM

المشاركة الأصلية كتبت بواسطة shawky125

الف شكر يااستاذ فادى ودائما نستفيد من خبراتك ويارت تقولى افضل نوع ذيت وكيفية تغيرة علشان مااحلطش النوعين غلى بعض
وربنايخليك لينا ياغالى

انا باستخدم شل بس اشتريه من بنزينه شل او موزع معتمد. هتفك كارتيره الزيت اللي تحت 10 مسامير مقاس 13 م . الزيت هينزل - تغسل الكارتيره والجوان بتاعها بالبنزين وتركبها تاني وممكن تحط لحسه سليكون حراري نظيف لو شاكك في حاله الجوان وتقفل . وتمليء الزيت من الفتحه اللي
فوق عقربه الفتيس , هتلاقي صاموله 19 م فكها وحط القمع وامليء .. ممكن بقي تعمل زي مانا عملت . وانت فاكك الكارتيره تروح لخراط يعمل فيها طبه .( هيخرمها ويلحم صاموله ع الخورم ومسمار الصاموله يكون بورده والصاموله والمسمار يكونوا نحاس افضل ) بعد كده الدنيا هتبقي اسهل . عاوز تغير زيت هتفك المسمار اللي تحت بس .

**فادى محمد** · 09-09-2014 12:34 AM

المشاركة الأصلية كتبت بواسطة A.Sattar

الله ينور
بس ممكن زيت ايه تاني غير شل و ايه مواصفاته؟؟؟

شل سعره كويس وزيت محترم جداا عن تجربه .هو زيت فتيس مانوال ( تروس ) لزوجه 80 - 90 بيبقي في علبه حمرا . موبيل لو ببلاش اوعي تجيبه . جربت قبل كده ليكوي مولي , زيت عالي الجوده
بس مش مستاهله تحطه في فتيس مانوال لانه غالي قوي

العلبتين ب160ج مقابل علبتين الشل بحوالي 56ج . معلش دور علي شل هتدعيلي

-

-

الموضوع: ذيت الفتيس المناسب للفكترا المانيوال

LinkBack

أدوات الموضوع

عرض

-

-

-

-

-

المواضيع المتشابهه

زيت الفتيس المانيوال

نوع زيت الفتيس المناسب للهوندا

هو أيه عقرب الفتيس ده يا رجالة ( عن الفتيس المانيوال اتحدث ) :)

مقاس الكاوتش المناسب للفكترا b

ما هو زيت الفتيس المناسب

الكلمات الدلالية لهذا الموضوع

المفضلات

المفضلات

ضوابط المشاركة