القيادة الرياضية (للسباقات) يجدد يوميا !!

السلام عليكم

الموضوع ممكن يكون جديد شوية عليكم

بس مش اي حد مشي بسرعه في الشارع يفتكر نفسه بقي سواق سباقات المهم نخش في الموضوع

الموضوع كبير اوووووي بصراحة و مش عارف ابدأ منين هنبدا بالبدايات

ممكن نبدا بنشاتي مثلا و احكلكم بدات ازاي

اولا انا بدات موضوع السباقات دي من 2008 في اول سباق انزله كان هو egypt speed chellenge و السباق ده كان البداية محدش علمني ولا حتي حاول يعلمني انا نزلت السباق ده بسوق سواقة شوارع بمعني اصح كانت عربيتي في هذا الوقت تعتبر من العربيات القوية جدا و تسارعها قوي جدا بس بدون سواقة ولا حاجة المهم فشلت :120146b و تاني سباق برده سباق مصر للسرعة و فشلت برده :B4_556: معا تغيير العربية بعربية بيجو 205 اقوي بدات ادور انا ليه بخسار زي ما السواق ليه عامل العربيه عليها عامل مهم و اهم من السرعة التماسك في الملفات و تماسك العجل في الارض بدون منخش في تفاصيل كبيره جدا مش هنخلص منها هنشرحها لخقا بدات ادرب علي الملفات و الاوردارات المطلوبة مني انفذها بحساب الوقت و اسرع من نفسي وادور و صرفت مصاريف رهيبه علشان اتعلم لحد ما حصلت الثورة و حسيت اكن كل تعبي راح لان السباق الكنت بجهز عشانه اوتوكروس مصر 2011 يوم 1 فبراير و طبعا اتلغي و حسيت بخيبة امل علي كل التعب

المهم استغليت فتره التوقف الدامت اكتر من سنه و نصف دي بان ابني اسلوبي في القيادة و انا كا شخصيه بحب اكون مميز و بختار الاصعب دايما و اختارت اسلوب ال over steering control و ده بيعتمد علي اني بخش الملف باسرع سرعة ممكنة و ادوس فرامل في اخر نقطه اقدر ادوس فيها فرامل و الفرملة تبقي مفاجئة و معا تسقيط الغيار للنقله الاقل

[aldl]http://media.caranddriver.com/images/media/51/physics-of-oversteer2-photo-493140-s-original.jpg[/aldl]

[aldl]http://www.trackpedia.com/mediawiki/images/thumb/7/7f/Untitled.jpg/200px-Untitled.jpg[/aldl]

.زي الصورة بظبت بخش الملف بجنبي بس منغير مفقد سرعة
الصعوبة هن بقتي تكمن في اية ان الطريقة دي بتستخدم للعربيات الخلفي و الرباعي
الحمد لله بستخدمها بالامامي و بكفائة و بدون استخدام فرامل يد نهائيا فرامل يد يعني فقد سرعة

و بتنفيذ الطريقة دي في اول سباق بعد الثورة حصلت علي المركز الثاني و استمرت الانجازات و تطوير الاداء معا الوقت و من اصدقائي فعلا السعدوني في تطوير الاداء كابتن / شادي اسامة طورني جدا و كابتن / رامي سري البيقولي ديما انت متنفعش غير سواق رالي

و كابتن / نادر الخياط الديما بيقول نور سواق ال wrc
و طبعا دي كلها شهادات كبيرة بنسبالي جدا من اصدقاء سعدوني فعلا

المهم في الوقت الحالي الحمد لله ناقصلي حجات بسيطة جدا جدا و اكون شبه كامل لان الكمال لله وحده


بس في النهاية احب اقول المعلم الرئيسي للقيادة الرياضية و السباقات ( الكارتينج ) karting

هو الهيعلم ال racing line و كل التفاصيل الفيزيائية البتحصل في السباق

ان شاء الله الرد القادم هيكزن فيه شرح ال racing line و طريقة تجهيز العربية حسب كل سباق


[aldl]http://i59.tinypic.com/2i0x2ip.jpg[/aldl]


الحمد لله علي الحققته و بشكر ربنا و كل واحد وقف جمبي و يا رب اقدر اسعدكم

يا نوووووور بية ربنا كرمك علشان انت تعبت و اجتهدت

و بالتوفييييق ان شاء الله فى حياتك

ربنا يخليك ده من ذوقك

استاذ نور ربنا يوفقك وتبقى اكتر تميز
وانا اول مره اعرف ان فيه فى المنتدى ناس بتشارك فى الاوتوكروس

