انا مش زعلان منك بس بجد الموضوع يخوف انك تشوف حد ماشى فى الشقه حاجه تخوف
عرض للطباعة
علشان تعرف انى مصدقك خد الحكايه دى :
كان ليا واحد صاحبى جاله تعيين وكان شرط الوزارة ان يقعد فى مكان نائى لمدة 5 سنوات وحظه جه فى بلطيم محافظة كفر الشيخ بيقولك خد شنطته وراح على هناك شاف المدرسه وبعدين خرج يدور على سكن مناسب ليه كعازب .. بعدين لقى بيت امام المدرسه مباشرة
طلع البيت لقى صاحب البيت راجل عجوز وزوجته .. سألوه : هاتقعد لوحدك قالهم : اه لحد مأشوف شركاء ليا فى السكن ..
بصو لبعض بأستغراب شديد .. وقالو ماشى .. شاف الشقه وعجبته جدا وفرشها جديد وحلو قوى !!!
واستغرب محدش من اللى سبقوه من المدرسين اخد الشقه دى ليه دى قريبه جدا وسعرها كويس ..
المهم حط حاجته وقال يسافر يرتب شويه متعلقات ويرجع ومابتش فى الشقه .. رجع بعد يومين لقى اتنين بيستلمو تعيينهم وبيدور على سكن .. خدهم معاه الشقه وباتو اول ليلة سوا ...
اللى حصل كالأتى: بيقوللك نقعد فى أوضه من الاوض نسمع دوشه وكلام مش مفهوم فى اوضه تانيه .. نروح الاوضه التانيه يبقى فيه كلام ودوشه فالاوضه اللى كنا فيها برغم ان البلد كلها مافيهاش صوت بعد المغرب !!
المهم الصبح الاتنين زمايله صممو على مغادرة المكان
قال الحكايه الصبح لمدرس قديم من اهل البلد : ضحك جااااااامد .. وقال هوه انته وقعت فى الشقه دى ؟؟؟ وقاله على حكايات ورويات وانها معروفه انها مسكونه !! والبلد كلها عارفه واصحاب البيت عارفين وما فيش ساكن بيكمل يومين ..
صاحبى ده انا اعرفة من زمان وروحت معاه مصايف ورحلات كتير بس ماكنتش اعرف انه قلبه جامد كده ..
لما صاحبى سمع الحكايات دى .. تصور كان رد فعله ايه .. قاله مش هاسيب الشقه دى الشقه دى عاجبانى وبينها وبين المدرسه 20 متر عرض الشارع اللى بعديه اوصل للبوابة .. ورجع الشقه لوحده .. وكانت المفاجأة ...
حملة مكثفة لتخويفه وطرده من الشقه .. وبعد ماكان مجرد كلام ودوشه بقت أفعال ..
بيقوللك ابقى قاعد فى الاوضه الاقى دربكه فى الاوضه التانيه وحاجات بتقع .. يروح الاوضه كل الكتب والأوراق مرميه فى الارض والاوضه مقلوبه .. يرجع كل حاجه يرجع يلاقى السرير بتاعة اللى كان مساوى متبهدل .. يساوى السرير يلاقى الدنيا بتتهد فى المطبخ .. يروح المطبخ يلاقى الحلل والاطباق فى الارض .. تنتهى الحفلة دى ويروح ينام ويتغطى يلاقى حد بيشيل الغطاء من عليه ويصحى يجيب الغطاء وينام تانى
حاجات تختفى من مكنها زى سكينه – قلم- كتاب باليومين وترجع مكانها تانى ..
كام يوم على كدة .. لحد ماجه يوم من المدرسه لقى الشقه مقلوبه ... كل حاجه متبهدلة المطبخ والاوض والصالة حتى الهدوم برة الدولاب .... هوه مش خايف بس مش عاوزالبهدلة دى .... عمل ايه ؟
وقف فى الصالة وقال وهوه متنرفز قوى : انا مش بخاف .. ومش سايب الشقه .. سيبوها انتم اذا كان مش عاجبكم تقعدو فيها وانا موجود..
المفاجأة .. بيقولك الحركات دى قلت بنسبة 90% وبعد كام اسبوع اختفت خالص
على فكرة صاحبى ده ملتزم وبيصلى وده مهم علشان ربنا يكون معاك ويديلك القوة !!
شوف يا حبيبى وكلام من الاخر خالص
البيت بتاعكم مش نضيف يعنى فيه جن وده معناه ان فى حد عندكم عنده سحر قديم سواء الوالده او الوالد وده معناه بردوا ان كل اللى فى البيت ممسوس
موضوع ان القراءن شغال فى البيت تمام بس اعتقد مش وقت ما حصل كده
لو عايز تتاكد من كلامى فى طريقتين انك تتصل بيا هكلمك وهقرى قراءن عليك وهيبان اعراض عليك لو فى حاجة
او فى طريقة تانية وهى انك هتصلى ركعتين لله وهديلك سور تقراءها واثناء قرائتها هتحس باعراض لو فى حاجة هتقولى ايه الاعراض وانا هشخصهالك
لو لا قدر الله فى حاجة ومحتاج علاج يوجد طريقين
ومش هذكرهم هنا اصلا لان متهيالى انت شايف الناس بتتكلم ازاى فى الموضوع يعنى من الاخر واذا خاطبهم الجاهلون قالوا سلاما
بنت خالت المدام بتاعتى
اتجوزت بعد فرحها باسبوع جوزها راح الشغل
حمتها ساكنة تحتيها نزلت تسلى نفسة فى شقة حمتها لما جوزها راح الشغل الصبح
نزلت لقت حمتها نايمة قالت هقعد لو حدى اطلع انام انا كمان
طلعت بتفتح بوب اوضة نومها لقيت اربع رجالة عرايا تماما ونصهم الى تحت مقطوع ومش باين الجسم الفوقانى بس واربع على السرير
للاسف عندها جلطة لحد دلوقتى
الموضوع طلع كبير وربنا يستر
انا كنت اعرف جاره لينا مخلفه توام كانت تحط عيالها فو السرير و تحط مخادات حواليهم و العيالين التوام 6 شهور يعنى مش بيتحركو . هى كانت تحطهم فوق السرير و تروح تطبخ و ترجع تلاقيهم تحت السرير يعنى مش جمب السرسر على الارض و تلاقى العيال ساكته . المهم جت فيوم حطيتهم على الارض جمب السرير المهم لاقيتهم بعد شويه فوق السرير
طيب هقولكوا حاجه بتحصل لناس كتير مننا ومش عارفين سببها او تفسيرها :
عارفين لما الواحد يكون نايم بالليل و فجأه يقوم مخضوض و يحس ان جسمه تقيل جدا و لسانه مش عارف ينطق ؟؟؟؟ و يحاول يقرا قرأن بس بصعوبه لحد ما يعرف يقرأ بعدين يختفي الخوف والفزع دا ؟؟؟؟
لو حد حس بكده احب اقوله متخافش دي حركات الجن و بتحصل لناس كتير