مساء الخير
للاسف الاضواء النهاريه في ال ٥٠٨ اول فئه بتنور اصفر و ده بصراحه مقلل فخامتها اصل مش معقول الكوري ماشي بليدات ابيض و البيجو تبقى لمبه صفرا
كنت عايز اعرف هل التوب لاين نفس الموضوع برضه ولا اضاءتها احلى ؟
ولو التوب لاين اضاءتها مختلفه ينفع اشتري اللمض من التوكيل و تتغير هناك بالمره ؟
و لو ركبت ليدات ابيض مكانها من شارع دمشق مثلا و تكون نفس الوات و نفس السوكت بتاع الفابريقه الموضوع يعدي مع التوكيل ولا التلاكيك هتشتغل و يطلعوها من الضمان ؟
علي ما اعتقد التوب لاين اضائتها مختلفه فعلا و بتكون unit led كامله في الفانوس نفسه
و مفتكرش ينفع تركب عندك
حل اللمبه ده هو الخيار المتاح و انا شخصيا عامل كده في ال 316
التوب لاين معايا الإضاءة ليد بيضا مختلفه عن اول فئه بس مش عارف بصراحة ينفع تتغير ولا لا بس اعتقد انها بتبقا مرتبطه بالزينون كله علي ما اعتقد و الله اعلم
ياباشا الف شكر على مرورك و تعبك معايااقتباس:
المشاركة الأصلية كتبت بواسطة horas3000
انا عندي الاضاءه النهاريه في فانوس منفصل في الاكصطدام من تحتاقتباس:
المشاركة الأصلية كتبت بواسطة beka_kader
غالبا عند حضرتك راكبه جوه الفانوس يعني تصميم مختلف بالكامل
هشوف كده لو فيه حاجه تتوفق معاها
يا ترى العربيه عامله معاك ايه ؟ اتعشم تكون مستمتع بيها
اصلي بالمناسبه كملت الالف و ابتديت اضغط شويه على الموتور
الحمد لله العربيه انا شايفها عربيه كويسة جدا انا كنت جبت انسيجنيا و رجعتها في نفس اليوم بس انا شايف ان الاتنين ممتازين و ال 508 تجمعها و طلعتها اسرع و قطع الغيار ارخص الانسيجنيا التكنولجي فيها اكتر عشان الانتللينك انا عامل دلوقتي 1500 كيلو لاني مسافر الغردقه و الحمد لله اكتشفت في نص الطريق اني ناسي محفظتي كلها بالرخص بكل حاجه رجعت تاني القاهره فعملت في السفريه دي رايح بس 850 كيلو بس الحمد لله علي الطريق هايله انا جبت 210 و كنت العربيه ثابته جدا و ال ر بي ام كان علي 4.5 يعني كان قدامي اعتقد ل 240 مستريح و جربت الكروز كنترول العربيه التسارع بتعها مع نفسها مرعب لانها بطير انا شايف انها بسم الله مشاء الله عربيه كويسة جدا خصوصا في الفئه السعريه دي لان الانسيجنيا مثلا التوب لاين 305 و الباسات من وجهة نظري لا تقارن مع ال 508اقتباس:
المشاركة الأصلية كتبت بواسطة hany63
و فعلا الاضاءه النهاريه عندي في الفانوس بس في السيتنج حاجه تانيه للنور بس لما بشغلها مبتشغلش حاجه مش عارف بصراحه بتاعت ايه
عقبال ما تكمل معاك المليوناقتباس:
المشاركة الأصلية كتبت بواسطة beka_kader
يا ترى بتحط بنزين ايه ؟
انا شغال بال ٩٢ و زي الفل و السحب قوي انما عقلي بيوزني اجرب تفويله ٩٥ و اشوف النظام بس بيني و بينك خايف اصل لو عجبني الاداء يمكن امشي عليه شويه و ده هيضر جيبي جدا
و احلى حاجه في السفر تظبط الكروز كنترول مع محدد السرعه مع بعض على نفس السرعه بحيث تشتغل بالكروز و اول ما الطريق يزحم تنقل على المحدد و تدوس برحلك و طبعا السرعه مش هتعدي اللي انت مختاره و اول ما الطريق يفضى تنقل كروز و هكذا
و الباسات فعلا اقل منها على ارض الواقع حتى لو غيروا في تكنولوجي الفتيس بتاعهم و بقى زيرو مشاكل
