السﻻم عليكم
عندي يجماعه بلوف التكهات عمله صوت تخبيط في الماتور ايه رايكم اصلحها وﻻ اجيب شورت بلوك
وطيعا لو حيتصلح حغير الشنابر وجلد صبابات
مع العلم الماتور حالته كويسه جدا وسحب العربيه ممتاز
العربيه استرا 1200سي سي
عرض للطباعة
السﻻم عليكم
عندي يجماعه بلوف التكهات عمله صوت تخبيط في الماتور ايه رايكم اصلحها وﻻ اجيب شورت بلوك
وطيعا لو حيتصلح حغير الشنابر وجلد صبابات
مع العلم الماتور حالته كويسه جدا وسحب العربيه ممتاز
العربيه استرا 1200سي سي
وعليكم السلام ورحمه الله وبركاته..
لو هتغير بلوف التاكيهات مش محتاج تغير شنبر ولا كاوتش صباب ولا حتي جوان وش سلندر..
الشغل كله في الجزء اللي فوق وش السلندر , بيت الكامه .بعد فك مسامير وش السلندر الطويله
الفني هيرفع بيت الكامه بس من غير ما يحرك وش السلندر. وتغير ال16 بلف او كوستبان.
بس خلي بالك الموضوع مكلف, لو الواحد ب100ج جديد مثلا يبقي 1600ج من غير مصنعيه لسه !!!
شوف منهم استيراد هيبقي ارخص واحسب حساباتك . وقبل ده كله ممكن تجرب استخدام فلوش اويل
قبل تغيير زيت الموتور , ممكن الصوت يتحسن , الصبابات لو متسخه ممكن تنظف وتشتغل تاني كويس
اما لو سوستتها ضعفت يبقي لازم تتغير.
فادى قام بالواجب
ايه هو فلوش اوبل منين وازاى اعمله
وايه خطورة لو بلف واحد وحش انا عندى نقس الموضوع
ياريت للرد يا استاذ فادى
flush oil منه اسامي كتير افضلهم الامريكي والعبوه ب20ج تقريبا
عباره عن اضافه بتتحط مع الزيت القديم قبل تغييره مباشره
تحطه وتدور الموتور 5 دقايق من غير ماتدوس بنزين وبعد كده تنزل الزيت
القديم وتغير زيت جديد بالفلتر
هو شغله انه ينظف اجزاء الموتور او دوره الزيت من الكربون بما فيهم
بلوف التاكيهات هو فكره كويسه بس لا ينصح بتكرارها الا علي فترات متباعده
ولا ينصح باستخدامها مع المواتير الشقيانه اللي بحكم طول الاستخدام كونت كربون
علي الشنابر لو الكربون ده نظف ممكن الموتور يدخن !
مره واحده بس لو موتورك حالته كويسه
شكرا علي ردودكم
افادكم الله
مابحبش الشغل في بيت الكامة من غير تغير جوان وش يا فادي
ماجتش علية بالمرة فكة واحدة
الباب الي يجيلك منة الريح افتحة يجبلك طراوة هههههه
احترم رايك وده اسلوبي في التعامل.من العمق مش من السطح :018A1D~146:اقتباس:
المشاركة الأصلية كتبت بواسطة amr elsisi
بس انت عارف ان العربيات لما بتفتح .بتلاقي العجب :_Alshmokh11:
علشان اغير جوان وش الطموح هياخدني , بالمره اعمل روديه للصبابات .. طيب ماجاتش علي جلد الصباب , نغيره.. ده لو كان الوش اصلا مفيش فيه تاكل . وبكده تبقي فتحت يا صديقي العزيز.
انما الغرض هو لم الموضوع لانها بسيطه فعلا. تحياتي يا غالي :satelite:
وللعلم بتوع الدايو هما هما بتوعنا + كاوتش الصباب
وتقريبا الماتريكس كمان
بلوف وتاكيهات الاتنين مع بعض !!
