عايز اعرف رايوكو فى مشروع بلاى ستيشن ؟
و يا سلام لو حد فى موضوع ديكورات حلوة و رخيصة للمحل
و سعر الشاشات 40" او 50"
و سعر بلاى ستيشن 3 و 4
و لكم خالص تحياتى :018a1d~146:
عرض للطباعة
عايز اعرف رايوكو فى مشروع بلاى ستيشن ؟
و يا سلام لو حد فى موضوع ديكورات حلوة و رخيصة للمحل
و سعر الشاشات 40" او 50"
و سعر بلاى ستيشن 3 و 4
و لكم خالص تحياتى :018a1d~146:
نصيحه من واحد فتح المشروع التيت ده قبل كده و كان هيروح ابو زعبل
لو في حد من سكان العقار اللي فيه المحل ايديه طايله هيقفلك المشروع بما يرضي الله و بالقانون
ده اقل واجب
زعيق و شتايم و رهانات و صوت عالي و مشاكل و ممكن سلاح يطلع كمان عشان ميسي ضيع بلانتي :d
محلات البلاي استيشن بيخشها شباب و عيال من كل الاصناف و ممكن يعملولك مصيبه انت في غني عنها
لو حد متضايق منك في حاجه و معاه واسطه
ممكن تشيل قضيه مخدرات او سلاح بما يرضي الله برضه و ممكن يتقال عليك من كتايب حلوان كمان
نصيحه اخويه :))
شكرا يا أ/ باسم على النصيحة .
بس الكلام بتاع تلفيق مخدرات و سلاح ممكن يتعمل في اى محل اكل عيش ، ف ربنا يستر
انا ناوى اعمل مكان كبير حوالى 200 م . ان شاء الله ..فهمنع الوقوف خارج المحل .. و هعملهم قعدة جوة ان شاء الله.
لو حد يدة طايلة فى العمارة هيقفلى المحل ازاى ؟
هو حضرتك كنت فاتحة 2 ولا 3 .. و يارييييت تكلفة الاجهزة و الشاشات؟
................................... ............
اهم سؤالين بقى :
* ما هى اجراءات الترخيص بالتفصيل معليش :)
* و ما هى المشاكل الى قابلت حضرتك ؟
شكرا يا أ/ باسم على النصيحة .
بس الكلام بتاع تلفيق مخدرات و سلاح ممكن يتعمل في اى محل اكل عيش ، ف ربنا يستر
انا ناوى اعمل مكان كبير حوالى 200 م . ان شاء الله ..فهمنع الوقوف خارج المحل .. و هعملهم قعدة جوة ان شاء الله.
لو حد يدة طايلة فى العمارة هيقفلى المحل ازاى ؟
هو حضرتك كنت فاتحة 2 ولا 3 .. و يارييييت تكلفة الاجهزة و الشاشات؟
................................... ............
اهم سؤالين بقى :
* ما هى اجراءات الترخيص بالتفصيل معليش :)
* و ما هى المشاكل الى قابلت حضرتك ؟
مفيش ... العيال صوتها عالي ... سب دين لكريستيانو رونالدو لو ضيع بلانتي مثلا ... الدراعات بتترزع علي الارض ... الدراعات بتتهلك في لعبه المصارعه ... الشباب بيخربوها سجاير و في وقت متأخر ممكن تلاقي شاب بيلف سجاره حشيش عادي جدا ... هتسمع جمله هبقي ادفع علي النوته ... ممكن اتنين يمسكو في بعض لو بيلعبو 4 ... 2 ضد اتنين ب 4 دراعات ... هتلاقي اسئله غبيه من عينه هو ميسي يمين و لا شمال ... شتايم بالاب و بالقمع ... مناديل و اعقاب سجاير و تف علي الارض ... ده اللي في بالي دلوقتي
بعد اللى انا قريته ده
من المستحيل متحصلش
مشاكل
المشروع مربح جدا بس بشروط
ديكور عالى + اجهزة حديثة + منطقة راقية+ سعر عالى + شخصية قوية+ مكيف علشان تقلل التدخين+ مولد كهربائى = زبون محترم فقط +دخل عالى
لو شئ واحد ناقص من اللى مذكور ابعد عن الصداع
افتح محل اكسسوار كمبيوتر+مكونات دش+ريموتات اجهزة+ماكينة تصوير+كشافات اضاءة+مشتركات+استاند lcd بس بشرط خامات جيدة بسعر معقول وعلى فكرة موجود خامات جيدة جدا بس مش منتشرة
الفكرة سهلة ومطلوبة فى اى مكان
التجارة افضل من الخدمات
هل صحيح انه ممنوع البنات تخش محلات البلاي ستيشن؟
ممنوع قانوناً أقصد
نصيحة
لو ليك ف اللبش وتقدر تثبت أي حد ،، ومش فارق معاك الاخلاق والذوق توكل على الله ،، ولو هتفتح ف منطقتك ومكان يعرفك فيه الناس يبق نصيحة بلاش .
