عرض للطباعة
أخوكم بقالو فترة محتار بين السكن في حدائق الأهرام أو 6 أكتوبر, وأخيرا قررت أني أعمل استطلاع وهيكون ليه دور كبير في اتخاذ القرار النهائي باذن الله.
فياريت يا شباب تشاركوني واللي عنده خبرة بالمكانين أو معلومة ميبخلش عليه بيها.
وياريت لو حد ساكن يديني نبذة صغيرة عن مميزات وعيوب كل منهما.
جزاكم الله كل خير.
فين في 6 أكتوبر بالظبط؟
الحقيقة أنا معرفش أكتوبر بالتفصيل بس أيا كان المكان مش هقدر أدفع أكتر من 1400 جنيه في المتر.اقتباس:
المشاركة الأصلية كتبت بواسطة alijandroo
والمساحة مش أكتر من 100 متر.
من الأخر اكتوبر
لأن المستقبل هيبقى هناك
اكتوبر طبعا افضل واحسن
حدائق الاهرام ده ان شايفه مشروع اسكانى وفشل
معرفش أقارن أكتوبر بحدايق الاهرام
أكتوبر عشت فيها انما حدايق الاهرام معشتش فيها
شخصياً باحب أكتوبر جداً
وكنت أتمنى أمتلك شقة فيها بس أسعارها ناااااااااااااااار لدرجة خلتني أصرف نظر عن مجرد التفكير في الامر :)
بس المهم تبعد عن أحياء معينة
الحي الأول والثاني والسابع الطلبة مبوظينهم
التالت والرابع والخامس كويسين جداً
السادس شعبي أوي وده ممكن ناس كتير متفضلهوش وبكدة هايكون أرخص حي في أكتوبر
التامن رااائع في رأيي وكفاية إني باحس ان الهدوء اللي فيه مش في حي تاني في أكتوبر
هدوء ميخوفش زي اللي في الاحياء التانية
الحادي عشر أرقي من السادس
اسأل برضة عن حدايق الاهرام كويس
ومتنساش الاستخارة
وربنا يوفقك ان شاء الله
أكتوبر أسهل في المواصلات.
بس انا سمعت إحصائية بتقول انه في خلال 10 سنين بالكتير أكتوبر هاتبقى مدينة مكتظة بالسكان و الخدمات و المرافق اللي فيها مش هاتكفي سكانها و هايبقى الوصول ليها و الخروج منها مأساة حقيقية.
الاحصائية دي أكيد بتنطبق على مصر كلها مش أكتوبر بس يا علا
واذا كانت اكتوبر مصيبتها ان الطريق ليها بيكون عبر المحور
كفاية على حدايق الاهرام ان الوصول ليها من ميدان الرماية
إلا لو كمل باقي الدائري اللي بيتكلموا عنه من زمان وخفف الضغط فعلاً عليه
أكتوبر فعلاَ أفضل في الخدمات بس طريقها مقرف .. الدخول لأكتوبر صعب الصبح فقط من الساعة 8 لحد 9 و نص مثلاَ .
الخروج منها بقي صعب جداَ .. المحور بيقف قبل ميدان لبنان بأربعة كيلو و ب 6 كيلو .. تطلع دائري تلاقي نزلة المحور اللي هربت منه موقفة الدائري برضه .. فا طرقها محدودة و اما بتقف خلاص بتقف فا الخروج و الدخول منها مش هيبقي مريح أوي خاصة لو إنت من النوع اللي بيقرر يخرج وسط اليوم .
أحسن حياة إن تسكن في أكتوبر و يكون شغلك في أكتوبر .. ساعتها بجد تعيش ملك .. إنما تبقي رايح جي من أكتوبر ده مش هيبقي مريح في كل الأوقات .
و بالنسبة للزحمة فا هي حسب المكان اللي في أكتوبر .. فيه مناطق بقت زحمة فعلاَ و فيه مناطق هااااادية جداَ .