هذا اختراع لم نسمع به في ابائنا الاولين
كوستبانات ودلايل الصبابات بتوع الدايو هما هما بتوع الفيكترا الموتور الاسود ونفس بتوع الكورسا ال1200 -بس بتوع الاسترا مختلفين . صاحب الموضوع معاه استرااقتباس:
المشاركة الأصلية كتبت بواسطة sherif_m72
غلطه مطبعيه . عديها يا باشه :wink14:اقتباس:
المشاركة الأصلية كتبت بواسطة tameem2010
معانا سوف تجد كل جديد :satelite:اقتباس:
المشاركة الأصلية كتبت بواسطة tameem2010
بس بدل ما تخش ترمي كلمتين تحيرنا معاك
اكسب فينا ثواب وفهمنا يعني اية بلوف ويعني اي تاكيهات ولية ماينفعوش مع بعض
عسل يا عمرو .هو ماينفعش بلوف مع تاكيهات خالص ؟:wink14:اقتباس:
المشاركة الأصلية كتبت بواسطة amr elsisi
فادي جابلك الحل النهائي والوحيد علي فكره
بص يا سيدي خشونه الكوستبانات (اللى هي البلوف مفيش منها اي مشكله خالص)
ويبقى حرام تفك مكنه عشان الكوستبان خشن
هو بيعمل صوت في الصبح والعربيه بارده
اول ما العربيه ما تسخن وتبقى الحرارة في الطبيعي يبقى اوك مفيش اي مشكله لان الزيت بيكون وصل لافضل درجه تزييت وغذى الكوستبان تماما مش بيخليه يعمل صوت
خشونة الكوستبان مقيش منه اي مشاكل ميكانيكيه نهائي وعشان كده حرام ثم حرام ثم حرام تفك مكنه عشان خشونة كوستبان
المحركات الكوري كلها بعد فترة بتبقى فيه خشونه في الكوستبان وخاصة الهيونداي
احسن عربيه تلاقي الكوستبانات بتاعتها بتخشن هي الهيونداي لدرجه تحس انها بتنزل بكوستبنات خشنه اصلا واتحداك تلاقي عربيه فيرنا او ماتريكس كسرت السنتين والكوستبانات بتاعتها بنت ناس
نصيحه متدفعش ولا مليم عشان تفك ولا تصلح لانه كده كده بعد سنه هيرجع تانى
لو ميكانيكي امين عمره ما هيوافقك على كلامك ده
اما البلوف والتاكيهات دول نظامين للتحكم في الصبابات
كان زمان العربيات الكربراتير القديمه نظام التحكم في فتح الصبابا عن طريق التاكيهات وكنت المفروض تظبط التاكيهات صيفي وشتوي عشان الحرارة بتاع الموتور واستهلاك البنزين
المحركات الجديده مفيهاش الكلام ده شغاله على بلوف بتظبط اتوماتيك عن طريق الكامه وحساس الكرنك وحساس الانجيكشن هي كلها منظومة واحده بتخلى الموضوع يحصل اوتوماتيك
بدون الدخول في تفاصيل ميكانيكيه شرحها يطول
التاكيهات كان زمان ايام الفيات !!
دلوقتي مفيش حاجة اسمها تاكيهات كلها بلوف
كان نفسي اشرح بتفصيل اكتر بس هصدعكم معانا
اقتباس:
المشاركة الأصلية كتبت بواسطة tameem2010
تسلم يا باشا ع الشرح الجميل ده. اسمحلي نتناقش شويه..
-بالنسبه لصوت الكوستبانات لاني غيرتهم عندي قبل كده وطلعت الطقم القديم فكيته ونظفته وعرفت مشكلته. الكوستبان لو جواه اسف (وساخه )من الزيت , بتسد فتحه صغيره جدا لتغذيه
قلب الكوستبا ن بالزيت . فيعمل الصوت ده في الاول لغايه ما لزيت لزوجته تقل لما يسخن ويقدر يدخل ويزيت ..ده عادي . انما لو سوسته الكوستبان ضعفت من الشغل لازم الكوستبان يتغير
ووقتها الصوت هيستمر سواء الموتور بارد او ساخن حتي لو مالوش تاثير ميكانيكي فمش هتستحمل الصوت ( تك تك تك تك تك...) التغيير بيتم من بيت الكامه يعني الموتور مش بيتفتح .