انا طبعا جربت بيها السبورت مود و النظام ده تقدر تقول بياءخر نقله على كل السرعات فالعربيه بتبقى فايقه و عموما الفتيس زكي جدا يعني لو حس انك بتتسارع بيستنى على نفس النقله مش بيقرفك و ينقل بسرعه
فاضل اجرب التكه اللي في اخر الدواسه بيقولك العربيه بتتحول بطريقه غير عاديه بس مبحبش اقرص اكتر من ٤٠٠٠ لفه بس مسيري اجربها
بس كنت عايز اعرف رجعت ليه الانسجنيا ؟
السلام عليكم في حل لموضوع اللمبة دي سهل و بسيط
اولا مينفعش تغير علشان الهاي لاين نظام و حضرتك نظام تاني
ثانيا كل المحتاجه هتروح لاقرب موزع للمبات osram و هتقولو عيز لمبه لكذا كذا تكون اضائتها بيضاء هيقولك كام مثلا هتقولو 4300 و هو هيفهم و هيوفر لحضرتك طلبك
و تحت امركم في اي وقت
ربنا يخليك :)اقتباس:
المشاركة الأصلية كتبت بواسطة hany63
انا بستخدم 92 لاني فكرت نفس تفكريك اول ما جبتها قلت لو اتعودت و عودت العربيه علي 95 كده يبقا هشحت عليها
اما الانسيجنيا فا انا حبب العربيه دي جدا بس للاسف جبت من معرض و انا في المرور قبل ما رخص في نفس يوم الاستلام اكتشفت ان ضمان العربيه مكتوب في اسم حد و شغال من 5 شهور و كلمت منصور و انا و اقف في المرور قلي لا طبعا مش المفروض يبقا كده رجعت المعرض ادتهم العربيه و خت فلوسي ال 508 جيبها للمدام و الانسيجنيا كانت هتبقا ليا بس قفلت لما حصل الموقف ده و سيبت اللنسر للمرمطه مع ال 508
معلش ولا يهمك شكل الانسجنيا كانت متباعه لواحد تاني و شكله قلق منها و رجعها بعد ما الضمان اتكتباقتباس:
المشاركة الأصلية كتبت بواسطة beka_kader
و محدش يعرف الخير فين مين عارف تكون من الدفعه و ده اكيد غالبا اللي غيرت مواتير
و يقول لك اصل البوجيهات بتتكسر جوه الموتور و بتبوظه فغيروا نوع البوجيهات كلام ما يدخلش عقل اي واحد
ايه اللي هيكسر البوجيه اساسا و حتى لو اتكسر المفروض يتكسر الجزء اللي خارج الموتور
يللا كويس انها جت على كده
و لما اجرب البنزين ٩٥ هبقى اقول لك على النتيجه
الف شكر لحضرتك على تعبكاقتباس:
المشاركة الأصلية كتبت بواسطة nour_peugeot
الحمد لله ربنا اكيد بيكتب الخير و خصوصا بعد كده اكتشفت من الناس اللي في رابطة استرا و انسيجنيا ان في بعض الناس بتحس بخبطه في العربيه و في صفاره في الفرامل بس مش كل الناس بس بصراحه لما سقتها خصوصا اني مشيت تقريبا 70 كيلو بيها العربيه فعلا هايلا و اعتقد هي و ال 508 و ال اس 60 افضل 3 عربيات مع فرق مساحه لصالح ال 508 و الانسبجنيا خصوصا حجم الشنطهمن وجهة نظري دول الافضل لحد قبل رنج ال بي ام 320 و ال سي 180و زي ما حضرتك قلت فعلا كان ممكن يبقا فيها حاجه العربية فالحمد لله طبعااقتباس:
المشاركة الأصلية كتبت بواسطة hany63
مستنيك انشالله تجرب ال 95 عشان اشوف هيستاهل ادفع ولا ايه لحسن ده التفويله فوق ال 400 :)
استاذ هاني
اولا تشرفت جدا بمكالمتك امبارح و باضافتك علي الفيسبوك و ان كنت صدمت لان كنت فاكر حضرتك اصغر من كده شويتين :)
عموما بعد البحث و التمحيص و زي ما قلت لك الليله عندك مختلفه عن الهاي لاين
حضرتك المفروض ال DRL عندك تحت في الاكصدام كده
http://3d-car-shows.com/wp-content/u...08-design1.jpg
و حسب الصوره اللمبه صفره تمام زي ما انت قلت
