افيدوني .. تآكل في الاطارات الامامية لسيارة فيرنا 2012

**احمد المصراوي** · 08-09-2014 07:08 AM

السلام عليكم ورحمة الله
يا ريت يا جماعة اللي عارف حل يفيدني بيه
اناعربيتي فيرنا موديل 2012
لاحظت حدوث تآكل في الاطارين الاماميين
العربية عاملة 41000 كيلو ..
ولم اغير الاطاارت ولا مره
فهل اغير الاطارين الاماميين ولا انتظر كمان 10000 كيلو
مع العلم ان سألت بتاع الكاوتش قالي عادي ممكن تمشي 5000 بيهم
ومع العلم ايضا اني للاسف مستخدمتش الاستبن نهائي
ايه الحل ؟؟
ولو غيرت ما هو افضل الانواع المأمونة ؟

**Eng.Mina** · 08-09-2014 08:22 AM

حسب حالة الاطارات عند حضرتك لو التأكل جامد يبقي الافضل تغيرهم بس انا بفضل حضرتك تغير الاربعة مرة واحدة ولازم ولابد كل 10000 كيلو تعمل روتيشن للاطارات ( تبديل الاطارات الامامية مكان الخلفية ) علشان مايبقاش الحمل دايما علي فردتين بس وبكده حتلاقي الاطارات بتعيش معاك اكتر من كده . انا شايف ان عربية حضرتك اوتوماتيك يعني المقاس عندك 185/60 r14 وده اللي انا مركبه عندي
افضل الانواع : بريدجستون ( وفيه منه موديلين my02 تايلاندي و turanza ياباني ) والميشلان
انا مجرب البريدجستون بيقعد معايا 60000 كيلو مرتاح مع العلم ان هو والميشلان سعرهم عالي مقارنة بباقي الانواع التانية بس الغالي تمنه فيه طبعا

**تامر.محمد** · 08-09-2014 08:48 AM

طالما عملوا 40 الف يبقى غيرهم و خلاص
اسباب التآكل عموما
1- حاجة في العفشة (مساعدين - زوايا)
2- ان العجل ما اتعملوش rotation

**Eng.Mina** · 08-09-2014 03:06 PM

المشاركة الأصلية كتبت بواسطة احمد المصراوي

شكرا علي المعلومة يا جماعة
بس كده الاستبن مقدرش استغله
هو معداش علي انتاجه غير 3 سنوات
اشتري 3 فرد وانزل الاستبن معاهم
واخد فرده خلفية اخليها استبن ده يصح ولا انا بفتي

لو عملت كده يبقي حاترتبط بنفس نوع الاستبن في ال 3 فرد الجداد علشان اختلاف نقشات الكاوتش مش كويس لو حضرتك جبت اربع فرد نوع نضيف ( بريدجستون مثلا ) وبتعملهم روتيشن بانتظام ولو عندك كمان كومبريسور صغير اللي بيركب علي الولاعة ان شاء الله مش حاتحتاج الاستبن ولا حاتشوف شكله
لو عايز حل مؤقت لغاية ماتدبر نفسك طلع الفردتين اللي ورا قدام لو حالتهم حلوة ورجع اللي قدام التعبانين ورا بس ده مؤقتا مش حل نهائي يعني

**احمد المصراوي** · 08-09-2014 08:21 PM

شكلي هعمل كده فعلا
لان حالة العجل الخلفي كويسة
وهنزل الاستبن مكان اسوأ عجلة بتسرب
لحد ما اغير وان شاء الله ناوي علي بريدجستون لان كله بيشكر فيه
يسلم طريقكم يا شباب