كنت قريت قبل كده مقارنه بين اللانوس والفيرنا هنا في نايل موتورز وفهمت من المقارنه ان موتور الفيرنا تاكيهات اللي هو تطوير لموتور اللانسر الكريستاله (تاكيهات برده) واللانسر المكواه
الجديده تاكيهات برده . بما ان حضرتك من ملاك الفيرنا ممكن تاكد او تنفي المعلومه دي؟ جزيل الشكر
الفيرنا كوستبانات مش تاكيهات
الحاجة التانيه ان الزيت لما بيسخن لزوجته بتزيد عشان يلصق اكتر بالاجزاء المتحركه ويحميها من الحرارة والاحتكاك ولما يبرد لزوجته بتقل عشان اول الدوارة يكون سهل وسلس انه يوصل للاجزاء المتحركة اسرع عشان يغطي كل الاجزاء المتحركة اسرع
طبعا انا اقصد الحرارة العاديه مش الحرارة المرتفعه اللى هي فوق 100 لان لو الحرارة رفعت فوق 100 فالزيت بيفقد خواص التزييت اللى فيه ويبوظ او زي الميكانيكيه بتقول بيبقى الزيت قطع
بخصوص محرك فيرنا فهو محرك خاص بشركة هيونداي مش ميتسوبيشي واسم المحرك الفا 2 وده على فكرة واخد شهادات عالميه في الاعتماديه وهو هو نفس المحرك اللى راكب في ماتريكس مع تعديل خفيف خالص غير جوهري
الفيرنا واخده من الكريستاله في التصميم قاعدة العجلات او الشاسيه لو جاز افراضا نقول عليه شاسيه لان كل العربيات الجديدة مفيهاش شاسيه
السيارات الجديده بتستخدم زيت تخليقي وده عادة مش بيسيب رواسب بعكس الزيت المعدني اللى بيسيب ترسيبات على جدار البستم او الشمايز او السبايك اما التخليقي مش بيسيب رواسب لانه مقاوم للاكسده بدرجة كبيرة جدا عكس المعدني وده اللى بيخلي عمره طويل
تحياتي لك اخي الكريم
بس احتج علي كلامك في حق البلوف انها يتم التحكم فيها عن طريق (بتظبط اتوماتيك عن طريق الكامه وحساس الكرنك وحساس الانجيكشن)
لان البلوف يتم التحكم فيها بقوة ضغط الزيت ولما خلوصات البلف تزيد او يكون هناك سدد بتسمع صوت تك تك تك
ودة طبعا ماينفعش امشي علية لانة بيهدر من عزم المحرك لاختلاف زمن فتح الصباب
مما ينتج عنة تراكم كربون كثيف علي الصباب وراس البستم
النظام الذي يتم التحكم الكترونيا فية زمن فتح الصبابات هو نظام valve tronic
or _ Variable Valve Timing - intelligent_
مثل
https://www.youtube.com/watch?featur...&v=BWsRSfe7K4M
https://www.youtube.com/watch?featur...&v=rEELtXVTymU
اما النظام الخاص بالبلوف يتم عملة علي ضغط الزيت وبعض الشركات اضافت بعض التجهيزات
علي نظام البلوف ليتحكم بزمن فتح الصباب
https://www.youtube.com/watch?v=nkkTX7XWk0w
لو اختلف زمن فتح الصباب جزء من الثانيه هتلاقي العربيه مبرجله معاك ومش مظبوطة معاك ابداااا وعمرها ما هتمشي كويس ابدااا
توقيتات فتح الصبابات من اعقد التكنولجيا في العربيات كلها وبيتحسب بجزء من الثانيه لان لازم يكون مظبوط فتح صمامات التغذيه او صمامات العادم بالمليمتر يا حبيبي بالمليمتر
مينفعش تاخير او تقديم ولا جزء من الثانيه والا العربيه هتلاقيها راكبها عفريت
تحياتي لك والي النقاش الرائع
حضرتك اتفرجت علي الفيديوهات ولا لآ