و الفانوس مش عدسات للاسف
الهاي لاين بقي ال DRL في الفانوس نفسه و هي unit كامله مدمجه في الفانوس
http://static.autoexpress.co.uk/site...?itok=5lMCCnYY
و طبعا عشان تركيبها لازم تغير الفانوس كله
و طبعا ده حل مكلف بس يستاهل خصوصا لانك كده هيبقي معاك زنون (بفرض الفيشه و الظفيره زي ما هما)
فدلوقتي الحلول عندك كالاتي
يا تشوف اللمبه اللي راكبه ايه و تغيرها بنظيرها ال LED او بلون ابيض
و اعتقد هي دي موديلها
Aliexpress.com : Buy P13W 7.5W and Three Side Matrix, LED Daytime Running Lights, Free Shipping! from Reliable lighting a light bulb suppliers on Uncle Sam's Shop
او تركب الاختراع اللي وقعت عليه و انا بدور ده :)
http://www.carpartshow.com/uploads/1...0115211152.jpg
و زي ما انت شايف فيه ال DRL بيكون LED و معاه اشاره LED برضه + الفوج
و ده السايت
PEUGEOT 508 DRL LED Daytime Running Light turn light steering lamps LED-119PG_car headrest dvd,car headrest monitor,Day Running Light,car rearview camera,car parts factory
و ده سعره من علي بابا بس شايفه غالي حبتين
Dongfeng Peugeot 508 Peugeot Fog Lights For The LED Daytime Driving Lights, Light Night Light BUMPER LAMP Modification QC14-in Daytime Running Lights from Automobiles & Motorcycles on Aliexpress.com | Alibaba Group
فالموضوع مش صعب و الخيار يرجع ليك
و الصين مش مخليه في نفسنا حاجه
بجد مش عارف اقول لك ايه زي ما حضرتك اتصدمت في اني كبير انا برضه اتصطدمت انك كبير قوي بس في مقامكاقتباس:
المشاركة الأصلية كتبت بواسطة horas3000
ربنا يخليك و شاكر تعبك و برضه اعمل حسابك نتقابل الا بقى لو منبهيين عليك ما تصاحبش الاكبر منك
بس انا يمكن كبير شويه بس لسه شقي ههههههه
انا على العموم غاوي تصوير و بعت ليك صوره على الفيس و لو انت غاوي الموضوع تحت امرك في اي حاجه
مع العلم اني لسه متعلم من اقل من سنتين اظن السن اهو لسه شغال
تحياتي ليك و شاكر افضالك
العفو يا باشااقتباس:
المشاركة الأصلية كتبت بواسطة hany63
و مش قصدي حاجه
بس طريقه كتابه حضرتك و حتي صوتك في التلفون لم يوحي بسن حضرتك خالص
و طبعا يزيدني شرف مقابله حضرتك و انا عند وعدي و بينا تلفون ان شاء الله
و هي الشقاوه دي اللي لخبطتني بقي :)
و وصل لي التاج فعلا و انا كنت غاوي حوار التصوير ده في صبايا و خصوصا الفيديو و كنت متعهد تصوير افراح العيله و يمكن ده اللي كرهني في الموضوع ههههه
بس بعد كده فقدت الاهتمام و توجهت لحاجات تانيه
والعفو و انا تحت امرك في اي استفسار تاني
و البركه في عم جوجل :)
مهو ٢٨ سنه ونص ميعتبرش كبير قوي هههههاقتباس:
المشاركة الأصلية كتبت بواسطة horas3000
فكرتني لما دخلت موضوع التصوير واشتركت في جروب على النت و طبعا كله شباب صغير بنات و اولاد المهم كله بيتعامل بدون تكليف قوم جه واحد حب يوقرني شويه راح رازع كومنت و كان بيرد على بنت و قال استاذ هاني من سن والدي قمت رادد عليه الف شكر اديك طيرت المعجبات
يللا الحمدلله ان نايل موتورز مفيهوش معجبات كان زمانهم حصلوا اللي قبلهم بسببك ههههههههه
هو اية لازمة ال drl اصلا !
