اقتباس المشاركة الأصلية كتبت بواسطة tito29 مشاهدة المشاركة
مع أحترامي للجميع

العلم نفسه كان خرافة في الزمن القديم : يعني لو حضرتك قولت لجدك من 70 سنة علي ان فيه تليفون محمول لقال عنك أنك مجنون و مخاوي و غاوي خزعبلات
قصدي أن ما نعجز عن فهمه في الوقت الحاضر نفسره بالغيبيات و العفاريت و الجان
علم الروح ده شيق جدا وواضح أنه علم عميق بس السؤال أين هذه الكتب أو المراجع حتي تعم الفائدة للجميع
أنا بأتكلم بجد و ألله (و مافيش أي أستهزاء لا سمح ألله) لازم ننشر العلم للجميع

و بعد ذلك أكيد حنلاقي تطبيق عملي لهذا العلم يترجمه الي فائدة تعم علي الناس

كلامك صحيح اى حد عنده علم او حتى موهبة غريبة او حتى عنده كرامات لازم يتقال عليه الكلام ده

بس بردوا الناس عندها حق علشان شايفين ناس تانية بيدعوا كده وعارفين انهم شغالين بجن وعالم زباله بتوع اعمال وسحر ولذلك اى شخص هيضر انه يقول كده علشان شايف كده من اللى حواليه


الجن اللى هو مخلوق اضعف منك الناس لما تسمع انه ممكن يعمل كذا وكذا يصدقوا على طول من غير حتى تشكيك

ام الانسان اللى هو اقوى من جميع المخلوقات واللى ربنا نفخ فيه من روحه وجعل الملائكة تسجد له وابليس نفسه لاكنه امتنع وجعلك الله خليفة فى الارض لو جيه الانسان وقال مثلا عندى موهبة انى اقدر اعالج الامراض او حتى اقدر اشوف كل شىء حولى او عندى موهبة كذا على طول الشك والكلام يشتغل عليه

حضرتك بتسال عن الكتب فى علم الروح مش هتلاقى مفيش كتب تقدر تقول ده علم متورث وبيكتسب من خلال قرب العبد لله ولاكن لازم مرشد ليك ليرشدك للطريق

انت شخص عادى عايز تدرس لازم يكون ليك مرشد حتى لا تضل يوجهك على الطريق الصحيح

الاول بيشوفك هل انت شخص طبيعى ام شخص مصاب وطبعا لازم تكون شخص طبيعى

وبعدها بتبدا تتعلم واحده واحده ومن خلال تعلمك هتبدا حياه تانية حياه التقرب لله صلاة واذكار وادعية وتحصين دى ممارسة يومية هتتعلم امور كتير اوى هتفهم نظريا كل شىء بيدور حواليك هتدرس كل حاجة مع الممارسة هتبدا تشوف احلام جميلة جدا احلام مع الله ومع الرسول وبعدها هتدخل فى مرحلة هجوم الجن عليك فى المنام ومجرد ما يحصل ده يبقى انت ماشى فى الاتجاه الصحيح طول ما انت ماشى فى طريقك المرشد متتابعك وعارف كل اللى بيحصل حواليك ويمكن يتصل بيك ويقولك اقرى سور كذا قبل ما تنام لانه بيكون عالم بامور عنك او عارف ايه اللى حواليك وبعدها تبدا واحده واحده روحك تشف وتلاقى نفسك مثلا بتحس بالاشياء قبل حدوثها وفى امور تانية كتير بتختلف من شخص للاخر لما تدرس هتفهم حاجة كويسة اوى وهتشتاق اليها وهى الرؤية انك تبقى زى المرشد انك تشوف كل شىء حوالك طبعا هتقولى لاء ياعم انا بخاف هقولك كلمة بخاف دى هتنساها اصلا هتلاقى قلبك ده حديد لو شوفت جن قدامك هتجرى وراه الامور هتبقى بسيطة جدا وده كله نتيجة قربك من الله سبحانه وتعالى

لم تشتاق للرؤية هيبدا المرشد انه يوجهك اليها ووقتها يامعلم هتشوف بلاوى زرقة ومنها ان القرين والجن هيشتغلوا عليك لانك خلاص هتبدا تكشفهم هيتشغلوا عليك ازاى هيبدوا فى الاغراء بحيث انهم يبعدوك اصلا عن الطريق ده

ومن الامثلة اغراء بالنساء هتلاقى بنات كتير عايز تكلمه وتتعرف عليك وفى منهم اللى نفسه ينام معاك هتشوف اشكال والوان وعلى فكرة كلهم بما تتمناه انت وهنا هيحصلك طغط نفسى وعاطفى وهذا ما اشتكى بيه الان

هيدخلولك من ناحيه الشهوه هتلاقى احلامك فيها جنس وهتحس انك عايزة تمارسه

هيدخولك من ناحية المال ايضا ولاكن اول دخول بيكون التهديد والخوف والرعب فى الاحلام وده شىء بسيط جدا

وبعدها بيدخلوا من سكة الحريم

كل ده هيحصلك طول ما انت مواظب على الدراسة والتطبيق لحد ما ربنا يفتح عليك بالرؤية

كفاية شرح لحد كده