رحت مرور السلام أنقل ملكية النهاردة (وحسبي الله ونعم الوكيل)

الخلاصة رحت مرور السلام
كنت هناك الساعة 9 وربع
خلصت فحص وبصمة على الساعة 11
رحت أدفع التامين وقفت في طابور طويل من الساعة 11 وربع إلى الساعة 12 إلا خمس دقائق
رحت الخزن أشتري أوراق التجديد وورق النمر لقيت طابور طوله كيلو متر
قلت اروح الشباك لقيت قدامه طابور عشرين واحد
وبصيت في الساعة لاقيتها 12 و عشر دقائق

فقلت (حسبي الله ونعم الوكيل)

ووجهت وجهي إلى السيارة وركبتها للبيت على أمل العودة غدا لمحاولة نقل الملكية

طبعا مرور السلام طول عمره غير آدمي بسبب أنه بيخدم عدد مهول من سيارات الملاكي والأجرة والموتوسيكل

مشكلته معروفه من زمان لكن لا يوجد مسئول مخلص يقوم بتقسيمه إلى ثلاث أو أربع أقسام مرور
والموظفين أهم زي الرز

لكن حسبنا الله ونعم الوكيل

النهارده رحت مرور السلام تاني
عشان أكمل إجراءات نقل الملكية

وكانت المفاجأة كالتالي :::::::::::::::::::::::::::::

مفيش أرقام يا أستاذ مفيش أي إجراءات لحد لما الأرقام تيجي :cry:
وعندك على الحيطة رقم تلفون خده وإبقى إتصل إسأل لغاية لما يقولولك النمر جت :x


تقريبا بيستوردو لوحات النمر من قسم مرور موزمبيق :!:

كمان مرة حسبي الله ونعم الوكيل

وألف سلام على مرور السلام

مش كانوا بيقولوا ان مشكلة نقص اللوحات اتحلت خلاص، كلام حكوم؟؟ صحيح

من أسبوعين رحت مع قريبي مرور النزهة الجديد
وكان رايح يرخص أفيو زيرو

وبرضه قالوله خد رقم التلفون ده وإبقى إتصل إسأل على النمر

ولما النمر تيجي إبقى تعالى رخص :!: :!: :!: :!: :!: :!: :!: :!: :!: :!: :!: :!: :!: :!: :!: :!: :!: :!: :!: :!:

انا عايز اعرف الا يوجد مسئول واحد يقوم بحساب الوقت المهدر من اخونا الكريم وغيرة من الاخوة المترددين على المرور من اجل اللوحات المرورية ، والشىء المثير للدهشة ان هذا الامر متكرر فى كل وحدة مرورية بمصر ( فوت علينا بكرة ياسيد مفيش ارقام لوحات )
والله نحن من ضمن البلاد العجيبة فى كل شىء ، وكان يجب ان ندرج ضمن عجائب الدنيا السبعة وليس الهرم فقط !!!!!!!!!!!!!!!

اظهر مالك تصرف حالك، هو دة النظام المتبع حالياً مع الغلابة الملهمش ظهر..... اشمعنى يعني النمر بنظهر للوسابط واقارب "عليا القوم البالكم فيهم؟؟!".


انا مش بقول لحد يعمل كدة علشان محدش يفهمني غلط "لعن الله الراشي والمرتشي" انا بقول واقع موجود في المجتمع.

والله للاسف كلامك سليم 100% وقولها بكل ثقة ان كل ماذكرتة سليم ويجب اعادة النظر فى ادارات المرور التى لاتتقى الله ولا ادارى كيف يقوم هؤلاء بالصرف منالمال الحرام الذى يرتزقون منة فى حالة حصولهم على رشوة ، ادعوا لهم الله ان يهديهم ويرزقهم حسن التعامل مع المواطنين لعل الله يبارك فى اولادهم وعائلاتهم

حاجه غريبه موضوع اللوحات دا بصراحه يعني ايه مفيش لوحات؟يعني المفروض اركن العربيه و ما اركبهاش؟؟ ولا المفروض اني امشي من غير لوحات و ابلطج؟ماهو لازم يكون فيه حل.
عندنا في مرور المحله نفس المكله مفيش لوحات بس بيخليك تشتري حتتين صاج و يكتبلك النمره عليها و يدمغهالك لحد ما تيجي النمر الاصليه بتسلم اللوحات دي و تستلم التانيه انما يقولك مافيش تراخيص دي استحاله.
الواحد بيصعب عليه نفسه الصراحه و بفتكر ايام ما كنت في ابو ظبي و عاوز ترخص عربيتك بتخلص الترخيص في ساعه او اقل .و لو النمره مثلا مش علي مزاجك(مستطيله و انت عاوزها مربعه مثلا) بتروح المرور و تدفع حوالي 30 جنيه و تسلم اللوحات الل ي مش عاجباك و تاخد لوحات جديده بنفس الارقام في الحال تخيل بقي كل وحده مرور في مصنع لانتاج اللوحات و انت واقف و حسب طلبك مستطيله او مربعه علي حسب المقاس في الاكصدام بتاعك.!!!!!

ها ها ايه الكلام ده يا حازم
مصنع لوحات جوة المرور
انا عارف انها مش هاتتكلف اكتر من لوحين صاج ومقص بلدي وخطاط
بس دي رفاهية تخلي الشعب يتنمرد عليهم
لازم يبهدلوا عربياتنا عشان احنا ولاد ...... بنسرق فلوسنا ونجيب بيها عربيات غالية
وكل موظفين المرور والشهر العقاري يطلعوا علينا عقدهم
واكلهم الفول مع البصل الصبح ويتكلم في وشك يخليك تكرة اليوم اللي جيت ترخص وتنقل فيه العربية

كلمة عل جنب لدكتور احمد سمير
فاكرة موظفة الشهر العقاري اللي كانت ضاربة فول وبصل وهاتموتنا من الريحة
ولا التانية اللي كانت بترسم علي دكتور احمد اكمنة طويل وابيضاني وشبه حسين فهمي
:wink: :wink: :wink: :wink: :wink: :wink:

لك الله يا مصر

علي فكرة أنا نفس المشكلة كانت معايا في مرور مدينة نصر أول الشهر و أعطوا لينا لوحات في حالة يرثي لها و لما قلت لهم ده نمر قال أحمد ربنا بعد يومين مش حيكون في ترخيص ؟؟؟؟؟
أما ما قاله الزميل عن أبو ظبي ففعلا أنا في مسقط النمر نفس الشئ أولا تأخذها جدبدة وإن كان حجمها لايناسب العربية فالمرور بيتعامل مع مصنع بتأخذ ورقة من المرور و تبدل بالمقاس المناسب لعربيتك و اللوحات علي درجة جودة جيدة جدا وأما في مصر كل شيئ للأسف بنفشل في عمله و حتي لو كان غاية في البساطة لنا الله