استفسار هام لمهندسين الكهرباء

**elpilot** · 08-09-2014 01:56 AM

السلام عليكم
لو سمحتم محتاج ضروري جهاز او دائرة توصل علي السلك العمومي الداخل للمنزل وتقوم بعدم تشغيل التسار الكهرباءي عند رجوعه من الانقطاع الا بعد مده معينه مثلا 1دقيقة يكون فيها التيار استقر وبقي كويس لان عندنا لما الكهرباء بترجع بترجع وتقطع تاني في نفس الوقت كذا مرة لحد ما تستقر ففكرت في الفكرة دي علشان انقذ اجهزتي من الاحتراق
ارجو الافادة من اي شخص لديه معلومة عن الجهاز او الدائرة وسعرها وطريقة تركيبها ولكم كل الشكر

**A7medelfe2y** · 08-09-2014 02:33 AM

انا حاسس ان الموضوع كبير فانت ممكن تركب لمبه بيان صغيره قبل العداد وممكن تركب معاها جرز صغير عشان يعرفك ان الكهرباء جت وحضرتك تفصل السكينه او مفاتيح الفصل اول ماتقطع وتوصلها مانيوال بعد ما الكهرباء تيجي وتنتظم والله اعلم

**MaZaGAngeE** · 08-09-2014 03:39 AM

دي لوحة اسمها ats و مهمتها تنظيم التحويل بين مصدر الكهربا الطبيعي و بين مولد الكهربا…

**magdy_c_c** · 08-09-2014 07:37 AM

استبلايزر و ريح دماغك علشان لو مش موجودين فى البيت هو هينظم الموضوع أوتوماتيك

**elpilot** · 08-09-2014 08:21 AM

المشاركة الأصلية كتبت بواسطة magdy_c_c

استبلايزر و ريح دماغك علشان لو مش موجودين فى البيت هو هينظم الموضوع أوتوماتيك

الاستابليزر هينظم الكهرباء بس مش هيخليها متشتغلش بعد فترة وبالتالي هتقعد تقطع وتيجي علي الاجهزة

**elpilot** · 08-09-2014 08:22 AM

المشاركة الأصلية كتبت بواسطة mazagangee

دي لوحة اسمها ats و مهمتها تنظيم التحويل بين مصدر الكهربا الطبيعي و بين مولد الكهربا…

اعتقد اللوحده دي غاليه جدا سألت صديق قالي بتعدي ال3000 هي فعلا بتعمل الموضوع ده بس انا كنت عايز حاجه ارخص شوية وتؤدي نفس الغرض بس اظاهر انه صعب

**elpilot** · 08-09-2014 08:23 AM

المشاركة الأصلية كتبت بواسطة a7medelfe2y

انا حاسس ان الموضوع كبير فانت ممكن تركب لمبه بيان صغيره قبل العداد وممكن تركب معاها جرز صغير عشان يعرفك ان الكهرباء جت وحضرتك تفصل السكينه او مفاتيح الفصل اول ماتقطع وتوصلها مانيوال بعد ما الكهرباء تيجي وتنتظم والله اعلم

انا بعمل كده فعلا لما بكون في البيت بس المشكله لما بكون خارج البيت في الشغل او مسافر فكنت عايز حاجه تعمل كده اوتوماتيك واريح دماغي