لماذا دائماً الشكل الجديد يأتى مصر متأخراً

**عم جحا** · 10-09-2014 12:48 PM

لماذا دائماً الشكل الجديد من السيارات يأتى الى مصر متأخراً عن باقى دول العالم وخصوصا أوربا وأمريكا والخليج عاما او عامين ؟

**aymanshebl** · 10-09-2014 12:55 PM

علشان مصر من الدول المتخلفة عن العالم فى كل شىء الاجابة اهيه سهلة خالص

**khaled_yehya** · 10-09-2014 12:57 PM

المشاركة الأصلية كتبت بواسطة aymanshebl

علشان مصر من الدول المتخلفة عن العالم فى كل شىء الاجابة اهيه سهلة خالص

للاسف ده الواقع
وبرضه جشع التجار

**mhopa2440** · 10-09-2014 01:05 PM

زمان واحنا ف المدرسة قالو لينا اننا عالم تالت (بصراحة مش كنت فاهم)

بس بجد دلوقتي اكتشفت اننا ياريت نكون حتى عالم تالت او عاشر

حضرتك اوروبا سبقت مصر بخمسين سنة والخليج سبق مصر بحوالي تلاتين سنة (ف التكنولوجيا)

اما بالنسبة للعربيات ياريتها شكل بس

دا شكل وابوشن وكماليات ومتانة وخامات وكل حاجة

فياريتها كانت شكل وبس تيجي العربية زي بتاعت بره

**Sherif Mandoor** · 10-09-2014 01:31 PM

بيجربوها فى البلاد دى الاول علشان السيارات لو فيها مشاكل
وبعدبن يبعتوا السيارات الكويسه
لهذا السبب الموديلات الجديده بتيجى متاخر

ههههههههههههههههههههههههه هههههههههههههههه

**Land_Cruiser** · 10-09-2014 01:36 PM

لان المستهلك ليس بدرجه وعي كافيه بحيث انه يقدر يفرق بين مستويات الجوده المختلفه اللي ممكن يحصل عليها ولا حتي انه يحدد أولوياته بطريقه صحيحه و من جهه اخري المستورد يبحث عن أرخص حاجه علشان يقدر يطلع منها اكبر مكسب ممكن و الطرف الثالث اللي هو الرقابه شبه منعدمه و الكلام ده ترجمته ان واحد بيشتري حاجه بناء علي ان شكلها حلو او رخيصه او علشان مليانه كماليات قد لا يحتاجها و بيشتريها من تاجر جشع كل همه يحقق اكبر مكسب و اللي بيراقب علي التاجر لكي يضمن حق المستهلك دوره هامشي او منعدم و ده نتيجته المتوقعه هي اللي حضرتك بتشكو منه ده