-
اليوم 10-9-2014 بدأ تسويق بيجو 508 facelift في فرنسا والاتحاد الاوروبي
-
-
عربيه محترمه جدا بصراحه . ابداع الفرنسيين
-
انا كنت امس عند موزع بيجو وبيقولوا ان احتمال الدفعة الجديده تنزل الشكل الجديد وانهم بطلوا يطلبوا كميات ومفيش منها كتير في السوق
-
اعتقد حتنزل علي 2105 فى مصر
زي ماحصل فى السيراتو الفيس لفت ....... كان موجود القديم بسعر والجديد بسعر تاني
اتمني نشوف التحفه دي فى مصر عن قريب
فى امان الله
-
العربية رائعة والتقرير اروع.
بس فين البكرة بتاعت الاي درايف؟ ممكن يكون شالوها عشان يوفروا مساحة تخزين. بس كدا مابقتش شبة بي ام ومرسيدس. لازم بيجو تحط بصمتها برضه
-
اقتباس:
المشاركة الأصلية كتبت بواسطة falcon77
العربية رائعة والتقرير اروع.
بس فين البكرة بتاعت الاي درايف؟ ممكن يكون شالوها عشان يوفروا مساحة تخزين. بس كدا مابقتش شبة بي ام ومرسيدس. لازم بيجو تحط بصمتها برضه
الشاشه تاتش علشان كده تم الغاء بكره الايدرايف
-
اقتباس:
المشاركة الأصلية كتبت بواسطة alshahba
اعتقد حتنزل علي 2105 فى مصر
زي ماحصل فى السيراتو الفيس لفت ....... كان موجود القديم بسعر والجديد بسعر تاني
اتمني نشوف التحفه دي فى مصر عن قريب
فى امان الله
احتمال تنزل مصر على شهر يوليو 2015 بس هتكون موديل 2016
-
اقتباس:
المشاركة الأصلية كتبت بواسطة falcon77
العربية رائعة والتقرير اروع.
بس فين البكرة بتاعت الاي درايف؟ ممكن يكون شالوها عشان يوفروا مساحة تخزين. بس كدا مابقتش شبة بي ام ومرسيدس. لازم بيجو تحط بصمتها برضه
شكرا يا باشا بس هم شالو الاي درايف عشان الشاشة التاتش زي ما الزميل العزيز رد عليك وبدلوها بدرج تخزين بيتقفل
-
الشكل الجديد نازل بموتور جديد 165 حصان وفتيس اوتو ايضا جديد وكمان الفوانيس الامامية والخلفية 100% ليدات استبدلو الزينون بس دا في الفئات العالية Allure, GT, RXH والفئات الاقل هالوجين بالاضافة لحساسات النقطه العمياء وكاميرا خلفية واهم ميزة بروز اكثر للاكصدام الخلفي
-
اقتباس:
المشاركة الأصلية كتبت بواسطة islam_gamal50
الشكل الجديد نازل بموتور جديد 165 حصان وفتيس اوتو ايضا جديد وكمان الفوانيس الامامية 100% ليدات استبدلو الزينون بس دا في الفئات العالية allure, gt, rxh والفئات الاقل هالوجين بالاضافة لحساسات النقطه العمياء وكاميرا خلفية
علي كده اكيييد سعرها هيضرب يعني مثلا الفئه االاولي بدل 242000 ممكن توصل لكام؟؟؟؟؟
وهل الاحسن لو هشتري استني الموديل الجديد؟
-
بجد برافو بيجو عربيه محترمه جدا ... بس السؤال الوكيل هيرفع السعر لكام؟؟؟
-
الفوانيس الجديده تحفه بصراحه
ياريت معلومات اكتر عن الماتور و الفتيس الجديد و ايه التغيير فيهم عن الموديل القديم
-
غالبا الموتور مفيش تغير يذكر غير تقليل نسبه العادم للتوافق مع معدلات الانبعاث الاوربيه
وسألت في التوكيل وقالوا ممكن علي اول السنه ان شاء الله وأكيد طبعا هيبقي في فرق سعر
-
عربيه جميله بس ربنا يصلح الحال والتوكيل مايغليش فى سعرها زياده
-
اقتباس:
المشاركة الأصلية كتبت بواسطة Moratoz
غالبا الموتور مفيش تغير يذكر غير تقليل نسبه العادم للتوافق مع معدلات الانبعاث الاوربيه
وسألت في التوكيل وقالوا ممكن علي اول السنه ان شاء الله وأكيد طبعا هيبقي في فرق سعر
يا صديقي العزيز الفيس ليف نازله بموتو جديد وفتيس جديد من على موقع الشركة الام
For petrol, the new PEUGEOT 508 introduces a new Euro 6 compliant engine : the 1.6litre
THP 165 Stop&Start,[ available with a sixspeed
manual
gearbox or the new EAT6 sixspeed
automatic gearbox.
