الحمد لله ربنا أكرمني وجبت 508 المشكله لما بعمل مكالمه في البلوتوث الطرف التاني بيحس الصوت مش واضح وفيه صدي صوت..
ده طبيعي..
عرض للطباعة
الحمد لله ربنا أكرمني وجبت 508 المشكله لما بعمل مكالمه في البلوتوث الطرف التاني بيحس الصوت مش واضح وفيه صدي صوت..
ده طبيعي..
لا مش طبيعى...عندنا مافيش مشكله
تم فصل الموبايل واعاده توصيله والمشكله اتحلت من عند ربنا..
الحمد لله والف شكر..
سؤال بسيط لو سمحت
حضرتك موضح ان ربنا كرمك وجبت 508, ممكن اعرف انهي فئه والسعر كام
هو حضرتك معاك فلوانس ؟!!
شكرا جزيلا
كان معايا فلوانس بعتها وجبت بيجو 508 كسر زيرو توب لاين..
متابع
بص يا باشا..
انا جبت فلوانس فيس ليفت 2013 اول ما نزلت مصر وكنت منبهر بيها جدا ( الصراحه العربيه مليانه مميزات ما شاء الله).. ولكنها لم ترضي طموحي والعيوب كالتالي :
الموتور صوته عالي ووحش _بيجعر_
رجه في العربيه وزنه عند rpm من 1 الي 1.5 _مستفزه جدا_
دهان العربيه والاكصدام سئ ودون المستوي.
فقفلت منها واديتها لأخويا _وده دليل اني لازلت احترمها_
جبت بقي عربيه 508 موديل 2013 كسر زيرو وحالتها ممتازه _وكشفت عليها في التوكيل طبعا_
بالنسبه بقي للمقارنه بين البيجو والفلوانس فمفيش وجه مقارنه لأن دي فئه ودي فئه فهنظلم الفلوانس جدا لو قارناها ب 508..
متفق معاك تماما
الطلعات الاولي في الفلوانس مرضيه الي حد كبير..
ولكن اسلوب سواقة الفلوانس مختلف تماما عن 508..
في البيجو لو مش عارف انت بتعمل ايه هتلبس في اللي قدامك..
تحس انك سايق طياره ما شاء الله..
ألف مبروك وعربيه حضرتك البيجو لونها ايه وحالتها ايه أحكلنا كده علشان القسم يفوق شويه
لا يا استاذ هاني حضرتك مشرفنا ومنورنا
أنا بس كنت عايز اعرف مواصفات عربيته قلت يمكن تكون اللي كانت معايا
علشان انا بعت خلاص يا استاذ هاني
يا باشا عربيتي فيراني توب لاين..
واخدها من اول مالك..
مبروك عليك انا كانت اسود توب لاين
طب وحضرتك بعتها ليه ؟؟
دخلتها في مرسيدس لغايه مانشوف الشكل الجديد
يا استاذ هاني انا تحت أمر حضرتك في إي وقت كفايه ذوقك واخلاقك وأنا فعلا اتشرفت بمعرفه حضرتك
الف مبروك المرسيدس وربنا يباركلك فيها ان شاء الله
بس بجد انا زعلت جدا انك بعت 508
من كلام حضرتك انك مستني الشكل الجديد ....... جضرتك تقصد الفئه c ولا الفئه e !!
مش عارف حنستشير مين تاني .........
احمد فهمي ........... مابيخشش علشان دايما مسافر
اسلام .................... باع واصبحنا موحودين
فى امان الله
أنا جبت e 280 بس انا مازلت عاشق البيجو وربنا يسهل ونشوف ال508 الجديده
وأنا تحت امركم في حاجه وماقدرش اتأخر عنكم
سؤال علي الناشف ........... ممكن اعرف بعد استهلاكك لل 508
بتعمل استهلاك بنزين قد ايه !! يعني معدل كام كيلو لكل لتر تقريبا
اشكرك
الله يبارك فيكم هي العربيه مافيهاش عيوب أو كانت كده على الأقل بالنسبة لي ماعدا قله خبره التوكيل وعدم توافر الكماليات اللي موجوده في الخارج
أما بالنسبه لاستهلاك البنزين انا ظبط معايا بعد أول 3000 كيلو وكانت بتعمل بعد كده في السفر ومع التكيف ومتوسط سرعه من 100 ل150 التانك يمشيك 1200 كيلو انا مشيت بيه 800 كيلو متواصل بالتكيف وكان فيها حوالي 10 ل 12 لتر باقي
يا باشا الف مبروك..
