الموضوع: فيكترا سي وارجو الافاده

ان شاء الله انا نويت خلاص اشتري فيكترا سي في خلال الفتره الجايه وحاليا قررت انزل وادور علي حاجه كويسه بس عايز نصيحه من اخواتي الاعزاء وليا كذا استفسار
انا دلوقتي اطمنت لقطع غيارها انها معمره وليها كذا بديل غير التوكيل يعني ان شاء الله مقدور عليها
1_اشتريها مانيوال ولا ايزي ترونيك افضل ؟؟
النقطه دي انا محتاااار فيها جدااا
*لان المانيوال مش اخد عليه قوي بس عادي سوقته كتير وهتعود عليه من تاني
*الايزي ترونيك اكيد برده هتعود عليه بس خايف من موضوع صعوبه قيادته ف الزحمه والاهم من القياده اسمع انه فيه كنترول وده ممكن يهنج او يعطل في اي وقت وده شئ رعبني بصراحه لما قريته من الاخوه الملاك فعايز اعرف الموضوع ده شائع ولا نادرااا ولو حصل معايا تصليحه سهل واي حد يقدر يظبطهولي ولا محتاج توكيل ومصاريف عاليه ؟؟
فياريييت ترسوني علي بر اجيبها مانيوال بطريقه قياده قديمه وتقليديه و ههرب من قياده الايزي ترونيك في الزحمه وحوار الكنترول والتهنيج والاعطال ؟؟؟
ولا اجيبها ايزي ترونيك والموضوع سهل ومش معقد والاعطال نادره وحلها بسيط واتمتع بقياده اسهل ؟؟؟
.....................
الاستفسار التاني اللي يهمني جدااا
بصفتي واحد رايح اجيب العربيه دي ان شاء الله سمعت ان ليها 3 فئات
هاي لاين .. توب لاين .. اليجانز
انا ناوي علي موديل 2008 مش 2007
بس عايز اعرف ازاي افرق واعرف فئتها ايه ؟؟ عشان ميضحكش عليا تحت مسميات
انهي فئه الاغلي من دول والافضل ؟؟؟وكذلك ارخص فئه ولو فيها مني عشم شويه ياريت متوسط سعرها مانيوال وايزي ترونيك لكل فئه والحاله تكون ممتازه عشان برده اعرف لاني اتعرض عليا من اول 80 لحد 11000
وشكرا يا رجاله الاوبل

بالظبط انا غالبا سايق اوتو مش مانيوال
ايزي ترونيك افضل وانا حابب انه مختلف بس السؤال هل اعطاله كتير ولا نادر ولو عطل مني هيكلفني كتير ولا ف المعقول