وعندى كذا سؤال
هل فيه حد بيدعم المشارك فى الاوتو كروس ولا هو بيبقى متولى كل التكاليف ؟؟
وهل فيه مستوى معين او حد ادنى من المهاره علشان حد يتسجل فى الاوتوكروس ويبقى سائق سباقات ؟؟؟

اسلوبك فى سرد الموضوع بيدل على انك فاهم الله ينور عليك ومستني الشرح

متابع

اقتباس:

---

المشاركة الأصلية كتبت بواسطة besso

استاذ نور ربنا يوفقك وتبقى اكتر تميز
وانا اول مره اعرف ان فيه فى المنتدى ناس بتشارك فى الاوتوكروس

وعندى كذا سؤال
هل فيه حد بيدعم المشارك فى الاوتو كروس ولا هو بيبقى متولى كل التكاليف ؟؟
وهل فيه مستوى معين او حد ادنى من المهاره علشان حد يتسجل فى الاوتوكروس ويبقى سائق سباقات ؟؟؟

---

الرياضة دي اكتر رياضة مكلفة من حيث تجهيز السائق الي تجهيز العربية و التكاليف عالية جدا و طبعا احنا في مصر الرعاه قليلين جدا و بيفضلوا يبقي معا المتسابقين ذو التاريخ الخبره يعني مثلا ابسط مثال

احنا في مصر خلينا في ال top 20 علي مستوي الجمهورية منهم 6 متسابقين معاهم رعاه و الباقي من مصاريفة الشخصية فا الموضوع صعب بس الحمد لله ربنا بيقدر و بنقدر نتطور بس ببطيء شديد

و طبعا في حد ادني و هو انك علشان تشارك في السباقات دي لازم يكون معاك رخصة رياضية

استخرجها سهل بس في معدل زمني في كل سباق لو مقدرتش تكسروا تعلق الرخصة لمده 3 شهور و بعد كده تقدر تشترك تاني زي مده عقوبة

هنتكلم دلوقتي عن ال racing line

و طبعا عرفين كلنا ان اسرع او اقصر مسافه مبين نقطة و نقطة هي الخط المستقيم و ده الهنمشي عليه بمعني لو عني u-turn لو في سواقة الشارع لو انا بلف علي الضيق لازم اطلع في الضيق و لو بلف في الواسع لازم اطلع في الواسع بمبدا الالتزام بالحارة

و طبعا لو مشينا علي الكلام ده في السباق يبقي شكرا علي كده انت خسرت انا هحاول اشرح بالصور علشان اسهل عليكم

ده شكل u-turn و مرسوم جواه الracing line الصح المفترض تمشي عليه علشان تحقق اسرع زمن ممكن

http://www.kartingasia.com/wp-conten...basic_line.jpg


و طبعا apex دي نقطة بداية الجزء الثانية في المنعطف ده و في early apex w late apex كل متسابق و ليه طريقته و انا بفضل ال late apex لانه متوافق معا طريقة سواقتي

طيب دلوقتي عرفنا نلف المنعطف ال u-turn ازاي طيب ندوس بنزين امتي و فرامل امتي و نلف امتي و نعمل شيفت داون امتي

هشرحهلكم علي صورة لمنعطف 90 درجة زي الصورة الصورة فيها كل اجابات الاسئلة

[aldl]http://i57.tinypic.com/sfxd8h.jpg[/aldl]

الصورة فيها late apex و ده الاغلب المتسابقين بيستخدمه بس غير مفيد للعربيات الخلفي

طيب ازاي اعرف انا late wala early هنشوف الصوره دي و نعرف


[aldl]http://www.driftingstreet.com/images/racing-line.gif[/aldl]


لو ركزنا في الصورة هتلاقي ان ال early apex يهخسر وقت كبير جدا علشان يعدل علي الطريق الصحيح و ال late apec لو في ملف تاني وراه علطول مش هيقدر يخش racing line صح يبقي الخط الاصفر هو الصح و اسرع خط المعا ال perfect apex

ملحوظه كل مالدركسيون لف يمين و شمال اكتر من الازم بتفقد وقت

السباق مش بيعمد علي عربية قوية او ضعيفه بيعتمد علي السواق البيمشي racing line صح و الاهم يدوس فرامل صح يعني اليدوس فرامل في الاوقات الصح يكسب مش اليدوس بنزين و يقدر يحرك العربية فاسرع وقت

