الموضوع: دراسة اللغة في أمريكا -بعض العقبات-

من أول ماشتغلت قدمت على طلب بعثة لتعلم اللغة - مركزنا بيبعت بعض التخصصات للخارج إما مؤتمرات أو دراسة -
فقدمت على نبراسكا بس المركز قالي مركزنا متعاقد مع معاهد في نيويورك
ومن شروط المركز إن بنتي تبقى في حضانة داخلية طوال فترة الدراسة على حسابهم ومش هتبقى معايا إلا يومين
ولو هخليها في حضانة بدوام عادي هتكون على حسابي الخاص
عايزة أعرف هل الحضانات غالية في نيويورك -مانهاتن- ؟ لمدة 6 ساعات في اليوم فقط ؟
هل فيه حضانات خاصة بالعرب ؟ لإني خايفة بنتي متعرفش تتأقلم مع اللغة
وكمان هل 3 شهور كافية لتعلم اللغة علما ان اليوم كله ضايع لإن المعهد هيكون 4 ساعات دراسة فقط و5 أيام في الإسبوع
السكن عندي خيار مع عائلة أو مستقل إيه الأفضل ؟ من نايحة اللغة والأمان ؟

بشكر حضرتك على الرد وياريت لو عرب هرتاح اكتر بشكرك جدا

هل ممكن موعد القنصلية يتم تأجيله بدون مشاكل ؟ لان عندي شوية مشاكل ممكن تعطلني شوية
المركز قالوا الافضل تروحي فموعدك لو تاجل ايه المشكلة ؟

كمان هيكون فيه مترجم ؟ ولا لازم مستوى معين من اللغة ؟
المديرة قالتلي متقلقيش المقابلة شيء روتيني وهما سؤالين بس المهم تكون اجاباتك صحيحة

بس انا قلقانة من اللغة ومن المقابلة كلها