Bmw 530 2007 مشكلة في تشغيل العربية

**Elaven** · 12-09-2014 08:41 PM

السلام عليكم
ارجو المساعدة من الخبراء
العربية اتعرفت علي ريموت وفتحت الباب طبيعي
دخلت العربية الانوار والتابلو اشتغل طبيعي
دخلت الريموت في مكانة ودوست فرامل ودوست علي ذرار تشغيل العربية
العربية مادارتش وفصلت الكهربا والمساحات اشتغلت ووقفت وسمعت تكتكة في اخر العربية من مكان البطارية
خرجت الريموت وقفلت العربية بالمفتاح وبكدة قطعت كهربا خالص
حتي الفيتيس قافل علي ال بي والعربية مش راضية تتحرك
اية الحل والمشكلة فين
مع العلم اني كنت راكن العربية اسبوع واظن انة عادي
شكرا

**Mecha** · 12-09-2014 09:59 PM

البطاريه ريحت مالركنه
اجرب لقطه للبطاريه

**Elaven** · 12-09-2014 10:18 PM

هل في اي طريقة احرك السيارة علشان انقلها ولا لو جبت بطارية بتشتغل عادي من غير برمجة
وهل طبيعي ان البطارية تخرب فجاة
وشكرا علي سرعة الرد

**Land_Cruiser** · 12-09-2014 10:48 PM

واضح كده ان البطاريه هي السبب و ده وارد يحصل نتيجه عدم الاستخدام المنتظم للسياره و ممكن تبوظ مره واحده عادي و ممكن يكون شويه ملح علي القواشيط هما اللي سببوا الموضوع ده و سهل تتاكد لو بصيت علي البطاريه و لو نضفتهم العربيه ممكن تدور عادي و جايز تكون البطاريه باظت و بالتالي الكشف عليها هو الفيصل لو مكنش عليها ملح زي ما قلتلك. اللي انا عارفه ان حضرتك لو غيرت البطاريه بواحده جديده لازم الجديده دي تتسجل علي ال ecu علشان يعرف ان دي بطاريه جديده و الا هيتعامل معاها كأنها القديمه و شحنها مش هيبقي مضبوط و ده ممكن يبوظ البطاريه الجديده بسرعه و لذلك لابد من تسجيلها و من ناحيه تانيه مش معقول هتغيرها قبل ما تتاكد انها بايظه