الموضوع: حد بيمشى فى الشقه

المشاركة الأصلية كتبت بواسطة Shikh_Khaled

بسم الله والحمد لله والصلاة والسلام على رسول الله

اللهم أرنا الحق حقا وارزقنا اتباعه وارنا الباطل باطلا وارزقنا اجتنابه

قال تعالى : " وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُمْ مِنَ الْعِلْمِ إِلَّا قَلِيلًا "

هذا هو الرد القرءاني الذي أوحاه الله لحبيبه صلى الله عليه وسلم عندما سأله اليهود عن الروح

بمعنى أن علمكم في علم الله قليل ، وهذا الذي تسألون عنه من أمر الروح مما استأثر به تعالى ، ولم يطلعكم عليه ، كما أنه لم يطلعكم إلا على القليل من علمه تعالى

حضرتك التفسير ده تفسير ربانى ولا تفسير الرسول صلى الله عليه وسلم ولا تفسير البشر

انا كبشر عندى التفسير ده انا يا سيدى راجل اتاملت الايه وشايف ان تفسيرها هكذا
يَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُمْ مِنَ الْعِلْمِ إِلَّا قَلِيلًا

الروح من امر الله والعلم اللى وصلكم قليل يعنى الروح ليها علم بس انتوا علمكم قليل


لأن سبحانه هو خالق الروح وهو أعلم بها وهي من أمره تعالى وحده ولا سبيل لمعرفة أي شي عن الروح إلا من الله تعالى

هقول تانى ده تفسير بشر

ومع اعتراضي التام على ما جاء في كلام الأخ الكريم أقول أن ما تعلمته من مشايخي رحمهم الله أن دراسة علم الروحانيات بكافة أشكاله حــــــــــــرام ولا يجوز



وأنه ضلال ، والخوض فيه يجر بك إلي الشرك والسحر


ما انت لو هتدرس علم الروح الصحيح هتعرف ايه هو الشرك وهتعرف ايه هو السحر لاكن مش هروح عند عم الشيخ اللى شغال بجن واقوله عايز اتعلم سبق وشرحت ان علم الروح الصحيح طريقه التقرب الى الله


بالإضافة إلى أنه يؤدي إلى تعاملك مع عدوك الذي حذرك منه ربك فقال:

"إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ".


اتعامل مع مين ياعم الشيخ انت فاهم الدنيا غلط الله يهديك افهم الاول وبعدين اتكلم هو انتوا كلمك كده حافظين مش فاهمين

فعليك أخي الفاضل بالقرءان الكريم حفظا وتجويدا وتفسيرا

وعليك بالسنة النبوية وعلومها وانصحك بكتاب الروح للعلامة بن القيم الجوزية رحمه الله


واتركك هذا العلم الذي لا يفيدك بشئ


مين بقى قالك انه مش هيفيد بشىء هو حضرتك بتتكلم كده على اى اساس انه يفيد او مش بيفيد وانت مش فاهم حاجة

والله خير حافظا وهو ارحم الرحمين

فتحذير لكل الزملاء الأفاضل من التعامل مع كل من يدعي علما بهذه الأمور ,

فمن الناس من يصدق وينجرف خلف هذه الاوهام والاكاذيب

ولابد من توضيح مثل هذه الامور للزملاء الأفاضل حتى لا يقع احد فى المحذور

وفقنا الله وإياكم لما يحبه ويرضاه وحفظكم الله من كل شيطان وهامة ومن كل عين لامة

وسأطلب من الإدارة الموقرة غلق هذا الموضوع وحذفه خوفا على منتدانا الغالي من هذه الأراء الهدامة

ولا حول ولا قوة إلا بالله العلي العظيم

وصل اللهم وسلم على الحيبيب محمد وءاله أجمعين

هى كلمة المرشد دى مضايقك فى حاجة شخص بيرشدك لانه اعلم منك فبيدلك على الطريق لذلك سميته مرشد


طيب يا جدعان كل واحد يخلى باله منى علشان المرة الجاية هجيب معايا صنم


خلينا اقولك على حاجة كويسة


انتوا واقفين عند حد معين غصب عنكم مش عايزين تعدووه فى العلم اقتناعا منكم ان اى شىء بعد كده هيكون فيه حرمانية

تعالى بقى اعرفكم انتوا مين


ان شاء الله فى المستقبل لما تلاقى الغرب انتشر عندهم علاج الامراض بالطاقة بالرغم من انه موجود بس لسه هينتشر تبص ياخويا تلاقى الشيوخ يقلولك ده اصلا موجود فى القراءن فى سورة البقرة ربنا ولا تحملنا ما لا طاقة لنا به وده اللى هيحصل وقتها