اقتباس:
المشاركة الأصلية كتبت بواسطة MoToRiZeR
ربنا يديمها علينا نعمة :smartass:
ويارب يعينكم على البلاء ده
بص يا باشا أنا أرشحلك حدائق الأهرام طبعاً على الرغم من إني عندي شقة في أكتوبر
شوف
أولاً : حدائق الأهرام أقرب من الهرم وبالتالي أي خدمات
ثانياً : إسكان راقي جداً مساحات الشقق كبيرة أوي كلها أهالي مفيش حكومة خالص والناس إلي هناك مستواهم المادي وأعتقد ممكن نقول كمان الإجتماعي كويس مفيش عمال وصنايعية وكده
ثالثاً : في موقع متميز جداً قريبة من 6 أكتوبر ولن تضطر إلى ركوب المحور لأنك على طريق الواحات وبالتالي يمكنك بسهولة الوصول إلى أكتوبر في ربع ساعة بالعربية - قريبة من الطريق الدائري إن شاء الله بعد إكتماله وبالتالي يمكنك الوصول للكورنيش مستقبلاً - المواصلات إليها عادية جداً مليون مواصلة تنزلك ميدان الرماية ومن هناك مفيش 5 دقائق لو بتاكسي مش هياخد منك كتير وكمان مع تزايد العدد أكيد هيكون في مواصلات تدخلك لتغطية الطلب المتزايد - قريبة من مشاريع إستثمارية راقية جداً كتير على طريق الواحات وكمان مدينة الإنتاج الإعلامي ودريم بارك الكلام ده كله بالعربية مياخدش ربع ساعة - طريق الواحات عريض جداً ضغطه قليل وعمره ما وقف
رابعاً : الأسعار من سنة فاتت كانت بتتراوح من 1600 و 1800 المتر وكده قليل والمساحات مش أقل من 100 متر وتسدد النص كاش والباقي على سنتين وممكن لو قاوحت يديلك كمان 6 شهور أو سنة
خامساً : إستثمار جيد جداً لفلوسك بعد ما وصلة الدايري تخلص وكمان يفتحوا المتحف الجديد هتعلى المنطقة كلها أكيد
بالنسبة لأكتوبر :
الأسعار غالية جداً الشعبي ب1600 المتر(كل المساحات موجودة) مفيش تقسيط إلا لو عمارة جديدة ومش هيقسط لأنه هيلاقي كاش - متنفعش غير لو كنت بتشتغل فيها تبقى ملك - بإنتظار بدائل للمحور بعد الإنتهاء من وصلة الدائري إلي الأثار سبب تأخيره ربنا يحرقهم وكمان سيتم عمل طريق بديل من عند مسطرد الكلام ده على عهدة الحج نظيف بس طبعاً لسه بدري وبعدين موضوع المترو إلي هيروح هناك يبقى يشوفوه أحفادك أو أحفاد أحفادك لسه بدري على ما يحلوا مشكلتها الكتير والمحافظة الجديدة والمحافظ إلي ملوش لازمة وكده
انا طبعا من سكان اكتوبر و شفت حدائق الاهرام و طبعا حى جميل لكنة لا يرتقى الى اكثر من حى من احياء اكتوبر و الخدمات هناك لها تأثير فلن تجد مستشفيات او مواصلات و مدارس او مناطق خدمية و غيرها و مكانها متطرف لا هو قريب من الهرم و لا من اكتوبر
اما اكتوبر فأكبر و لا تحتاج لكلام بخصوص الخدمات و المستشفيات و المواصلات و المدارس برغم انها حتى الآن ليست كثيرة للدرجة المطلوبة
مشكلة اكتوبر هى نهاية المحور و انا لا ارها مشكلة من اكتوبر نفسها بل مشكلة الدائرى و شارع جامعة الدول العربية و كوبرى 15 مايو المكتظ بالسيارات و لو وجدت حلول جذرية طويلة المدى بدلا من الحلول القص و اللزق المتبعة لاختلفت الامور كثيرا و املنا فى المحور الجديد الذى تكلموا عنة بعد نقل بوابات اسكندرية
