عرض للطباعة
السلام عليكم ، دلوقتي حاسس ان العربية عشان تمسك فرامل لازم ادوس فرامل لجوة كثيير مش بتفرمل او ما ادوس لازم احد وقت و ده بدأ يعملي مشكلة في الفرملة و حاسس ان العربية بتفرمل على اخر لحظة تفتكرو ممكن يكون تيل فرامل ؟ و لا ممكن تكون حاجة تانية ؟
و اللي ملاحظه كمان ان كل اما السرعة تقل كل اما تأثير الفرامل يقل و لازم ازود اكثر لحد اما تفرمل و ده خطر جدا لما يحصل فرملة مرة واحدة
لو زي عندنا في البي 2
هيكون سيرفو
لو زي عندنا في البي 2
هيكون سيرفو
او خرطوم السرفو
لا فيكترا سي
بحس اني بدوس و تيجي تفرمل في اخر مشوار الفرامل قبل ال emergency و ال abs ما يشتغل بالظبط
انت غيرت تيل قريب ولا ايه لان دا نفس اللي حصل معايه لما غيرت تيل عجيب عند محمد عبد الراضي وروحت تاني يوم لصابر بتيل جي ام وظبطت
لا مغيره من 9 شهور عند 128 الف كيلو كده و العربية حاليا عاملة 142 الف فالمفروض لسةةشوية عليه بس على السرعات المنخفضة بسمع صفارة الفرامل سعاتاقتباس:
المشاركة الأصلية كتبت بواسطة ameros
البيجو بتاعة والدي الفرق في المسافة بين الطنبورة و ال caliper كبير و تحس ان التيل بخيره
عندي مثلا اقل من المسافة دي بثلاث اربعها مثلا فشاكك ان التيل كده خلاص لأنه سعات بيصفر
البيجو بتفرمل على طول ، سقت تويوتا كورولا 2009 و فراملها بتمسك من لمسة لكن دي زي ما تقول الفرامل سحبت معايا و اظوس انها تهدي مفيش بحس بالعربية انها فرملت فعلا بعد ما تكون الدواسة في اخر مشوارها قبل ما ال abs يشتغل لكت بقية المشوار من اول لمسة لحظ اخر الدواسة بتمسك ضعيف و كل اما سرعة العربية تقل كل اما لازم ادوس فرامل اكثر
اخر مرة غيرت تيل عند صابر كان بنوع اسباني كده مش فاكر اسمه و كان تماسكه حلو جدا في الاول بس اخر شهرين دول الفرامل بدأت تعمل الحوار ده و بيزيد و الناس تقلي بتيجي تفرمل في اخر لحظة و لا اخر لحظة و لا حاجة بس انا بدوس فرامل اني الاقي مفيش لازم امسك فرامل جامد
اخبار زيت الفرامل ايه ؟
مبصتش عليه الصراحةاقتباس:
المشاركة الأصلية كتبت بواسطة monamize4
إزيك ياعبده يامطنشنى :_Alshmokh11: ... ماتخفشى مش هقولك اعزمنى :colsmil: .... عرفنى عملت ايه فى الكليه ياعبده وده اخر مره هسالك فيها ؟؟؟؟؟
وانا شاكك جدا فى التيل ياعبده ... مش شرط يكون خلص لكن ٩٠٪ من انواع التيل اللى موجود فى السوق مضروب ... الله يرحم التيل الفاليو الاصلى ... كنت بجيبه ياعبده وأركبه فى الكورسا عندى زمان سنه ٢٠٠٢ وبتاع ... كان تحت تيل حلاووووه ... المهم انا عايزك دلوقت تقوم تنزل طياره تروح تفك العجل الامامى والخلفى بالمره وتشوف التيل هتلاقيه مقزز يعنى ناشف ... وتغيرهم وكمان تشحم البنوز بتاعت الاجهزه كده ع خفيف هتخلى الدواسه حلاوه معاك .... وياسلام بقى لو ضحيت كده وغيرت زيت الباكم ع طريقه استاذنا فادى محمد .... هتحس بفرق رهيب خصوصا فى استجابه الدوسه بتاعت الفرامل وال abs ... بس ماتكسلش ياعبد لان الموضوع مقلق
حبيبى وأرجو يكون كلامى مظبوط .... وبرضه مستنى ردك :satelite: ... سلام يا صديقى
