المشاركة الأصلية كتبت بواسطة mtak
طيب تقولوا ايه فى اللى شفته
قاعد مع اصدقاء لصديقى فى بيتهم على السطح
و السطح له سور طوب احمر و بيتهم اعلى بيت فى المنطقه , و الكلام ده كان حوالى 11 بالليل
المهم ناس قاعده على كراسى ظهرها للسور و انا قاعد فى وشهم و الاضاءه ضعيفه جدا يا دووب شايفين بعض
المهم و انا قاعد لقيت ظل ماشى على السور من اوله و انا اتابعه و عادى جدا و انتظرت انه يعدى من وراى فيتقطع ظله على الصور او ييجى على الراجل اللى قاعد و ظهره للسور
على اقصى تقدير
انما و لا الهوا
الظل فضل ماشى على السور لحد ما عدى بكامل حجمه من ورا الراجل و كمل عادى
قولت عادى مفيش مشاكل لمبه بعيده و حد عدى قدامها عملت خيال
فبدأت ابص حولى ادور على لمبه بعيده مش لاقى , محططتش فى دماغى لحد ما سألنى الراجل اللى قاعد و قالى فى ايه
قولتله مفيش ,
قالى انت بتدور على الظل اللى عدى من ورايا دلوقتى
انا طبعا بلممت بمعنى الكلمه و قولتله اه
قالى مفيش دا كان شيطان و عدى خلاص
طبعا انتم عارفين الباقى
حد عنده تفسير