فضيحة تويوتا كورولا 2015

**Omar2017** · 11-09-2014 03:17 AM

اية يا جودعان انتم متحامللين على الراجل كدة لية دية حتة حديدة لا طلعت ولا نزلت

**amgomaa** · 11-09-2014 03:30 AM

عنوان غريب الصراحة

Sent from my GT-S5282 using Forum Runner

**mido_soliman** · 11-09-2014 04:11 AM

ههههههههههههههههههههههههه هههههههههه .............. انت حقيقي ؟!!!!

**yasser100** · 11-09-2014 08:58 AM

اهدوا شويه يا جماعه . كل العربيات فى اختبارات الامان سواء الاوربيه او الامريكيه واخده تقديرات اقل من قبل كده . علشان دخلوا تعديلات و قواعد جديده . العربيه اللى كانت بتاخد 5 نجوم قبل كده هيه هيه نفسها بتاخد 3 او 4 دلوقتى . كل سنه القواعد بتختلف . و اكتر مثل الرينو ميجان كانت واخده 5 نجوم فى اختبار ال euroencap قبل كده . السنه دى 3 نجوم برغم انها نفس العربيه بكل تجهيزاتها . علشان القواعد و القوانين اتغيرت

و ان كان الراجل صغير و مش فاهم فهموه بهدوء

**Sameh samy** · 11-09-2014 10:29 AM

دي اختبارات لقياس امان الركاب وبتتقاس بمعايير مختلفة من جوة العربية
العربية كدة كدة هاتتكسر المهم اللي جوة ولو موش عاجبك انها تتكسر اشتريلك دبابة
تكنولوجيا العربيات النهاردة اختلفت واثبتو ان الصدمات الشديدة لو في عربية جامدة زي الادا مثلا بتصيب الركاب باضرار بليغة
دلوقتي العربية مصممة بنظام نقط الانهيار بحيث تمتص الصدمة بعيد عن الركاب يعني ممكن اختبار الانوس يكون اصابات القائد اعلي
انما نبص علي شكل العربية ونقول سقطت من غير حتي متنشوف تقييم الخبراء دة اسمو جهل فعلا

**mzowail** · 11-09-2014 01:51 PM

يا جماعه الراجل اسفزوكو علشان العنوان بس, و بصراحة الكورولا فضيحه في جمالها و حلاوتها :))

**akmm** · 11-09-2014 02:21 PM

بغض النظر عن كل التعليقات بتاعه الاخوه الكرام ............. الكورولا عربيه فوق الممتازه من اى موديل .... وبالنسبه للفيديو عجبنى او سرعه فتح اكياس الهواء للحمايه في اقل من جزء من الثانيه . دى ميزه مش موجوده بالنسبه للسرعه في الفتح لعربيات كتير اما ماتفتحش او تفتح بدون سبب .

**ahmediz2000** · 11-09-2014 03:13 PM

مش عارف الناس عمالة تتريق وتقول انه عادي وان اي عربية هيحصلها كده .. غريبة بجد الردود وكآن الراجل داخل يشتمهم.
اكيد كل العربيات ما بتطلعش سليمة من الاختبار ده .. ولكن بتفرق الخسائر من عربية لعربية .. بتفرق هل الزجاج الامامي بيتكسر ولا لآ .. بتفرق مدي انحناء القايم الامامي وبتفرق مدي تآثير الصدمة علي باب السائق .. اكيد العربية بتتبهدل من بره لكن المهم هو الحفاظ علي المقصورة بالداخل .. فيه عربيات تانية زي المرسيدس والبي ام خضعوا لنفس الاختبار وتخيلوا العربية اتبهدلت من الامام لكن الزجاج لم ينكسر حتي .. ولا القايم اتآثر ولا الابواب .. الصدمة كلها في الامام ولم يحدث شئ للمقصورة .. النتيجة اللي انا شايفها في الفيديو نتيجة سيئة فعلا وبنفس مستوي بعض السيارات الكورية للاسف ولا تليق باسم تويوتا.

**ahmediz2000** · 11-09-2014 03:19 PM

ويتريت تتفرجوا علي الفيديو ده وتشوفوا العربيات المحترمة ادائها عامل ازاي .. وركزوا علي نقط معينة علشان تعرفوا الفرق : الباب من ناحية الصدمة / الزجاج الآمامي / القايم الامامي من ناحية الصدمة . تماسمك السيارة بالكامل وهتلاحظوا الفرق

ULTIMATE BEST CRASH TEST COMPILATION | NEW CARS - YouTube

**Omar2017** · 11-09-2014 04:33 PM

المشاركة الأصلية كتبت بواسطة ahmediz2000

مش عارف الناس عمالة تتريق وتقول انه عادي وان اي عربية هيحصلها كده .. غريبة بجد الردود وكآن الراجل داخل يشتمهم.
اكيد كل العربيات ما بتطلعش سليمة من الاختبار ده .. ولكن بتفرق الخسائر من عربية لعربية .. بتفرق هل الزجاج الامامي بيتكسر ولا لآ .. بتفرق مدي انحناء القايم الامامي وبتفرق مدي تآثير الصدمة علي باب السائق .. اكيد العربية بتتبهدل من بره لكن المهم هو الحفاظ علي المقصورة بالداخل .. فيه عربيات تانية زي المرسيدس والبي ام خضعوا لنفس الاختبار وتخيلوا العربية اتبهدلت من الامام لكن الزجاج لم ينكسر حتي .. ولا القايم اتآثر ولا الابواب .. الصدمة كلها في الامام ولم يحدث شئ للمقصورة .. النتيجة اللي انا شايفها في الفيديو نتيجة سيئة فعلا وبنفس مستوي بعض السيارات الكورية للاسف ولا تليق باسم تويوتا.

+1

الموضوع: فضيحة تويوتا كورولا 2015

LinkBack

أدوات الموضوع

عرض

-

-

-

-

-

المواضيع المتشابهه

مقارنة تفصيلية مبين تويوتا كورولا 2015 و سكودا a7 2015

تويوتا كورولا 2015 ولا رينو فلوانس 2015؟ و ليه؟

..:: اخر اخبار تويوتا كورولا 2015 ::..

رينو فلوانس 2015 ولا تويوتا كورولا 2015؟ و ليه؟

تويوتا كورولا 2015 زيرو ولا تويوتا كورولا 2013 زيرو ولا هوندا سيفك 2010 مستعملة

الكلمات الدلالية لهذا الموضوع

المفضلات

المفضلات

ضوابط المشاركة