زيت الفرامل بيتغير كل سنتيناقتباس:
المشاركة الأصلية كتبت بواسطة abdo taha
التيل لو خلصان يوطي الدواسه لكن مش بالشكل اللي بتوصفه ده خالص
التيل لو مقزز يعمل كدا
مفروض منظومه السيرفوا بخراطيم الفاكيوم دورها زي الباور ستيرنج كدا يعني بتضاعف قوه دوسه رجلك
بس السيرفو لو مش تمام هتحس البدال محجر وتقيل
السيرفو وانت واقف ومدوى الموتور تدوس فرامل تلاقب البدال بينزل معاك
بطل العربيه ودوس فرامل مفروض البدال يفضل طري تلات مرات تدوس فرامل ويفضل محافظ عالفاكيوم بفضل بلف السيرفو
لو كاركت وانت بتقف الوضع بيتحسن ؟؟؟ يعني جرب تسيب وتدوس كدا وانت بتقف
لو الوضع اتحسن في هوا فالدوره ناتج عن تسريب زيت من مساطر عجل او تسريب داخلي في الماستر الرءيسي
الموتور بيبرجل مع الفرامل ؟
التيل بيبان من غير متفك عجل
ايه اخبار التيل الخلفي
ههههههه لا مقدرش انساك يا استاذ هيثم ازاي انت من الناس اللي بعزها جدا في المنتدى الفترة اللي فاتت كنت مشغول شوية عشان موضوع الكلية ده و كان عندي قرايبي اللي نازل من فرنسا و اللي من السعودية و كانت حضانة يعنياقتباس:
المشاركة الأصلية كتبت بواسطة haisam ali
بالنسبة للكلية الحمدلله ربنا كرمني و اتقبلت في جامعة مصر الدولية هندسة قسم اتصالات و الكترونيات و راضي الحمدلله بكده
موضوع الفرامل ده هبص عليه و المشكلة بحسها لما العربية بتبقى في منزل جامد المشكلة عندي اني حاسس اني لازم ادوس كثيير شوية عشان احس بتأثير قوي للفرامل على السرعات القليلة زي 60 فأقل مثلا لكن الغريب ان تأثير الفرامل بيبان على اكثر لو على سرعة عالية العربية بتهدى على طول انا كده كده عايز اعملها صيانة على بعد العيد كده بوحيهات و فلاتر و زيت و عايز اخرط الطبة بتاعة الكرتيرة عشان نعمت و حطولي في التوكيل بدلها بوجيه
بس في عربيات زي الكورولا مثلا جربتها تأثيرها بيبان سواءً على سرعة عالية او واطية اينعم الحوار ده مش حلو على السرعات العالية
انا اللي مضايقني ان مشوار الدواسة طويل كان نفسي يبقى اقصر من كده زي البيجو بتاعة الوالد
بص يا باشمهندس احمد انا بحس بالحوار ده لما اكون بفرمل مثلا من 60 لأقل فبحس ان مشوار البدال طويل شوية عشان الفرامل تأثر تأثيير كويس لكن لو على سرعة عالية 120 او 130 بحس بالتأثير لو دست شوية صغيريين الحمدلله فمش حاسس بالمشكلة دي اوي في السرعات العاليةاقتباس:
المشاركة الأصلية كتبت بواسطة ashourashour
الفرامل عندي بتحجر عادي لو دست عليها ثلاث او اربع مرات و هى العربية مبطلة عادي مفيش مشاكل
هجرب حوار اني ادوس كذا مرة و اسيب و اشوف بس اظن ان الموضوع من التيل لأنه سعات كثير بيصفر هخلي حد ينظف و يشحم على السريع كده قبل ما اغيى او اعمل اي حاجة
مفيش برجله مع الفرامل انا حاولت ابص على التيل من الجنب اللي هو الجزء الملامس للطنبورة معرفش المفروض يبقى سمكه قد ايه ؟ بس حاسس انه ممكن يكمل 2000 كيلو كمان
و صحيح التيل الخلفي متغيرش بقاله سنة
متابع
ياباشا طالما انت مطمن للتيل وفيش زيت بيسرب
يبا الحاجه الوحيده اللي تعمل كدا ماستر عمومي
جلده بيهرب جواني