يعني مثلا انا عربيتي عندي مشكله انها بتطله بفرك جامد جدا (امريكاني ) ده قمه تضيع الوقت كل ما العربية تفرك في الارض انت بتخسر وقت و الحمد لله بتغلب علي المشكلة دي معا الوقت

في النهاية اسبلكم صورة بقي تشرحلكم ال racing line في سباق كامل


[aldl]http://www.project240.net/kart/images/MB2_Track_Layout__2012_5_2_r2.jpg[/aldl]

وو ان شاء الله المره القادمة هشرحلكم تجهيزات العربية كلها ان شاء الله

:satelite:

ربنا يكرمك ويوفقك

اسف لضيق الوقت هنكمل بكره

سمحوني

النهاردة هنكمل بقي تجهيزات العربية

سباقات السرعة في مصر تتميز ب ( اوردارات كتير - التراك ضيق - الاسفلت وحش ) المهم

http://popeyethewelder.com/wp-conten...e-circuit2.jpg

ان اهم تجهيزات لازم تكون في العربية هي ( الوزن - التماسك - التسارع )

اولا: الوزن

في سباقات السرعة لازم لازم لازم تكزن العربية خفيفة علي قد متقدر power to wight لان ده يهخلي التسارع اسرع و في نفس الوقت فرامل بفاعلية اعلي و تماسك افضل

طيب نخفف العربية ازاي

اي شي تقدر تشيله ساعه السباق يتشال مثل

( الكرسي البجوار السواق و الكنبة بالضهر تاعها و فرش البيبلن و الاستبن و السمعات و عده الصوت و الكريك و مشتملاته و هكذا ) و ده طبعا لو عربية عادية مش مجهزه للسباقات بشكل واضح

طبعا بقي لو انت مصمم العربية للسباقات بس

يبقي هتضيف كل القلناه ( كرسي السواق سبورت كاربون فايبر وزن اخف - زجاج الابواب يتبدل ببلاستيك - صاج العربية و الاكسدامات تستبدل بالكاربون فايبر ازاله كل شي من صالون العربية و الابقاء علي كرسي السائق و التابلوه و في ناس بتشيل الطابلوه و تحط العدادات فقط
ده طبعا غير قفص الامان البتعمل و للاسف اغلب المصرين بيعملوه حديد و هو المفروض استانلس علشان الوزن و بيساعد علي تماسك العربية

http://bringatrailer.com/wp-content/...ior_resize.jpg

طيب كده عرفنا نخفف وزن ازاي طيب كده هيبقي ضهر العربية اخف من وشها كلامك صح

هنرجع البطارية في الشنطة و في حاجة تانية هقولها في التماسك


ثانيا : التماسك علي الارض

ده لوحده عيز موضوع بس هختصره و ناخد المختصر المفيد

1- العفشة
2- الكاوتش
3- الزاويا


نتكلم عن العفشه

العفشة في سباقات السرعة بنفضل كلنا اننا نركب مساعدين coilovers المساعدين دي بتوفرلنا ايه بتوفرلي اني اقدر احكم في ارتفع العربية و انخفضها و في نفس الوقت اتحكم ان تكون العربية طرية او نشفة

http://www.tercelreference.com/terce...rlet_trd_1.jpg

يليها المساعدين adjstable و دي بتاحلي اني اخلي العربية طرية او نشفه مش اكتر

طبعا غير ان اساسي يكون في sturtbars في العربية كلها

طبعا بما اننا خففنا العربيه جدا بنعوض الظهر انه يكون ناشف و في نفس الوقت واطي علي نفس مستوي العربية بمعني متبقاش ورا اعلي من قدام

بس انا شخصيا بغلي ورا اعلي من قدام علشان بستخدم طريقة over steer

الكاوتش

ده بقي فيلم اجنبي ملوش نهاية معا احترامي للجميع اغلبنا او معظمنا لما بيشتري كاوتش بيركز علي كذا حاجة

السعر - المقاس - تاريخ الصنع - اقصي سرعه و احيانا اقصي تحمل

طيب حد حاول يعرف ال dry grip and wet grip يعني ايه ده

يعني تماسك الكاوتش في الحاله الجافه و الحالة المبلله

طيب نعرفه ازاي حسب موديل كل فرده كاوتش بيقي مكتوب عليها الموديل و عن طريق الموديل تقدر تعرف التماسك

