استفسار || صيانة التوكيل ام عند الميكانيكى

**mahmostus** · 12-09-2014 04:02 PM

السلام عليكم جميعا انا عايز النصيحة لأنة محتار كنت عايز اجيب عربية مستعملة و عايز أسئل لو حعملها صيانة دورية او حجيب قطع غيار هل من عند التوكيل أفضل ام عند مركز صيانة معتمد او ميكانيكي عادى أفضل؟

- بسمع رأي يقول خليك فى التوكيل قطع الغيار بتكون غالية لكن معمرة و تمنها فيها و تستاهل و الناس اللى شغالة هناك فاهمة أحسن من الميكانيكى
- و بسمع رأي يقول قطع الغيار اللى بره التوكيل بتكون أرخص و متفرقش كتير عن القطع الاصلية اللى فى التوكيل و لأن التوكيلات بتبالغ فى أسعار الصيانة و قطع الغيار
يعنى المراية ممكن تجيبها مثلا من بره ب200 جم و من جوه التوكيل ب600 جم

أنا كنت بفكر أجيب ياريس مستعملة 2009 مثلا لكن قطع غيارها جوه التوكيل غالية جدا و خارج التوكيل فى متناول يدى بسبب فرق السعر الرهيب

سؤالى أيهم فعلا أفضل لأنى محتار التوكيل أم خارج التوكيل؟ لأن ده حيأثر طبعا على قرارى أجيب العربية دى أو أجيب حاجة أقل منها

ملحوظة: دى أول عربية حجيبها فى حياتى
وشكرا مقدما ليكوا كلكوا

**mahmostus** · 12-09-2014 07:41 PM

17 مشاهدة ولا رد؟ !!!!!!!!!

**ahmed.magdy** · 16-09-2014 06:01 AM

بص حضرتك، في وجهة نظري ميزة التوكيل انه بيديك ضمان على الشغل اللي اتعمل في العربية، ازاي؟ مثلا جبت سير ، و ركبتة في التوكيل و مثلا لا قدر الله السير مكانش راكب كويس المارش او الدينامو او او ممكن يفوت. تعالى بقى عند ميكانيكي برة لو الكلام دا حصل هيقولك يا باشا السير كان بايظ و انا مالي...

بس بالنسبة لقطع الغيار زي فانوس، اكصدام الخ. الكلام ده كله ممكن يتجاب من برة و يتركب برة برضو مفيش مشكلة

نصيحة بعيد عن الموضوع حبتين، مشاكل الكهرباء في العربية اوعى تصلحها برة التوكيل. بالتوفيق ان شاء الله

**akmm** · 16-09-2014 09:58 AM

إبدأ بالتوكيل فعلا لغايه ماتطمئن لسلامه كل شىء ................ وبعد كده واحده واحده تردد على الميكانيكيه والكهربائيه على الاقل هتكون عارف كل حاجه عن اعطالها وتاريخ الاستهلاك .