اية يا جماعة مستغربن لية
هوا فية اية بقة موجود فى الخرابة اللى احنا عايشين فيها دى
دة طبعا بعيد عن السياسة
اية يا جماعة مستغربن لية
هوا فية اية بقة موجود فى الخرابة اللى احنا عايشين فيها دى
دة طبعا بعيد عن السياسة
السلام عليكم ورحمة الله وبركاته
النهاردة إتصلت أسأل على النمر بالرقم اللي إدهولي في مرور السلام
الرقم هو 22809444 وإكتشفت انه مرفوع من الخدمة على طول
وده شيء متوقع من إنعدام الصدق والأمانة في التعامل مع مرور السلام
المهم قلت أخطف رجلي وأروح أسأل
رحت قالولي مفيش نمر روح لشباك النمر رحت قالي مفيش
قلتله التلفون مرفوع من الخدمة قالي هو كده حاولت أناقشه مردش عليا
مشيت وأنا أقول كالعادة
(حسبي الله ونعم الوكيل فوضت أمري إلى الله)
روحت النهاردة تاني وواحد نسيبي بعتني لفلان( واحد هو يعرفة ) في المرور
المهم الأول سألت عادي قالولي مفيش لوحات
روحت لفلان الفلاني وخدت منه ورقة ورحت وكل حاجة إتعملت واللوح الجديدة إتجهزت
وقالولي هات اللوح القديمة
وهنا كانت المشكلة
اللوح القديمة مرور محافظة خارج القاهرة ومكتوبة باليد فمينفعش يستلموها
طب مادام هو ممنوع تتكتب باليد سمحوا ليه للناس تمشي في الشوارع بيها وهي مكتوبه كده
طب لو واحد لوحاته إتمسحت أو إتخبطت وباظت يعمل واحدة تانية فين
(حسبي الله ونعم الوكيل)
قالولي روح سلمها في مرورها وتعالى بكرة
للمعلومية أنا لا أحب إني أروح من طرف فلان وعلان أو أمشي بكارت فلان وعمري ما عملت كده أو قبلت كده
أحب أعتمد على الله وأمشي في وسط عباده وربنا يوفقني بقوته
لكن أنا شبه أجبرت على أني أتعامل مع هذه الواسطة والحمد لله على كل حال
وبرضه (حسبي الله ونعم الوكيل)
هو دة النظام السائد للاسف، بالنسبة للوحات القديمة، فالمرور مش هيستلمها غير لو كانت اصلية، عاشان في ناس مش بيعجبها شكل اللوحات فبتعمل لوحات على مزاجها.اقتباس:
اشمعنى يعني النمر بنظهر للوسابط واقارب "عليا القوم البالكم فيهم؟؟
وكان الله في العون.
لو اللوحات مطموسه يبقي بتعملها عند اي خطاط بره.
لو اللوحات فقدت بتعمل بيها محضر و تروح المرور يصرفولك لوحات جديده.
بالنسبه للوحات اللي معموله علي الايد بيعملوها علشان نقص اللوحات اللي موجوده و بيدمغوها في المرور و لما بتيجي اللوحات الاصليه بتلسم اللوحات دي و بتستلم لوحات جديده.
بالنسبه لحالتك فعلا لازم تروح المرور التابع لعربيتك تسلم اللوحات دي و تاخد ايصال بالتسليم و بعدين تروح المرور بتاعك
لسة من 3 أيام واحد صاحبي جاب عربية ألنترا الجديدة و عاوز يرخصها بعد أما طلع عينه أطر أنه يدفع رشوة علشان يجيب رقم و جابوه أسود كمان ( الفلوس بتعمل أي حاجة )
الله!!!! ........هو مش للظباط بس ولا الفلوس بتعمل المعجزات ولا اية؟؟؟؟ :?:
الحل سهل بس مكلف شويه انك تشترى عربيه سيات 133 قديمه و ضاربها السلك هتعملها ألفين جنيه و روح المرور و اطلب أنقل نمر السيات لعربيتك و بعد كده بيع السيات خرده و تبقى قوللى عملت أيه ..... الله معك أنا حاسس بيك أنا كنت بطلع رخصه و الضابط كان بيعاملنى على انى عبد عنده بس قلت إن كان لك عند ال... قله يا سيدى والحمد لله خلصتها و ربنا ستر و عرفت أملك أعصابى قدامه و متهورتش .......
- انا رخصت فى مرور عين الصيرة
الحقيقة انا لما جيت رخصت روحت رخصت فى ساعتين بس
وطبعا لازم تظبط الناس علشان تخلص والا مش هتمشى
وخدت النمر فى نفس اليوم بس كانت معوجة ومبهدلة
خدتها لواحد خطاط يظبطها ويدهنها وركبتها
الحمد لله أولا وأخيراً
رحت بني سويف عن طريق الكريمات وسلمت اللوحات
والغريبة أني وجدت جميع السيارات في بني سويف بلوحات مكتوبة يدوية
المهم رحت تاني يوم مرور السلام وسلمت شهادة البيانات وبعدين طلعولي لوحات قديمة بس حلوة
الحمد لله على كل حال
الواحد حاسس إنه فتح عكا لمجرد إني رخصت عربيتي وحطيت عليها نمر القاهرة