ويوم ما واحد يتكلم عن اى علوم وهى لسه فى اسسها يطلع اللى يقول خزعبلات واللى يقولك ده مش عارف ايه وايه


زى بالظبط لما اكتشفوا الليزر طلع يقولك ده موجود فى القراءن فى سورة كذا فى الايه كذا الفكرة متاخده من القراءن

لاكن قبل الاكتشاف ولا حتى الهوا احفظ واقرى وخلاص فى القراءن اهم شىء الثواب


دى دماغكم تعالى اقولك على حاجة تانية يمكن تفهم شوية وتستوعب

عارف الواحد اللى بيعمل سحر واعمال وقرف على دماغه واللى انتوا يا شيوخ مش بتعرفوا تعالجوا حد فيهم علشان انتوا واقفين عن حد معين

عارف الناس دى بتشوف الجن تصدق هتقولى ما انا عارف هقولك حلو جميل انك عارف حضرتك مفكرتش هو بيشوف الجن ازاى ؟

اة صحيح نسيت انكم مش بتفكروا بتحفظوا وبس خلاص ياعم تعالى افكرلك انا واقولك العلم اللى دراسته اللى بتقول عليه انه اوهام واكاذيب علمنى ازاى

شوف يا سيدى الجن بيدخل جسد الساحر وبيدا يجرى على منطقتين يا ظهره فى العمود الفقرى يائمة فى راسه علشان يكون متحكم فى كل شىء فى الجسد

لما الساحر بيكون عايز يشوف الجن اللى فى جسمه ده بيروح الجن يعقد بين عينيه وبيبدا يجمع الاعصاب المسئولة عن العين الثالثة واقولك ايه هى علشان بس افهمك العلم اللى كله اكاذيب واوهام ده بيعلمنى ازاى ( العين الثالثة تقع بين الحاجبين دى المسئولة عن الرؤية والتخيل ودى اللى الانسان بيشوف بيها الشيطان والجن والملائكة ومقعده سواء فى النار او الجن طبعا اثناء سكرات الموت ) فيقوم مجمع الاعصاب فتفتح العين فيجعله يشوف اللى هو عايزة بس طبعا الجن هو المتحكم يعنى ممكن الجن يخليه يشوف شىء ومش يشوف شىء تانى فهمنى لان مجال الرؤية هو متحكم فيها


الطفل الصغير بيكون العين دى مفتوحه عنده وطول ما هو بيكبر طول ما هى بتضمر فالشخص اللى بينميها بيقدر يشوف بيها بس طبعا مش هيشوف لا ملائكة ولا نار ولا جنه لاء فى حدود ومش هتكلم على حدودها حاليا

اذا نفهم من السابق

ان فى حاجة ربنا خلقها فينا فى كل واحد مش جايب انا حاجة من بره ده بخصوص الروؤية بالعين الثالثة

فالشخص ايه المشكلة فى انه بنميها ويدرك ما حوله بنفسه دون تدخل جن

ام بالنسبة للروح فيمكنك ايضا ان تشوف بيها بالانتقال الروحى ودى بيجى عن طريق شفافية الروح وعلشان الروح تشف لازم حضرتك تقرب من ربنا وتطهر نفسك من الذنوب والمعاصى

شوفت بقى قد ايه العلم اللى بدرسه كله اكاذيب و اوهام


واخيرا

اى شيخ عامة بحب اتلاشاهم علشان انا عارف اللى عندهم وعارف اخرهم فين والدنيا كلها عارفه اخركم فين خلاص هتعمل ايه غير انك تفتى وخلاص حتى لو من غير علم بصراحه زعلان انى اديتك معلومات زى دى بس يلا خلى الناس تسفيد بس انا لما اشوف قدامى واحد غير عالم بالشىء ومتعنت كمان فيبقى خسارة فيه احب الى انى اسيبه بجهله


فى يوم من الايام لو الغرب تمكنوا من العلوم دى غصب عنك هتفتى بجوازها لانها فيها افاده للناس كعلاج الامراض وغيرها زى بالظبط ابو اسحاق الحوينى لما تعب طلع جرى على بره علشان يتعالج عند الكفرة

وطيعا اى علم طالما مفهوش حرمانية يبقى why not

ياريت بعد كده ما تتكلمش وانت مش فاهم حاجة



تم الوقف اسبوع لمخالفة القاعدة رقم 12 الخاصة بالتهكم والشخصنة
والقاعدة رقم 6 الخاصة بإستخدام اللون الأحمر رغم التنبيه قبل ذلك بعدم إستخدامه
برجاء مراجعة قوانين المنتدى
م ب 3