لماذا دائماً الشكل الجديد من السيارات يأتى الى مصر متأخراً عن باقى دول العالم وخصوصا أوربا وأمريكا والخليج عاما او عامين ؟
عرض للطباعة
لماذا دائماً الشكل الجديد من السيارات يأتى الى مصر متأخراً عن باقى دول العالم وخصوصا أوربا وأمريكا والخليج عاما او عامين ؟
علشان مصر من الدول المتخلفة عن العالم فى كل شىء الاجابة اهيه سهلة خالص
زمان واحنا ف المدرسة قالو لينا اننا عالم تالت (بصراحة مش كنت فاهم)
بس بجد دلوقتي اكتشفت اننا ياريت نكون حتى عالم تالت او عاشر
حضرتك اوروبا سبقت مصر بخمسين سنة والخليج سبق مصر بحوالي تلاتين سنة (ف التكنولوجيا)
اما بالنسبة للعربيات ياريتها شكل بس
دا شكل وابوشن وكماليات ومتانة وخامات وكل حاجة
فياريتها كانت شكل وبس تيجي العربية زي بتاعت بره
بيجربوها فى البلاد دى الاول علشان السيارات لو فيها مشاكل
وبعدبن يبعتوا السيارات الكويسه
لهذا السبب الموديلات الجديده بتيجى متاخر
ههههههههههههههههههههههههه هههههههههههههههه
لان المستهلك ليس بدرجه وعي كافيه بحيث انه يقدر يفرق بين مستويات الجوده المختلفه اللي ممكن يحصل عليها ولا حتي انه يحدد أولوياته بطريقه صحيحه و من جهه اخري المستورد يبحث عن أرخص حاجه علشان يقدر يطلع منها اكبر مكسب ممكن و الطرف الثالث اللي هو الرقابه شبه منعدمه و الكلام ده ترجمته ان واحد بيشتري حاجه بناء علي ان شكلها حلو او رخيصه او علشان مليانه كماليات قد لا يحتاجها و بيشتريها من تاجر جشع كل همه يحقق اكبر مكسب و اللي بيراقب علي التاجر لكي يضمن حق المستهلك دوره هامشي او منعدم و ده نتيجته المتوقعه هي اللي حضرتك بتشكو منه ده
طب وهيا هتفرق ماهو لما بينزل الشكل الجديد بتلاقى ناس تروح تدور على الشكل القديم عشان تشتريه :colsmil:
اظن ان السبب هو ان التجار و التوكيلات بتأخر الشكل الجديد لحد ما تخلص بيع مخزونها من الشكل القديم
اقول لسيادتك
ببساطه عشان يلم من المصنع الاستوك القديم بخصم محترم بما ان العربيه غيرت شكل
و يبيعها لسيادتك بنفس سعر الجديده و المكسب يبقى دوبل و ابجني تجدني