سؤال بخصوص ماكينات التصوير

**emadspeed** · 12-09-2014 03:05 AM

السلام عليكم ورخمة الله
اخوانى انا عندى محل صيانة وبيع اجهزة كمبيوتر وموبايلات والحقيقة المنطقة اللى انا فيها مفيهاش خالص اى حد بيصور ورق وبتسال كتير جدا فى المحل عن الموضوع ده خاصة ان ادام المحل سنتر تعليمى فانا كنت بفكر اشترى ماكينة تصوير بس لاسف انا معلوماتى صفر فى الموضوع ده يا ريت اى حد عنده خبرة فى الموضوع ده يدلنى عن اى نوع من ماكينات التصوير افضل واسعارهم ايه وانا من اسكندرية لو حد يعرف مكان موثوق منه اشترى منه

**AlGazar2** · 12-09-2014 03:34 AM

افضل الانواع توشيبا و زيروكس و كانون و اعتقد ان توشيبا اسهلهم فى الصيانة

بالنسبة للاسعار معرفش بس فى منهم جديد و مستعمل و ابيض و اسود و الوان

**بحار** · 12-09-2014 07:13 AM

بلاش مستعمل .. رخيص اه .. بس جودة الصورة كتير بتبقى وحشة والعميل عاوز صورة 100%
لوحملت عليها شغل كتير وذاد الدخل لازم تنكد عليك وتاخد تانى يوم صيانه قد الدخل اللى جابته ..
الجديد مافيهوش الكلام ده + انه بيكون له ضمان ... تحياتى

**Ladawy** · 12-09-2014 08:13 AM

ماكينة ريكو استعمال خارج ..

ارخص كتير من الجديد ، و صيانتها و قطع غيارها متوفرة بكثرة

لكن حدد ايه تصورك لحركة التصوير نفسها ؟
-يعنى ملزمات دراسية كبيرة ، و 5 ولا 10 طلاب واقفين قدامك كل واحد منتظر ملزمته ؟
-ولا واحد معدى عاوز يصور بطاقة و رخصة ، و لا يصورله 5 ورقات طيارى ؟

لإن فى المكن فيه السريع و فيه البطىء ، لو ملازم و كدا يبقى انت مضطر تجيب مكنة سريعة فى التصوير ،
لو ورق طيارى ، فالزبون ممكن يستنى لإن كدا كدا الورق قليل فـ مش هايحس بتأخير

انا معايا مكنة صغيرة بتصور 16 ورقة فى الدقيقة ،، بطيئة جدا مقارنة باللى موجود فى السوق ، بس كان سعرها على قدى
و على قد احتياجاتى لإنى كنت فاتح مكتبة صغيرة فـ متناسبة معاها .. و ناوى ارجع افتحها بإذن الله الايام الجاية دى :)

**subhimust** · 12-09-2014 09:14 AM

توشيبا افضلهم في السعر و الصيانة و النظافة
انا عندي مكتب لبيع ماكينات التصوير وارد الخارج ضمان سنة مع زيارة شهرية مجانية او ضمان 100000 ورقة
الجديد غالي جدا و غير مجدي اقل مكنة ممكن تعمل 4000 يورو
مفيش في مصر حد بيشتري المكن الجديد الا البنوك الكبرى
لو احتجت اي معلومة انا تحت امرك ومش شرط تشتري مني انا لان احنا في المنتدى كلنا اخوات قبل اي شي
ابعتلي رقم تلفون حضرتك او ده رقم تلفون المسؤل عندي 01008424456
ووممكن نقسط المبلغ برضه

**emadspeed** · 20-09-2014 01:12 PM

انا متشكر على ردودكم جزاكم الله خير ا ان شاء الله
الحقيقة وانا بدور لقيت ماكينات ريكو استعمال الخارج وفى اكتر من موديل لو حد معلش يعرف سعرهم يا ريت يفيدنى
وهما موديل 6001 يا ريت حد يقولى مميزاتها ولو سعرها ان امكن
وفى كمان ريكو 4500

**bRo** · 20-09-2014 01:40 PM

ريكو وتحديدا موديلات aficio من افضل انواع الماكينات، عمل شاق وخامات قوية واعطال قليلة واحبار متوافرة وفنيين صيانة منتشرين في كل مكان والدليل معظم المكتبات بتفضل ريكو بموديلاتها وخاصة الموديل ده والاسعار بتتراوح من 2000 الى 6 الاف مستعمل طبعا لكن استعمال ادمي نضيف والماكينة بتيجي بخيرها وغالبا المكان اللي بتجيبها منه بيديك صيانة سنة او 6 اشهر مجانا