عن طريق الموقع ده

Tyres by Brand - TyreReviews

طبعا علي تماسك بيكون 100% في الحالة الجافه

وده لايصلح للاستخدام اليومي للسباقات فقط و تسمي باسم كاوتش سليكس


و ده مفيهوش ناقشه خالص و علشان يبقي متماسك لازم يكون سخن

http://upload.wikimedia.org/wikipedi...lick_Tires.jpg

و يليه في التماسك ال سيمي سليكس و بيكون مقدار التماسك 97 %

http://s11.postimg.org/jnd2aeotv/4_a048_tyres.jpg

فيما اقل ينفع للاستخدام اليومي و يكون كويس طبعا كل ما النسبة المئوية عالية تمام كده عرفنا الكواتش هنختاره ازاي

الزوايا

الزاويا بقي بتتظبط حسب كل تجهيز عربية يعني الخلفي غير الامامي غير الرباعي غير الاستخدام للدريفت غير الاستخدام للدراج غير استخدام سباقات السرعة

و بتعتمد بشكل اساسي علي فتح و قفل العجل للداخل و الخارج و تسمي باسم ( كامبر )


http://www.whipschocolate.com/wp-con.../Whips10-1.jpg
ثالثا التسارع

التسارع هيزيد كدا كدا علشان العربية بقيت اخف

انا مش هتكلم عن الموضوع ده لانه موضوع ضخم انا هنخد الاهم بلنسبة لسباقات السرعة

1- cold air antake
2- شكمان كامل رياضي
3- تخفيف الاحمال علي الموتور

و دي حاجات اساسيه لا غني عنها بلنسبه للعربيات الغير مجهزه بشواحن مثل التيربو و السوبر تشارج

ال انتاك لازم فلتر الهواء يسحب من مكان بارد علشان اداء الموتور يبقي سريع و متجاوب و علي قد منقدر منطولش المسافه مبين البوابة و الفلتر

http://www.rx8club.com/attachments/s...g_2637jpeg.jpg


ثانيا احنا زودنا الهوا الداخل لاننا خلناه يخش اسقع يبقي كثافته اعلي يعني كمية اكبر لازم نخرجة بسرعة و في نفس الوقت نستفيد منه برده عن طريق الهيدر و نظام الشكمان و انا عن نفسي بستخدم super sprint هي غليه شوية بس الافضل علي الاطلاق

تخفيف الاحمال علي الموتور عن طريق شراك طنبورة كرنك سبورت و فلام سبورت دل لما تشتريهم سبورت هيبقي الحمل علي الموتور اقل بس الموضوع ده بيضيع عزم شوية بس مش هنحس بيه علشان الوزن اخف flywheel and crank pully


https://patrickms.s3.amazonaws.com/p...EY-WITH-AC.jpg

http://www.turbosport.net/acatalog/v...eels%20004.JPG

في حاجه تانيه و هي ال remap و ده برده من الحاجات البتفرق كتير في العربية و هي تغيير نظام الكنترول و تغيير نسب الحقن و الاشعال لمستوي اعلي من الطبيعي معا الالتزام بالامان


انا خلصت انهارده كده و يارب اقون افدتكم

و اسف علي الاختصار بس الموضيع كبيرة جدا بطريقة بشعه فا لو حد ليه استفسار عن حاجه معينه انا تحت امره اشرخهاله من عنيه

تقبلو تحياتي

موضوع شيق و بيشرح حاجات فى العربية اثناء سرد الموضوع بس يا ريت مشكلتك فى الكتابة انك بتكتب كتابة رياضية ههههههههه

يا ريت تطول نفسك و انت بتكتب و ما تديش فرصة غير لاقل الاسئلة

اانت ما قلتش نوع اول عربية شاركت بيها و كام سى سى ، و الحاجات بتاعت السباق بتجيبها منين و رينج الاسعار؟

هو الانتاك دة بيعمل اية ؟

متابع

اقتباس:

---

المشاركة الأصلية كتبت بواسطة م أحمد

موضوع شيق و بيشرح حاجات فى العربية اثناء سرد الموضوع بس يا ريت مشكلتك فى الكتابة انك بتكتب كتابة رياضية ههههههههه

يا ريت تطول نفسك و انت بتكتب و ما تديش فرصة غير لاقل الاسئلة

اانت ما قلتش نوع اول عربية شاركت بيها و كام سى سى ، و الحاجات بتاعت السباق بتجيبها منين و رينج الاسعار؟