مقارنه بينها وبين المرسيدس بقي..☺
هههههه لا دي فرطت شويه
فرق كبير ياراجل دي المرسيدس بتلات اضعاف تمنها بس نقدر نقول ال ٥٠٨ مرسيدس تايواني مش صيني
واحد صاحبي معاه E300 و بنخرج كتير مع بعض ايه الفخامه و البرسيتيج ده ولا في الاحلام
وللعلم سواقته هاديه اخره ١٠٠ كم هوا بيحب يستمتع بعزم الموتور من غير ما يدوس بنزين
مره حب يوريني قدراتها انا بلا مبالغه كاءني كنت راكب السيملاتور سيبك من قوتها ده شئ مفروغ منه ( انا مره على فكره شديت معاه و الطريق ضاق فجاءه و كان هيلبس في كومة رمل على الجنب و انا اللي عديت )
العربيه دي فيها نظام فرامل بيوقف العربيه في اصعب الظروف من غير ولا هزه كاءنها مثلا فرملت على ٢٠ و احنا سرعتنا كانت ١٣٠ و العربيه اللي قدامنا بيننا و بينها حوالي متر و ضربت فرامل
لو عايز تقارن ان جازت المقارنه قارن ما بين ال ٥٠٨ و البي ام ٣١٦ و المرسيدس c القديمه
طبعا العربيات دي شكلا و اسما برستيج اعلى من البيجو و كمان برضه حتة الدفع الخلفي و انظمة الامان
انما لما يبقى الفرق ١٠٠ الف و تلقى مثلا البيجو ٥٠٨ سواقتها احلى و مستوى فخامه معقول و ثبات جيد جدا ( انا اول مره اخد ملفات بسرعه و العربيه ما بتميلش نهائي ناحية الملف مش عارف ده سببه ايه ) تبقى البيجو ٥٠٨ صفقه جيده جدا في الرانج ده بعد كده خش على البي ان الفئه الخامسه و المرسيدس E كلاس
وبرضو مع احترامي الشديد للمرسيدس والبي ام
ما ينفعش تقارن 508 بالفئه c او البي ام الفئه 3
اما نشوف الفيس لفت بالشاسيه الجديد حيعمل ايه
هو بصراحه البيجو محترمه جدا ودائما حاضره تحت رجلك في أي وقت وتسارع وغرز وثبات عالي
أما المرسيدس اريح بس عيبها تقيله ورزينه زياده عن اللزوم ممكن علشان فئتها كده
بس فعلا البيجو سياره تستحق الاقتناء وربنا يسهل في الموديل الجديد
يبقى عليك تعمل تقرير عن الفيس ليفت لما تجيبها انشاءالله عشان نعرف على الطبيعه الفروقات
و بمناسبة الثبات و الغرز انا مبهور الصراحه ازاي لما باخد ملف على سرعه عاليه العربيه مش بتميل خالص كاءنها ماشيه في خط مستقيم رغم انها عاليه و السيفيك اوطي منها بمراحل بتميل
و ده طبعا بيخليك تاخد الغرزه بمنتهى السلاسه و بقلب جامد
يا ترى ايه تفسير الموضوع ده ؟
من أهم المزايا اللي في ال ٥٠٨ حسب ما قرأت وحسيت فعلاً إن مجموعة انظمة الامان والثبات والجر والتعليق وتوزيع العزم وتوزيع وعدم غلق الفرامل كلها بيتحكم في دماغ واحدة مش انظمة متركبة وخلاص زي عربيات كتير،
ودة اللي بيدي فعلاً الثبات والنعومه في التحكم،
العربية دي بتديك كل اللي ال مرسيدس e والبي ام ٥ هتديهولك بس بطابع بيچو
وتبقي البي ام والمرسيدس ايقونات فريدة حتي في المانيا
عاوز أسأل سؤالين غلسين شوية للاستاذين hany 63 و elenor هما العربيتيتن كانوا عاملين كيلومتلراج أد أيه لما اتباعو أو اتشرو وعملو اد إيه سعر؟