الموضوع: اليوم 10-9-2014 بدأ تسويق بيجو 508 facelift في فرنسا والاتحاد الاوروبي

المشاركة الأصلية كتبت بواسطة chef

ربنا يستر ومايكنش فيها مشاكل فى الفتيس زى مويلات 2011 اول مانزلت واتعدلت على موديلات 2013 ؟ انا افضل اللى عاوز يشترى الموديل الجديد ينتظر على الاقل بعد النسخه التانيه لا ان اكيد هايظهر حاجه فى الموديل ده ؟ لا اما العزل لا اما فى صوت الموتور لا اما فى الفتيس ؟ عموما ربنا يستر

كل عام وانت بخير

معلومه صغيره.....من اول ظهور 508 مو2011 ولم يوجد بها اي مشاكل مع الفتيس نهائيا
بدليل نجاحها فى اوروبا وانتقلت ﻻمريكا ثم عندنا
كل اللي كان فيها ان الموتور كان مجهز يشتغل بنزين 95 فقط عدل الي سماحية التشغيل 92 و95 علي السواء
ياريت ينزل الشكل الجديد خالي العيوب زي الموديل اللي قبله

فى امان الله
عيد سعيد

المشاركة الأصلية كتبت بواسطة hany63

جربت ال ٩٢ و وصلت للنتيجه دي ولا كلامك مبني على الاقوال الشائعه ؟
اصل معنى كلامك تحديدا ان العربيه من غير ٩٥ هتبقى ١٢٠ حصان زي البيجو ٣٠١ و ده غلط
كلنا في مصر بنستعمل ٩٢ لظروف لداعي لذكرها و العربيه زي الطياره
اكيد طبعا ال ٩٥ هيفرق بس مش الفرق اللي انت قلته

ده موضوع اتكلم في الاستاذ Formulator -- وناس خبرة تانيين ---

ايه الفرق بين التيربو و من غير ؟

من غير تيربو البساتم هي اللي بتسحب الهوا --- فتاخد هوا علي اد السحبة بتاعتها --- والانضغاط داخل البستم بيبقي 1 ألي 8 و ده مناسب لبنزين 92 ( ما بيولعش غير لما البستم يجيب أخر المشوار )

أما التيربو بقي --- بيضغط علي البستم ويديلة هوا مضغوط زيادة --- فبيوصل الانضغاط في البستم الي 1 -20 ---- و ده مش مناسيب ل 92 فبيولع قبل البستم ما يجيب أخره --- فالمحرك يعمل ايه ؟ يقوم يأخر الكهربا علي قد مايقدر --- فتفقد قوة

ده كده ببساطة ( الموضوع طبعا اعقد بس دي الخلاصة ---- )
ومنطقي ان العربية 1600 تيربو عايزة تستخدم أحسن بنزين باعلي كفاءة علشان تديلك نفس الباور بتاعة عربية 2400 سي سي