اقتباس المشاركة الأصلية كتبت بواسطة hesham fawzy h مشاهدة المشاركة
شكرا يا أ/ باسم على النصيحة . العفو

بس الكلام بتاع تلفيق مخدرات و سلاح ممكن يتعمل في اى محل اكل عيش ، ف ربنا يستر ... وضع محل البلاي استيشن مختلف ... انت بيدخلك عيال و شباب من كل المستويات و مستحيل تسيطر علي اخلاقياتهم في المحل

انا ناوى اعمل مكان كبير حوالى 200 م . ان شاء الله ..فهمنع الوقوف خارج المحل .. و هعملهم قعدة جوة ان شاء الله.


لو حد يدة طايلة فى العمارة هيقفلى المحل ازاى ؟ محضر ازعاج لذيذ و بالبواسطه بيمشي ... دي بتبقي قرصه ودن ... لو حد مفتري و عملت معاه مشكله ... ربنا يستر

هو حضرتك كنت فاتحة 2 ولا 3 .. و يارييييت تكلفة الاجهزة و الشاشات؟ يااااااااااااااه انا كنت فاتح المشروع الرخم ده في 2008 فأكيد الاسعار اتغيرت

................................... ............

اهم سؤالين بقى :

* ما هى اجراءات الترخيص بالتفصيل معليش :) كانت رخصه المحل علي بيع ملابس و لم اغيرها ... مفيش حاجه اسمها ترخيص محل بلاي استيشن ... ممكن رخصه مكان ترفيهي مثلا لو انت في مول ... ده اللي اعرفه و ممكن تكون القوانين اتغيرت حاليا ... اعرف ناس مرخصين كافيه و فاتحينه بلاي استيشن عادي بس خلي بالك شرطه المرافق شاده حيلها اليومين دول

* و ما هى المشاكل الى قابلت حضرتك ؟
مفيش ... العيال صوتها عالي ... سب دين لكريستيانو رونالدو لو ضيع بلانتي مثلا ... الدراعات بتترزع علي الارض ... الدراعات بتتهلك في لعبه المصارعه ... الشباب بيخربوها سجاير و في وقت متأخر ممكن تلاقي شاب بيلف سجاره حشيش عادي جدا ... هتسمع جمله هبقي ادفع علي النوته ... ممكن اتنين يمسكو في بعض لو بيلعبو 4 ... 2 ضد اتنين ب 4 دراعات ... هتلاقي اسئله غبيه من عينه هو ميسي يمين و لا شمال ... شتايم بالاب و بالقمع ... مناديل و اعقاب سجاير و تف علي الارض ... ده اللي في بالي دلوقتي