أنا كنت هعمله وتراجعت لعدة أسباب منها أننى شعرت أنه سيكون مكان لايواء البلطجية والمتشردين ،، وسييضيع وقت الملزمين .
أرجو من صاحب الموضوع أنه مش يزعل منى ،، انا بكلمك بأمانة .
انا بقى هاحكيلك على نموذج ناجح جدااا حاجة كدة تخليك متفائل بعد كمية الاحباط اللى انت سمعتها
بص عندنا فى المنطقة سلسة ps اسمها champions وصاحبها بداء بمكان واحد ودلوقتى ماشاء اللة 4 فروع فى اماكن مختلفة
نيجى بقى لمواصفات المكان اللى من رأيى انها خلت المكان ناجح وكويس ومربح
اولا الشاشات كلها 42 بوصة led
القعدة عبارة عن كنب جلد بصراحة قيم ومريح جدااا
الخدمة ممتازة بوفية كل انواع المشاريب انا بشرب عندة بوريو ب 10 جنية بس يستاهل :S_thum1[1]:
المكان واسع جدااا تقريبا واخد مساحة البيت كلة
موجود كل انواع البلاى ستاشين لحد ال 3
الجوى ستيكس او الدراعات متوفرة بوفرة يعنى لو دراع علق فى ثانية بيتبدل مالكش حجة لو اتغلبت هههههه ومش هايكون فى صوت عالى :satelite:
نيجى بقى للاهم وهوة نوع الناس اللى بتدخل المكان
انا عن نفسى شلتى فيها ظباط شرطة وجيش ودكاترة كمان
وكل الناس كلها تقريبا مؤهلات عليا وبصراحة عمرى ماشوفت خناقة هناك
والناس اللى بتحاسب دية قصة تانية مبتسمين فى وشك علطول بيخدموا على الناس بطريقة احترافية
مشغلين اغانى من اللى احنا متعودين عليها عمرو ومنير وكدة يعنى
مش اديك فى السقف والكلام دة اللى خلى الشباب مش عايز يفوق
انت عايز مساحة كويسة منطقة كويسة رأس مال كويس
وأسأل الازهر رأى الدين فى مشروع زى دة وبعد كدة شوف انت ناوى على اية
كان عندى سايبر من 8 سنين و كان فى 2 ستات قى العمارة اللى فيها السايبر بينزلوا يتخنقوا معايا علشان ولادهم عندى قاعدين على النت أو بيلعبوا و سايبين المذاكره !!!! طب أنا مالى !!!!!!! دى مشكلتهم جوا البيت مش مشكلتى !!!! عمرك شوفت جر شكل بالشكل ده !!!! أنا ريحت دماغى لما قفلت السايبر ده والله
شكرا يا رجالة على المعلومات القيمة دى
بس محدش عندة فكرة عن اسعار الشاشات
و الديكورات
:)
ممكن تلاقي الدراسه