تنك بنزين الأتراج تحت جنب الشكمان هل دا خطر ؟

**dr_a7mad** · 13-09-2014 12:28 AM

في صيانة الألف بصيت عالعربية من تحت لقيت تنك بنزين الأتراج تحت جنب الشكمان هل دا خطر ؟

وازاي احميه هل بتصفيحها مثلا وللا عادي كدا ؟

بس هوا أعلى من القنطرة الصراحة لكن خفت لما شفته في المكان دا لاني اعرف انه دايما بيبقى في شنطة العربية لكن وسع الشنطة طلع على حساب التنك

لكن العربية ممتازة في كل حاجه بس حابب حد يطمني في النقطة دي

**eng.khater** · 14-09-2014 10:14 AM

بص حضرتك متخفش من النقطة دي انا كان معايا بيجو 205 كان الشكمان معملة تجويف جوة التنك يعني الشكمان معدي تقؤيبا جوا التنك ولا حصل اي حاجة استنمتع بالعربية و ياريت تكلمنا عليها اكتر عشان انا رحت شفتها و عجباني و اخبار البنزين اية مع حضرتك ؟؟؟ و السحب و التوكيل ؟؟ وتقييمك ليها اية ؟؟ انا هعمل تست دريف السبت القادم لائن المنفسة بقة صعبة في الفئة دي فا ياريت تقول انطباعك عنها

**Mackarious** · 14-09-2014 04:10 PM

متابع (Y)

**memo_p910** · 14-09-2014 07:05 PM

التيست درايف بيتعمل فين ؟؟

**dr_a7mad** · 19-09-2014 11:50 PM

شكرا eng.khater

العربية جميلة جدا الحمد لله

الاستهلاك في الزحمة وجوا البلد على ال 42 لتر 500 - 600 كم وفي السفر والطرق المفتوحة وعدم الحرق 800 - 900 كم

السحب كويس حتى مع التكييف وفيها كيك داون وفيه نقلة في الغيار الاوتوماتيك اسمها B بتثبتك على النقلة الللي انتا فيها لو على مطلع وعايز تزود العزم .. ولو عايز تفرمل بتساعد الفرامل بفرملة المتور

**dr_a7mad** · 19-09-2014 11:52 PM

الصالون واسع بزيادة ما شاء الله

الشنطة واسعة 450 لتر عشان التنك تحت العربية

في الجري لحد 120 -150 وحسب الرياح برا لانها خفيفة 850 كجم يعني لو اتملت الكراسي كلها كأن النترا فاضية خالص