لكن المستقبل فى اكتوبر افضل كمدينة كبيرة شبة متكاملة
و على فكرة انا سمعت ان الاسعار نزلت هذة الايام و انا ارشحلك الحى الحادى عشر الذى اسكن فية فأسعارة معقولة و مستواه فوق المتوسط الى جيد او الحى الخامس لكن لو بحثت فية فأبحث فى اواخرة لتجد اسعار اقل
عموما ربنا يوفقك و تكون جارنا فى اكتوبر
حدائق الأهرام أفضل كتير ، بس أعتقد سعر المتر ممكن يكون أغلى من كدة ، لو أكتوبر شوف الحى السابع والثامن والأول وجنب الجامعة والمتميز ، ولو عايز توفر شوف السادس
شكرا لكل الردود يا شباب, أنا لسة مقررتش بشكل نهائي, وأن كنت ميال أكتر لحدائق الأهرام,حاسس أنها أقرب للبلد وكمان أررق وأرخص, مشكلتها الوحيدة قلة الخدمات و سوء حالة الطرق.
أدعولي و ألف شكر مرة تانية.
و كمان أروقاقتباس:
المشاركة الأصلية كتبت بواسطة a_tantawy7
انزل شوف بنفسك و اسأل هنا و هناك
انا قبل ما اشترى شقتى لفيت القاهرة كلها تقريبا.
الموضوع مش مدينة تفرق عن مدينة و انهى احسن و افضل
الموضوع يتلخص اولا فى امكانياتك و متطلباتك لانها بتختلف من شخص لاخر.
عموما فى نصائح عامة ممكن اقولك عليها
- دور على دور تانى او تالت او رابع بالكتير و دا لان مشكلة الكهرباء و المياة الفترة الجاية هتكبر.
- كلما قل عدد الشقق فى العمارة كل ما كان احسن بالاخص لو مفيش جراج عشان تلاقى فرصة مكان تركن فيه.
- البحرى مفيش احسن منه بالذات لما الكهربا تقطع.
- كل ما كان الشارع اوسع كل ما كان افضل.
- لو الجنب القبلى من العمارة مفيش جنبه جار حاول تبعد عنه عشان الشمس هتخلى الحيطان نار فى الصيف.
لو مفيش مشكلة الكهربا اللى احنا فيها كنت قولتلك خد الدور قبل الاخير اضاءة و تهوية افضل - بلكونة غير مجروحة من الشارع - بيعيد عن دوشة الشارع.
اوعى تتسرع عشان دى خطوة كبيرة خد وقتك و فكر كويس. ومتنساش الاستخارة.
6 أكتوبر sure
انا سكان في الحدائق مشكلع عويصه في الشوارع و الامن و الجمعيه المسؤله حراميه و اكتوبر بقت زحمه جدا و المناطق الكويسه منها زي المتميز غاليه جداا
بس حدائق الاهرام سهل توصل منها لاي مكان بالعربيه بسهوله لكن مواصلات تعب شويه و مفيش مشاكل اوي من ناحيه الخدمات اعتقد كل حاجه موجوده
السلام عليكم ورحمه الله
انا شايف ان المميز يبقى نقول الشيخ زايد مش اكتوبر لان مستواها افضل من اكتوبر.
انما اكتوبر وحدائق الاهرام فانا اجد الاثنين مستوى واحد ولن يفرق معك السكن فى الاثنين.
ولابد ان تاخذ فى الاعتبار لو سكنت فى كتوبر او الشخ زايد لابد ان يكون معك سيارتان مش واحده
حدائق الاهرام ممكن سياره واحده تسد معاك لان مواصلاتها اسهل من اكتوبر
وقريبه جدا من الهرم.