انا شايفة سيئ لية بقي
3/4 العربيات السبورتاج اللى ماشية قافلين نور التابلوة بالليل فال drl شغال بكل قوتة و بشع بشع للي جي في المقابل
لازمته انه بيخلي العربيه ظاهر من مدي ابعد و تلفت نظرك في المرايات اسرعاقتباس:
المشاركة الأصلية كتبت بواسطة ashouhdy
و السبورتاج و امثالها اصحابها بيعملوا كده لان نور العدادات عندهم شغال علي طول فهو بيكسل او بينسي يفتح النور لان كده كده مش فارق معاه و شايف العدادت
و عموما ده مش ذنب المصنعين ان الناس بتستهبل :)
هما عاملينه صح و المفروض بيحصل له dimming لما تفتح النور
الاستاذ حورس بارك الله فيه جاب الحل وهو تغير الفانوس كله وده افضل حل
وممكن يا استذ هانى تجيبه من e bay عن طريق موقع edfa3ly وهيوصلك لحد البيت
انا جبت منهم النيكل بتاع الديفيوزر الامامى والنيكل بتاع عتب الابواب والفوانيس الخلفيه
وهاتلاقى اسعار كتير وموقع مضمون عن تجربه
بس انا وجهة نظرى تسيبها زى ماهى علشان مايبقاش نور اصفر وابيض مع بعض فى العربيه
وطبعا الامر راجع لحضرتك
وتحت امر حضرتك يا استاذ هانى فى اى وقت ماتتردش
أنا بجيب حاجت كتير من غير ما عدى على ادفعلىاقتباس:
المشاركة الأصلية كتبت بواسطة eleanor
فقط بكتب عنوانى للبائع فى ebay و بيجيلى اخطار على مكتب البريد باستلام الحاجة و بروح ادفع جماركها و شوية مصاريف و استلم الحاجة
لو حاجة خايف عليها ممكن عن طريق ادفعلى و يبقو هما الضامنين
هوا عيب مكتب البريد ان المده بتوصل لشهر عشان الشحنه بتفضل في مكتب رمسيس لوحده اسبوعين لتقدير الرسوم ( شفت الحلاوه ) و عيبهم انك ما تقدرش تعترض و تخفض حتى لو غلطوا في التقدير الجمركي هيبقى موالاقتباس:
المشاركة الأصلية كتبت بواسطة م أحمد
ميزة ادفعلي ان اسبوع او ١٠ ايام بالكتير و الحاجه توصل و هما ضامنين و عندهم المخلصين بتوعهم و ساعات على فكره بيتلاعب انه بيجيب الحاجه على انها مستعمله او هديه او بقيمه اقل و الفرق ده كله رايحله و انا متاءكد من كده عشان مره اشتريت ساعه لقيتهم جايبنها في كيس بدل العلبه و ده بالاضافه للعموله و ساعات بيضيف شحن داخلي رغم ان بيبقى مكتوب شحن مجاني داخل امريكا