عايز نصيحه

**Salah Elashry** · 08-09-2014 07:16 PM

سلام عليكم ..

دلوقتي انا ان شاء الله رايح يوم الاربع ال جاي هقدم ع عربيه زيرو تقسيط ف شركة اسمها كونتكت ..
أول استفتسار حد اتعامل معاهم قبل كدا ..
تاني استفسار أنا محتار بين الفيرنا واللوجان ..
كل ما أسال حد يقولي مش عارف اللوجان مالها .. يجي بعدها بيوم يحصل العكس ..
أنا عايز الخلاصه ..
تالت استفسار هي قطع غيار الفيرنا ارخص بكتير من اللوجان ..
دعواتكم :) ..

**Islam Hany** · 10-09-2014 12:48 AM

هي طبعا الفيرنا منتشرة بشكل اكبر بكتير مما يعطيها الافضلية في انتشار قطع الغيار و رخص تمنها و سهولة تصليحها و من حيث قدرة المحرك فالفيرنا اكيد تكسب و لكن اللوجان سيارة اوسع و شكلها مقبول عن الفيرنا و امكانياتها احسن و بالنسبة لقطع الغيار متوفرة و ليست غالية بس مش زي الفيرنا و لكن اللوجان سيارة اثبتت كفائتها علي مدار اخر 5 سنوات و لا يوجد فيها عيوب تعيبها وانا انصح حضرتك باللوجان و في الاخر الاختيار لحضرتك

**تامر.محمد** · 10-09-2014 02:46 AM

الفيرنا قطع غيار ارخص و انتشار اكتر و موتور تسارعه احسن و قطع غيار ارخص

بس اللوجان الصراحة بقت احسن كتير في كل العوامل التانية , الراحة جوة العربية و اتساع العربية نفسها و الكماليات اللي فيها و فخامتها و فراملها

**أسامه الحسيني** · 10-09-2014 11:52 AM

بما انك هتشتري زيرو يبقي انسي انك تصلح بره لمده 3 سنين فترة الضمان واعتقد فى الفتره دى ان اللوجاب هتبقي منتشره زى الفرينا لانها افضل بكثير من حيث الشكل والامكانيات والتقفيل

**MohamedElRayes** · 10-09-2014 12:17 PM

نصيحتى لحضرتك، ابعد عن الفيرنا مهما كانت مميزاتها، هى عربية جراية بس ثباتها وحش جدا و لو هاتسافر بيها هتضايق حضرتك و لو جريت بيها يبقى بتعرض نفسك للخطر و اعرف 2 اتقلبت بيهم العربية على الطريق السريع.
اللوجان حاليا منتشرة و قطع غيارها متوفره و الابشنز اللى فيها احسن الف مرة من الفيرنا. افضل شئ ان حضرتك تروح تتفرج على اللوجان الجديده و هتشوف الفرق.