سلام عليكم
انا لسه بايع عربيتي اوبل فيكترا 2000 , وبقالي كام يوم بفكر وادور وروحت للكوري بس معجبنيش ولقيت اني صعب اركب كوري بعد الألماني المهم انا كنت حابب اغير فقط
فكرت في السيات ابيزا ,, لأن بحب العربية الشبابي لأني بعدل ,
عاوز رأيكم الميزانية من 40 لـ50
ومحتاج عربية يكون فيها ولو 70% من الي كانت في الاوبل
الإعتمادية ع الطريق السريع والمسافات الي بتصل ل600 كيلو (الصعيد)
الأمان (عربية ثابتة ع الطريق والسرعات العالية)
الاوبشن (كان عندي في الفيكترا امبولايزر ووحدات رفع وسنتر لوك وريموت ووو)
قدر الله وما شاء فعل
الفيكترا بصراحة لا تعوض - انا بكلمك لأني ركبت الأثنين (الفيكترا والأبيزا)
رينج الفلوس اللي معاك يركبك موديلات 2000-2002
هتلاقي فيها معظم اللي كان في الفيكترا ما عدا وحدات الرفع
هتحسها خفيفة اوي عن الفيكترا بس مش هتخاف منها وانت سايقها
الأبيزا ابسط بكتير من الفيكترا كميكانيكا وكهرباء ودي ميزة مش عيب علي فكرة
صوتها اهدي منها وانعم من الفيكترا - وطبعا استهلاك اقل بكثير جداً
انصحك بالمحرك ال1.4 طالما هتسافر كتير ولو 1.6 يبقي افضل كمان
او 1.4 ال16 صباب
تحياتي
اضافة علي كلام اخي العزيز محمد
ياريت تزود شوية و تركب الموديل اللي بعده من 2003 حتي 2009 هتلاقي فيه كل حاجه و اوتو و تعليق مواتير افضل و كل حاجه افضل بصراحه
انا معايا كوردوبا 2002 اللي هي ابيزا بس بشنطه و ركبت كوردوبا 2006 اوتو كاملة .... الفرق كبير الصراحه رغم ان العربيتين حالتهم كويسه و ان كانت عربيتي اتهانت شويتين معايا لني بمشي كتير جدا عربيتي وصلت 190 الف و التانيه عامله 56 الف تقريبا
اشكركم جدا ياجماعة لي بعض الاستفسارات قبل مابدا ادور علي ابيزا
هل رنج الـ50 يوفرلي عربية ابيزا فيها الآتي
abs , ثبات , تكييف كويس , قطع غيار متوفرة واسعارها ايه
موتور كويس مثلا 1500 او 1600
السلام عليكم
اتمني حضرتك تقرأ هذا الموضوع كاملا
http://www.nilemotors.net/Nile/438500-2002.html
و ده تقرير انا عامله عن عربيتي كوردوبا 2002
http://www.nilemotors.net/Nile/277707-2002.html
و بالتوفيق ان شاء الله
بشمهندس ايهاب اشكرك جدا علي الإفادة
فعلا زى مقال العزيز محمد بك الفيكترا لا تعوض ولو عليت شويه للموديل زى مقال العزيز إيهاب بك يبقى تمام
رينج المبلغ يجبلك ابيزا أو كوردوبا موديلات من 2000-02 حالات كويسه جدا
هتلاقى فيها مرادك بس لايوجد abs بس هتحس أنك مبعتش كتير عن الفيكترا
ربنا يوفقك ان شاء الله
وليه ما تفكرش فى جولف 3 او 4اقتباس:
المشاركة الأصلية كتبت بواسطة mohamed-adly