السلام عليكم

قبل مسافر ب اسبوع كنت عاوز اعرف ايه أحسن شاطىء فى مطروح علشان ملفش كتير واكون عندى فكره
وأجرنا شقه ع البحر 3 ايام
اول يوم لفيت لفه على الكورنيش وقررت ادخل شاطىء روميل .. المياه فيه متفرقش كتير عن اسكندريه ومش نظيف ومفيهوش زحام كتير وارتفاع المياه فيه كويس بالنسبه ليا علشان انا بحب المياه تكون عاليه علشان اعرف اعوم وسعر البرجوله من 40 ل 60 .. ودى صوره لروميل بس مصورتهوش كتير علشان معجبنيش اوى



ثانى يوم قولت اشوف شط تانى وروحت الغرام والصراحه كان جميل جدا وأحسن بمراحل من روميل ومنظره يحسسك ان المياه واطيه بس انا مشيت شويه فيه ومكنش ليا طول ودى صور ليه




انا مش عايز اكتر فى الصور علشان الصفحه تفتح على طول

ودى صور للصخره اللى غنت عليها ليلى مراد





ثالث يوم روحت عجيبه نتصور شويه صور هناك وكان فى مناظر جميله جدا هناك







فى صور كتير جميله بس علشان الصفحه متهنجش معاكم مش هارفع صور كتير

وبعدين طلعنا من عجيبه على شاطىء الأبيض .. هو شط ممتاز جدا وكله بيشكر فيه بس انا مكنتش مرتاح ليه وطلعت منه ورجعت للغرام ودى صور للأبيض




والى اللـــــقاء