حدائق الاهرام لايوجد بها اختناقات مثل المحور او مدخل الرمايه من الطريق الصحراوى فى الدخول او الحروج منها
اكتوبر كمستقبل افضل كتيير
كل الخدمات متوفره مدارس مستشفيات اسواق حلاقين ميكانيكيه نوادى سينمات
كل ما تريده موجود
اكبر ميزه هتاخدها لو شغلك ف كمان ف اكتوبر او القريه الذكيه
غير كده هتتعب شويه ف الطريق
طيب بالنسبة لحدائق الاهرام..هل هاقدر اخد شقة هناك وادفع مقدم 70000الف؟؟
اكتوبر طبعا الحدائق قريبا هتبقا العن من فيصل
حدائق الاهرام مخنوقة و مربوطة و الخروج و الدخول بيمعاداقتباس:
المشاركة الأصلية كتبت بواسطة sas5
محتار بقالى فترة بين دى ودى
لكن اانا شايف ان حدائق الاهرام افضل شوية
لما رحت اكتوبر كان يوم السبت يعنى البلد المفروض فاضية، طلعت من اكتوبر الساعة 12 وصلت وسط البلط وتحديدا غمرة الساعة 4 وربع !!!!!!! كأنى جاى من مرسي مطروح !
حدائق الاهرام قريبة وليها مواصلات اسهل ولو شغلك فى الجيزة او ضواحيها هيبقي الموضوع سهل سواء معاك عربية او لا .
اكتوبر عاوزة عربية زيــــــــــرو لانها مشاوير طويلة من مدخلها لحد الاحياء اللى جوا، ده غير ان مخارجها ومداخلها كلها واقفة وزحمة غير طبيعية تخليك تكره نفسك.
الحالة الوحيدة فعلا اللى تخليك تسكن فى اكتوبر هى انك تبقي شغال هناك لو شغلك برا انسي موضوع السكن فى اكتوبر تمامـــــــــــاً
لذلك انا شايف ان الحدائق افضل بالرغم ان سمعة الجمعية هناك مش كويسة خالص.
محتار بقالى فترة بين دى ودى
لكن اانا شايف ان حدائق الاهرام افضل شوية
لما رحت اكتوبر كان يوم السبت يعنى البلد المفروض فاضية، طلعت من اكتوبر الساعة 12 وصلت وسط البلط وتحديدا غمرة الساعة 4 وربع !!!!!!! كأنى جاى من مرسي مطروح !
حدائق الاهرام قريبة وليها مواصلات اسهل ولو شغلك فى الجيزة او ضواحيها هيبقي الموضوع سهل سواء معاك عربية او لا .
اكتوبر عاوزة عربية زيــــــــــرو لانها مشاوير طويلة من مدخلها لحد الاحياء اللى جوا، ده غير ان مخارجها ومداخلها كلها واقفة وزحمة غير طبيعية تخليك تكره نفسك.
الحالة الوحيدة فعلا اللى تخليك تسكن فى اكتوبر هى انك تبقي شغال هناك لو شغلك برا انسي موضوع السكن فى اكتوبر تمامـــــــــــاً
لذلك انا شايف ان الحدائق افضل بالرغم ان سمعة الجمعية هناك مش كويسة خالص.
الحقيقة ما ينفعش نقارن بين الاتين لان اسعار اكتوبر اعلي بكتير من اسعار حدائق الاهرام
ما فيش وجه للمقارنه 6 اكتوبر طبعا ....
بس للاسف امكانياتك تجيبلك في الحدائق الاهرام
حاول تظبط نفسك و لا حاجه و ربنا يكرم
أجمل حاجه في الموضوع ده أنه ابتدى من خمس سنين ولسه مستمر بس مش عارفين هو صاحب السؤال خد شقه فين في الاخر