ببيع محلين و مش عارف اعمل ايه بالظبط
الموضوع طويل اعذروني
انا عندي محل صغير في منطقه نايمه لا راقيه اوي و لا شعبيه اوي
طبعا مش لاقي مشتري لحد من اسبوع كده
جه واحد من معارفي عايز يشتري المحل و يعمله مخزن
قولت كويس بس المشكله ان مش معاه سيوله
طب الحل ايه ؟ قالي ان عنده محل كبير في منطقه راقيه
عايز يبيع محله و يشتري محلي
قلت تمام فقالي انه برضه مش لاقي مشتري
طب العمل ايه ؟ قالي اتصرف انت ليك معارف كتير و مش عارف ايه
و قالي كمان هديك عموله و الكلام ده ... ماشي فلوس زياده مش خساره
انا ليس لدي خبره في مواضيع الشراء و لا البيع دي فليا شويه اسئله
1- مازلت عارض محلي للبيع علي بيزات و دوبزيل و جروبات علي الفيس و برضه مفيش مشتريين مع ان المحل علي شارع رئيسي و اللي بيتصل بيعد يتسهبل و ينزل في السعر كتير من غير ما يشوف حاجه ... هل في مواقع تانيه ممكن اعرض فيها المحل ؟
2- عرضت محل الراجل علي نفس المواقع و الجروبات و طبعا قايل اني مجرد وسيط اتلاقي ناس داخله تقول اني حرامي و بتشتم و برضه ناس تتصل و تستهبل في التليفون ... طب اعمل ايه ؟ مينفعش اقول اني صاحبه لان لا معايا مفاتيح المحل ولا معايا توكيل من الراجل
3- انا قولت للراجل اعملك الاعلانات و احط رقم موبايلك قالي مليش في الكلام ده و مش عارف ايه و حتي انا اللي سألت عن سعر المتر في المنطقه ... هو من الاخر بيبيع مستغني ... هو مش محتاج فلوس و لا حاجه بس مش عايز يطلع من اللي تحت البلاطه ... اعمل ايه مع الراجل ده ؟ هو الوحيد اللي عايز يشتري محلي لحد دلوقتي
4- لو بعتله المحل اضمن عمولتي ازاي ؟ ما انا مش هشتغله و اوجع دماغي ببلاش ... و الله لولا الحاجه للفلوس لا كنت بعت و لا اشتريت بس مضطر اسفا
5- بيع العقارات عموما بنعمل زي عقد ابتدائي و يتسجل في الشهر العقاري و لا بيتعمل تنازل في الشهر العقاري و لا الدنيا ماشيه ازاي؟ برضه الفلوس بتتدفع في الشهر العقاري و لا عند المحامي و لا فين ؟
6- المحل بتاع الراجل في شارع جانبي بس غالي لان سعر المتر في المنطقه كبير و الناس اللي بتتصل عماله تبخس بسعر المحل الارض و مش مصدقين ان الاسعار كده ... انا مش عارف اتعامل مع الناس بالطريقه دي و مش عارف اعمل ايه ؟ افهمهم ازاي ان الاسعار كده ؟
انا عايز نصائح عامه و رد علي اسئلتي و الموضوع ده مش اعلان فياريت مفيش حد من الاعضاء يسأل عن تفاصيل عن المحلات في الموضوع و شكرا مقدما