Replacing the Euro 5 1.6litre
THP 156, this new 165hp engine is turbocharged (with a twin scroll turbo), using stochiometric direct injection (200
bar) and has continuously variable inlet valve timing. Delivering 165hp, an increase of 9hp, it allows reduced CO2 emissions from 129g/km (6speed
manual) whereas they were 144g/km at best on the previous generation.
الا لو التوكيل هيلعب لعبتة وينزل الموتور القديم
-
اقتباس:
المشاركة الأصلية كتبت بواسطة eleanor
عربيه جميله بس ربنا يصلح الحال والتوكيل مايغليش فى سعرها زياده
سعرها برة مازادتش بس انت وانا وكلنا عارفين توكيلات المحروسة ... واعتقد لو هيزود مش هيبقى فرق كبير لانه هينافس حيتان الصراحه ومش هيبقى في صالحة تماما
-
انا بس عندي استفسار من الاخوة المتخصصين هو الموتور الجديد new 165hp engine is turbocharged (with a twin scroll turbo), using stochiometric direct injection (200
bar) and has continuously variable inlet valve timing. Delivering 165hp
معناه انه اتنين تربو تشارج؟؟؟
-
ومنتظرين المواصفات اللى هتنزل مصر
-
كلام من جوه التوكيل ان لو فيه زياده ممكن من ٥٠٠٠ الي ١٠٠٠٠ بس مفيش كلام مؤكد
-
-
الاختلاف فى الاكصدامات والفوانيس بس على فكره
ومن جوه الشاشه التاتش ولا حاجه تانى
-
الشاشه التاتش ماهي كانت موجوده بس التوكيل ما بينزلهاش
-
اقتباس:
المشاركة الأصلية كتبت بواسطة eleanor
الاختلاف فى الاكصدامات والفوانيس بس على فكره
ومن جوه الشاشه التاتش ولا حاجه تانى
الفروق الاساسيه :
1- هيكل من الالومنيوم بتقنية mqp الخفيفه المطوره
2- كاميرا خلفيه
3- اغلاق الشنطة كهربائيا
5- اضائة وسط داخل الكابينه
6-فوانيس led كامله
7- شاشة داخليه تعمل باللمس
8- موتور جديد بكفائة 165 حصان
يارب نشوف الحاجات دي في مصر
-
اقتباس:
المشاركة الأصلية كتبت بواسطة ALshahba
الفروق الاساسيه :
1- هيكل من الالومنيوم بتقنية mqp الخفيفه المطوره
2- كاميرا خلفيه
3- اغلاق الشنطة كهربائيا
5- اضائة وسط داخل الكابينه
6-فوانيس led كامله
7- شاشة داخليه تعمل باللمس
8- موتور جديد بكفائة 165 حصان
يارب نشوف الحاجات دي في مصر
تمام و ضيف عليهم:
9- فتيس جديد the new EAT6 six speed automatic gearbox
10- حساسات النقطة العمياء
11- نظام صوتي JBL badged HiFi
12- التحكم في وظائف العربية عن طريق الاي فون بتطبيق PEUGEOT Connect Apps (بس دا في 13 دولة اوربية فقط حتى الان)
-
اقتباس:
المشاركة الأصلية كتبت بواسطة islam_gamal50
تمام و ضيف عليهم:
9- فتيس جديد the new eat6 six speed automatic gearbox
10- حساسات النقطة العمياء
11- نظام صوتي jbl badged hifi
12- التحكم في وظائف العربية عن طريق الاي فون بتطبيق peugeot connect apps (بس دا في 13 دولة اوربية فقط حتى الان)
ممتاز
بس النقطه 9 موجوده من الاول ولكن ممكن يكون في بعض التحسينات
النقطه 10 برضو موجوده من الاول
حتبهر العالم
-
اقتباس:
المشاركة الأصلية كتبت بواسطة alshahba
ممتاز
بس النقطه 9 موجوده من الاول ولكن ممكن يكون في بعض التحسينات
النقطه 10 برضو موجوده من الاول
حتبهر العالم
لا يافندم الفتيس والموتور اللي في الشكل الحالي تم استبدالهم في الفيس لفت بموتور وفتيس جديد من على موقع الشركة الام بالنسبة للنقطة العمياء مش عارف الصراحة كانت موجودة ولا دي اضافة جديدة
-
اقتباس:
المشاركة الأصلية كتبت بواسطة islam_gamal50
الشكل الجديد نازل بموتور جديد 165 حصان وفتيس اوتو ايضا جديد وكمان الفوانيس الامامية والخلفية 100% ليدات استبدلو الزينون بس دا في الفئات العالية allure, gt, rxh والفئات الاقل هالوجين بالاضافة لحساسات النقطه العمياء وكاميرا خلفية واهم ميزة بروز اكثر للاكصدام الخلفي
بروز الاكصدام مهم جداا فعلا
غير الشكل للافضل
-
اقتباس:
المشاركة الأصلية كتبت بواسطة islam_gamal50
لا يافندم الفتيس والموتور اللي في الشكل الحالي تم استبدالهم في الفيس لفت بموتور وفتيس جديد من على موقع الشركة الام بالنسبة للنقطة العمياء مش عارف الصراحة كانت موجودة ولا دي اضافة جديدة
منكم نستفيد :wink14:
ياريت حد من الساده ملاك الجميله 508 يخش ويأكد المعلومه
eleanor>>>> ايه الاخبار قولنا كده النقطه العمياء بتعمل ايه
اقتباس:
المشاركة الأصلية كتبت بواسطة hossam_elwani
بروز الاكصدام مهم جداا فعلا
غير الشكل للافضل
الشكل اصبح حاجه تانيه خالص ........ بس الصراحه لسه مازلت اميل للشكل الاول , شيك جدا وناعم اوي
الشكل الجديد مدي علي فولفو (من الامام) + كامري (من الخلف) + سيتروين (من الجنب)
-
كل الحاجات دي موجوده من الأول ماعدا حساس النقط العمياء والكاميرا بس
والفتيس ده القديم اللي بينزل بره من صناعه ماجنتي ما يلي تكنولوجيا بورش وده في الموديلات اللي كانت يتنزل بره
-
اقتباس:
المشاركة الأصلية كتبت بواسطة alshahba
منكم نستفيد :wink14:
ياريت حد من الساده ملاك الجميله 508 يخش ويأكد المعلومه
eleanor>>>> ايه الاخبار قولنا كده النقطه العمياء بتعمل ايه
الشكل اصبح حاجه تانيه خالص ........ بس الصراحه لسه مازلت اميل للشكل الاول , شيك جدا وناعم اوي
الشكل الجديد مدي علي فولفو (من الامام) + كامري (من الخلف) + سيتروين (من الجنب)
حساس النقطه العمياء مش موجود في الموديل القديم والشاشه كانت مش تاتش
وعلى فكره الاكصدام مافيهاش بروز هو هو هات صوره القديمه وصوره للجديده وركز التلاقي نفس الابعاد
-
حتة الموتور يورو ٦ ربنا يستر منها مع البنزين المصري
كان معايا الباسات تربو و كانت بتكركر على ال ٩٥ و مدير الصيانه ساعتها قال لي باللفظ اصل العربيه يورو ٥ و حساسه جدا للبنزين
فالموضوع ملوش حل عشان المفروض امون ٩٥ فما فوق
-
اقتباس:
المشاركة الأصلية كتبت بواسطة hany63
حتة الموتور يورو ٦ ربنا يستر منها مع البنزين المصري
كان معايا الباسات تربو و كانت بتكركر على ال ٩٥ و مدير الصيانه ساعتها قال لي باللفظ اصل العربيه يورو ٥ و حساسه جدا للبنزين
فالموضوع ملوش حل عشان المفروض امون ٩٥ فما فوق
فعلا معاك حق موضوع البنزين هيبقى مشكلة زي الشكل الحالي اول ما نزل بس انا متوقع الوكيل هينزلها بنفس موتور وفتيس الشكل الحالي هيسوقها بناءا على الفيس ليفت والتكنولوجيا الجديدة
-
على فكره انا بالنسبالي موضوع البنزين مش مشكله طالما الفايس اوتو عادي لأنه هايريح الموتور مش هايعمل زي الدي إس جي ويحمل على الموتور
-
اقتباس:
المشاركة الأصلية كتبت بواسطة eleanor
حساس النقطه العمياء مش موجود في الموديل القديم والشاشه كانت مش تاتش
وعلى فكره الاكصدام مافيهاش بروز هو هو هات صوره القديمه وصوره للجديده وركز التلاقي نفس الابعاد
في بروز يا باشا بص علي الفرق بين الشنطة والكصدام
-
ماهو القديمه كان في بروز برده مش حته واحده
-
اقتباس:
المشاركة الأصلية كتبت بواسطة eleanor
ماهو القديمه كان في بروز برده مش حته واحده
لا حضرتك في بروز واضح عند الفرق بين الشنطه والاكصدام
-
-
ربنا يستر ومايكنش فيها مشاكل فى الفتيس زى مويلات 2011 اول مانزلت واتعدلت على موديلات 2013 ؟ انا افضل اللى عاوز يشترى الموديل الجديد ينتظر على الاقل بعد النسخه التانيه لا ان اكيد هايظهر حاجه فى الموديل ده ؟ لا اما العزل لا اما فى صوت الموتور لا اما فى الفتيس ؟ عموما ربنا يستر
-
وزى ماقلت قبل كده الشكل القديم افخم من الشكل الجديد على الاقل له ملامح سمكه القرش؟ اما الجديد مخلط ويشبه 308 اللهم الفوانيس بس والصدام الخلفى اجمل مافى الشكل الجديد وموضوع انهم غيرو الاى درايف ده بصراحه خلى كولسون العربيه فقير نوعاا ما ؟ بس عزائى الوحيد الكاميرة الخلفيه ؟ وياسلام بقى لو كانو عدلو مكان الاكواب فى فى الطابلون ؟ كانت تبقى صح فيس لفت ؟ مدارى على الشاشه وتصميمه قديم