الموضوع: محتار بين الx3 والjeep

ال x3 تناسب داخل المدينه اكتر و مش بتاعه بهدله يعني مش هتشوفها داخله صحراء و لا طالعه جبال و لا بتقطر عربيات و عيبها ان قطع غيارها و صيانتها نار اما الجيب فهي علي الجانب الاخر تستحمل البهدله و السير في المدقات و الطرق الغير ممهده و لذلك هي تناسب خارج المدينه اكتر و لذلك هي مش بفخامه ال x3 و كمان عفشتها ناشفه قوي و الكراسي تقرب علي ألزاويه القائمه و ده بيتعب لو قاعد فيها فتره طويله يعني محتاج تقعد فيها و تجرب و في بعض الناس بتتخيل ان الناس هتخاف منها علشان حجمها و لو خبطت في اي حاجه هتكسرها و ده مش معناه انها ما بتتخبطتش و لا بتتخربش مثلا و لا بتحتاج سمكره لانها زي اي عربيه غاليه لابد من المحافظة عليها لان صياناتها و قطع غيارها مش رخيصه. من اكبر مميزات ال x3 الفخامه الداخليه و الثبات النسبي مقارنه بالجيب و عوامل الامان و نعومه العفشه برضه مقارنه بالجيب اما الشكل الخارجي ده اذواق . يعني حضرتك شوف محتاج ايه اكتر و بناء عليه تبقي المقارنه اسهل.

بالنسبة لمصاريف ترخيص العربية وضريبتها فهي 2% من قيمة السيارة وبتقل كل سنة 10% والتأمين لما سألت في التوكيل قالولي 3.25% من قيمة السيارة في السنة .