السلام عليكم و رحمه الله وبركاته
محتاج مساعدتكم فى شراء سيارة كاملة اوتوماتيك فى حدود 50 ألف
فالاول كنت هجيب جديد ب 80 ألف مع اخذ قرض من البنك و لقيت ان البنك فوائدة عالية جدا
فقررت اركب مستعمل

و ناوى تكون اوتوماتيك اخرها مثلا 1600cc وياريت يبقى استهلاكها كويس فالبنزين
 وطبعا تكون قطع غيارها متوفرة و بسعر مناسب مش مبالغ فية
تكون كماليتها الأساسية تكييف و زجاج كهربا و باور ستيرنج و انذار
- عالية عن الارض بشكل ملحوظ علشان شوارعنا العجيبة و المطبات
- نعومة العفشة
- تكون سيارة متينة متجيبش جاز مع المطبات و الحفر

فياريت اللى يرشحلى اى سيارة يقولى موديل سنة كام
لانى قدامى ماركات كتيييييير و مش هعرف اختار
و ارجوكم ابعدونى عن الصينى او الكورى والاسيوى بشكل عام ماعدا اليابانى
هنتظر ردودكم و شكرا مقدما