بس انا اول مرة اسمع ان فتح الصباب بيتحسب بالمليمتر
انا مش حقول لك الكلام دة في المستقبل ولا حاجة
الكلام دة موجود وفي عربيات كتيرة موجودة في مصر
العفريت الي انت بتتكلم علية يركب العربية
دة حقيقي لو التقسيمة غلط
اما في الانظمة الجديدية التقسيمة مظبوطة 100 %
ولاكن يتم التحكم خاصا في صباب السحب في جزء من الثانية تاخير او تقديم
ودة ميزة بتخليك تاخذ اعلي قدرة من المحرك
وبيتم التحكم فيها ميكانيكا او الكترونيا
بص في عربيات في مصر مكتوب في جنب العربية او من الخلف او علي المحرك
الرموز دي
ياريت حضرتك تبحث عليها من علي النت وتقولي اية الجديد
vtc_vtec_ivtec_vvti
لو عرفت حاجة جديدة ماتنسانيش من صالح دعائك
[QUOTE=amr elsisi;3875754192]تحياتي لك والي النقاش الرائع
vtc_vtec_ivtec_vvti
زود عليهم كمان نظام MIVEC المستخدم في محركات متسوبيشي
كل الحروف اللى انت بتقولهم ديه انظمة للتحكم في توقيتات فتح الصبابات وانا شايف ان افضلهم اداءا بالنسبه لاستهلاك الوقود هو cvvt ده اختراع شركة هيونداي ونازل ابتداء من نيو اكسنت والالننترا والار بي وده موفر جدا في استهلاك الوقود ديه ميزته الاساسيه
اما افضلهم اداء من حيث السحب هو vtec ده براءة اختراع هوندا وده بيدي اداء جبار بس اللى اعرفه ان استهلاكه في البنزين عالى نسبيا في مقابل استجابه عاليه جدا للمحرك
اما vtti ديه تكنولجيا خاصة بشركة تويوتا انما بالبلدي كده ما اضافتش جديد ومقدمتش كرامات يعني
فيه منظومه برده شائعه جدا في مصر اسمها (البركة تك وبيختصروها baraka tec ) وديه اهم ما يميز المنظومة ديه انها منظومة مصريه خالصه مفاداها ان طالما النيه صافيه فالعربيه هتدور وتمشي وتبقى زي الفل ان شاء الله بس ما تقاطعش يا استاذ
كلمة بالمليمتر يا حبيبي ديه بتاعه رؤوف بن خليف المعلق الكروي وديه كلمته الشهيرة اما فتح الصبابات بيتحسب بجزء من الثانيه
لعلمك اعقد تكنولوجيا في السيارات كلها هي منظومة التحكم في الصبابات وبتعتبر اعقد جزء في المحرك كله
اقتباس:
المشاركة الأصلية كتبت بواسطة tameem2010
تحياتى لحضرتك ولمعلوماتك القيمه وطبعا بشاركك فى الرأى ان توقيت فتح الصبابات لازم يكون مظبوط زى الفبريكه وزى ما عمله الخواجه بالملى والثانيه واى حاجه تانيه
بس اى اختلاف فى توقيت فتح الصبابات بيكون راجع زى ما قال المهندس عمرو السيسى لعيب فى ظبط التقسيمه
وزى ما حضرتك بتقول ان الصبابات هى اعقد حاجه فى نظام عمل المحرك فالخواجه برضو عمل طريقه عملها بطريقه ميكانيكيه سهله وهى ( كامه بشواكيشها + كوستبنات + سوسته صباب + صباب ) وتطوع هو مشكورا بتوزيع مكان الشواكيش على الكامه عشان تكون الحركه بالملى وكمان علامه على ترس الكامه ووش الموتور
وكل ما تبقى للميكانيكى العبقرى بتاعنا هو ضبط العلامات المذكوره اللى قليل جدا ما بيعملها بالملى عشان ناخد اقصى استفاده من الموتور واقل استهلاك وقود
تحياتى لحضرتك وللأساتذه عمرو وفادى