---

المشكلة معايا في الوقت والله مفيش وقت تماما

العربيه الاولي كانت بيجو 205 1900 سي سي mi16 و و بعدها برده بيجو 205 بنفس الموتور بس بامكانيات اعلي شوية

اغلب الحاجات بجيبها من الحرفيين لقط طبعا و لو مفيش ebay

اقتباس:

---

المشاركة الأصلية كتبت بواسطة hesham fawzy h

هو الانتاك دة بيعمل اية ؟

---

كل موتور في الدنيا بيدخل جواه هوا و بيخرج هوا الانتاك ده المسئول عن دخول الهواء فا احنا بنوفر اكبر قدر ممكن اننا ندخل الهواء ده سافع لان .... كل ما درجة حرارة الهواء انخفضت تزيد كثافة الهواء

موضوع تستحق عليه وسام
بس عاوزين شرح اكتر للدريفتات وانواعها وازاي نقدر نعملها بالعربيات الجر الامامي

حاضر هنتكلم عن الدريفت في الامامي و ايه المطلوب

مش الى بيدخل هواء ساقع للموتور الفلتر .

و انا سمعت ان الانتاك دة الى بيخلى العربية تعما باك فاير؟

متابع باهتمام
عايز افهم اكتر عن موضوع نسب التماسك للكاوتش
وتقليل هادر الوقت في التسارع

موضوع جميل وشرح وافي تسلم

موضوع رائع

متابع بشغف

موضوع شيق جدا.. وأنا شخصيا أضاف ليا كتير


هو يمكن بس فيه بعض الأشياء اللي محتاجة شوية شرح أكتر علشان غير المتخصصين يبقوا معانا عالخط :)


أنا كنت عامل موضوع شبيه بالموضوع ده بس للعربيات العادية... وأحيانا كنت بارجع فيه لبعض النواحي في رياضة السيارات..

يشرفني لو حضرتك دخلت عليه وتقوللي رأيك لو فيه معلومات محتاجة تتزود :)

http://www.nilemotors.net/Nile/375709-a.html


وأنا متابع مع الإخوة الزملاء لمزيد من الاستفادة



...

اقتباس:

---

المشاركة الأصلية كتبت بواسطة borio1704

موضوع شيق جدا.. وأنا شخصيا أضاف ليا كتير


هو يمكن بس فيه بعض الأشياء اللي محتاجة شوية شرح أكتر علشان غير المتخصصين يبقوا معانا عالخط :)


أنا كنت عامل موضوع شبيه بالموضوع ده بس للعربيات العادية... وأحيانا كنت بارجع فيه لبعض النواحي في رياضة السيارات..

يشرفني لو حضرتك دخلت عليه وتقوللي رأيك لو فيه معلومات محتاجة تتزود :)

http://www.nilemotors.net/Nile/375709-a.html


وأنا متابع مع الإخوة الزملاء لمزيد من الاستفادة



...

---

طبعا يزدني شرف ان اسعد علي قد مقدر انا عارف اني اختصرت حجات كتير بس الموضوع ضخم جدا و الاسئلة هي الهتشرح بقي مش انا :10D5C8w1107:

اقتباس:

---

المشاركة الأصلية كتبت بواسطة ahmednaeem

متابع باهتمام
عايز افهم اكتر عن موضوع نسب التماسك للكاوتش
وتقليل هادر الوقت في التسارع

---

حاضر هتكلم عليه المره الجيه

لو سمحت يا جماعه هوا في حد بيعلم سواقه المحترفه هنا في مصر لان الواحد متحمس للموضوع جدا بزات لو فيه امكنيات برجاء الرد:verygood:

انا معنديش مانع اعلم اي حد السواقة الرياشية بس هنبدا بالكارتينج

موضوع رائع

كنت عاوز اسئل سؤال عن العربية نفسها ( هل لازم يبقى ليها رخصة و تكون مترخصة فى مصر - فى حالة انك هتعدل على العربية - و تكون للسباقات فقط ) و لا ممكن تكون استيراد او حتى متجمعة كروسيلة - فى حالة انك هتعملها تخفيض للوزن و تركيب قفص حماية للعربية هتكون افضل !!

هو دا الاحتراف

موضوع رائع
نفسى اتعلم القياده الرياضيه

موضوع رائع
نفسى اتعلم القياده الرياضيه

متابع بشده
الله يوفقك
ومستنى تكمله الموضوع ان شاء الله

الموضوع حلو وعجبنى
بس ينفع الواحد يتابع ب 127

ربنا يوفقك