فقدت كيا سيراتو في الاسكندرية

**Mecha** · 09-09-2014 10:02 PM

اايه رايكو لو نكهرب جسم العربيه
للمواقف المماثله
حاجه تلسوع المعتدي
تيجو نعمل ديره
رخصه سلاح تعمل كام

**أحمد جودة** · 11-09-2014 08:13 AM

المشاركة الأصلية كتبت بواسطة mecha

بوص يا ابو ميزو
الايموبليزر بوكس عاده بيتحط تحت التابلوه
شغلته يمنع تحريكرالعربيه الا لو معاك اشريحه او الريموت بتاعه
بيبقي فيه 3 , 4 نقط عدم تحريك
زي المارش , ااشعال , طلمبه البنزين
انا عاده لما اركبه احب يكون علي طلمبه البنزين
عشان الحرامي يفضل يدور لحد ما يفضي البطاريه ويزهق
ولو حرق المارش اهون من سرقه العربيه كلها

ألف شكر صديقي العزيز على الايضاح

**أحمد جودة** · 11-09-2014 08:16 AM

المشاركة الأصلية كتبت بواسطة mecha

ايه يا ابوميزو
سمعنا صوتك
احيي الحوار

اسف ياصديقي مكنتش بفتح المنتدي

**أحمد جودة** · 11-09-2014 08:18 AM

المشاركة الأصلية كتبت بواسطة ashour100

السلام عليكم
نفس الحوار بالظبط مع أحد أقرباءي ودفع 30000 جنيه بعد المفاوضات. ولله الأمر.

المشكلة ان من ساعتها لا حس ولا خبر ومحدش كلمه خالص

ودي حاجة تقلق

**أحمد جودة** · 11-09-2014 08:22 AM

المشاركة الأصلية كتبت بواسطة m_m_sh_a

المنطقة اللي حضرتك بتقول عليها دي منطقه ساكته ..وهادئه جدا ..ولو واحد ماشي فيها بطوله ممكن يتثبت ويتاخد اللي معاه .أنا مره كنت ماشي فيها وواحد شاورلي ..وعمل عليا حوار إنه كان معاه عربيه وعطلت منه في منطقه تانيه وعاوزني اروح معاه عشان أروح والدته اللي قاعده في العربيه مستنياه .وأنا مرضيتش بصراحه ..ولما رفضت قالي طاب هات أي مبلغ أجيب أي تاكسي عشان ياخد الحاجه اللي قاعده تعبانه في العربيه يروحها وهو يشوف ميكانيكي ..بصراحه خفت ..وطلبت معايا نداله ..ورفضت ..وقمت خالع منه بسرعه ومتدلوش فرصه يكمل أي كلام أو يعرض أي عرض جديد ..

ربنا يسترها علينا وعليك

والله امبارح وانا مروح من السخنة لحلوان شاب في التلاتينات شاورلي ووقفت بسلامة نية وقاللي اركب معاك لحد قدام شوية
وركبتة وبعد ماركب افتكرت اني بقيت كدة فى خطر

فضلت على اعصابي لحد مانزل

**أحمد جودة** · 11-09-2014 08:26 AM

المشاركة الأصلية كتبت بواسطة hunting_eagle

بعد الخروج عن الموضوع

من حوالي 3 ايام شوفت فيديو عربية الالنترا كان فيها 3 تقريبا سرقوا عربية سيراتو .. و اعتقد ان لونها كان فيراني بس مش اكيد

كان في كاميرا مراقبة صورتهم .. بس ده كان الساعة 6 او 7 الصبح

ممكن تعمل بحث

ياريت يفيدك

انا شوفت الفيديو دة بس فيه اختلاف فى التاريخ

اشكرك على اهتمامك

**أحمد جودة** · 11-09-2014 08:31 AM

المشاركة الأصلية كتبت بواسطة prooo

تفتكر السلاح هو الحل ...... ولو معاك سلاح هل قلبك هيطاوعك تستخدمه ..... هل هتلحق تستخدمه ولا هو هيبقى اسرع منك بحكم خبرته وقلبه الميت ..... بلاش طيب افرض معاك حد من عيلتك ..... مراتك ..... ولادك ........ هتعرضهم للخطر عشان احتمال تحمي عربيتك ...... انا ضد السلاح تماما ...... الحل المفيد فعلا والسريع هو الالكتريك شوك والسلف ديفينس ......

أنا مع حضرتك فى اليكتريك شوك حل كويس جدا

بس هتواجه مشاكل فعلا مع الكماين

لان في مرة كنت راكب عربية الشركة ومعديين على كمين علشان لقو السواق معاة حتة حديدة بتاع 40 سنتي اخدها منه وكمان اخد ازازة حاجة ساقعة فاضية ( الزجاج )

والله فى النهاية لو ينفع ترخيص مسدس هيكون افضل الحلول