منين اجيب نمر تجاريه؟؟؟؟؟

**3mr Farrag** · 21-07-2007 03:50 PM

واحد قريبي ان شاء الله هيستلم كورولا يوم الاحد و كان عايز يعرف منين يجيب نمر تجاريه...
و ياريت يكون في الهرم او المهندسين يعني مايكونش بعيد اوي

و ياريت تقولولي علي سعر اليوم بالاماكن اللي فيها النمر

**Hossam Mounir** · 21-07-2007 06:24 PM

يستلم على خير أن شاء الله ...

على ما أذكر أن فيه شارع فى وسط البلد أسمة "هدى شعراوى" فيه معارض بتأجر نمر تجارية ... الأسعار فيها بتتراوح ... ما بين 30 - 40 جنيه لليوم ... لكن لو سألت فى المعارض العادية ... ممكن تلاقى وممكن لأ ... ولو حد رضى يديلك هيقولك من 75 - 100 جنيه إيجارفى اليوم ... يبقى الموضوع ما لوش لزمة أصلاً ... أنصح الشارى أنه يستلم العربية بدرى ... ويطلع يرخصها فى الحال ... أفضل ... ومن المعرض إلى المرور لو وجد معارضة .. يوريلهم ورق العربية (شهادة الأفراج الجمركى ... أهم حاجة) ويقولهم أنا طالع على المرور أرخص ... ولو أتأخروأستلم بالليل ... يقولهم لسة مستلم ... والصبح إن شاء الله رايح المرور أرخص ... ولا يوجد داعي أصلاً لموضوع النمر التجارية ... أنا لأجل ظروف التأمين أعدت بالعربية 3 أيام بدون نمر .. وكنت بأمشى عادى ... ومحدش كلمنى أصلاً ... بس كان معايا كل الأوراق الخاصة بها ... بس الحرص ... علشان العربية من غير نمر دى مشكلة طبعاً ...

تحياتى للجميع ...

م / حسام منير

**3mr Farrag** · 22-07-2007 12:37 PM

شكرا يا استاذ حسام علي الرد

و ياريت لو حد يعرف اماكن اخري يقولي

**Nader** · 22-07-2007 12:41 PM

معظم المعارض المحترمة لما بتشتري منة بتلاقي عندة نمر للايجار في حدود 100 جنية في الليلة الواحدة. بالنسبة لحكاية الـ30 و40 جنية دي اول مرة اسمع عن الاسعار دي بصراحة.