الموضوع: عداد السرعه مش شغال افيو

عداد السرعه مش شغال افيو رحت لاول كهربائى قلى غير حساس السرعه الى على الفتيس برده مشتغلش رحت لثانى كهربائى وحكتله الحكايه قالى هات حساس بالترس البلستك الراكب فوق الفتيس وفعلا جبته ولكن نفس المشكله مشتغلش ولقيته بيقولى كلام غير مقنع ومشيت من عنده وعرفت بعد كده ان مفيش حد فى الصعيد هيعرف يحل المشكله فقررت احاول اعرف العيب بنفسى المهم حطيت الترس البلستك من غير الحساس لفيت ان الترس مش بيلف لما اخد غيار غيرته بواحد تانى نفس المشكله المهم رحت لواحد بتاع قطع غيار حكتله المشكله قاى انا ليا عشر سنين شغال فى قطع الغيار اول مره حد يقولى ان الترس الى فى الفتيس باظ ياريت لوحد يقدر يدلنى على حل للمشكله

امال يارجاله المنتدى انا قاعد فى صحراء جرداء المهم اكملكم باقى الحكايه انا رحت لميكانيكى قالولى عليه شاطر المهم الراجل شال الترس البلستك الراكب فى الفتيس ودور العربيه ورفع عجله وحده اماميه وخد غيار المهم طلع بالنتيجه دى ان الترس الصغير الى فى الفتيس نصفه مكسور طيب اه الحل لازم حل فتيس ونطلع الترس المكسور ونغيره انا بصراحه قلقت من حكايه حل الفتيس وبعد كده مشيت لحد مااقرر اعمل اه وان شاء الله ان حصل جديد فى الموضوع حقولكم عليه