السلام عليكم
كنت بتعارك مع دبابير كتير بتاع 20 دبور وهجمو عليا وواحد منهم قرصنى والدبابير دى كبيره ولونها اسمر
ومكان القرصه لونه احمر ووارم شويه وبتوجعنى
هل فى اضرار .. ؟
عرض للطباعة
السلام عليكم
كنت بتعارك مع دبابير كتير بتاع 20 دبور وهجمو عليا وواحد منهم قرصنى والدبابير دى كبيره ولونها اسمر
ومكان القرصه لونه احمر ووارم شويه وبتوجعنى
هل فى اضرار .. ؟
20 دبور انت كانت واقف فين ههههههه
عامة عادى واحنا صغير كنت بصطاد دبابير وكانوا بيقرصونى عادى
ولا اي حاجة
بالعكس القرصة دي بتعالج امراض كتير - هي مؤلمة صحيح لكن مش مضرة وفوائدها اكتر
في حالة الشعور بغثيان او احمرار بالوجه او ضيق بالتنفس يجب التوجه فورا لاقرب مستشفى وافادتهم بانه لدغك دبور او حشرة لاعطاءك كورتيزون او ادرينالين لان في بعض الحالات بيكون عندها حساسية من لدغات الحشرات او النحل وان لم يتم اسعافها فالوقت المناسب بتؤدي للوفاة الف سلامة علي حضرتك واتمنى لك الشفاء العاجل بإذن الله
الف سﻻمة عليك بس ايه سبب الخناق مع 20 دبور ؟
الف سلامه عليك
وما تقلقش الموضوع بسيط ان شاء الله طالما ما فيش عندك حساسيه من القرصه بتاعتها
الف سلامه عليك .. متقلقش مفيهاش حاجه ..
هيا بتسبب ألم فظيع بس بتروح بالتدريج .
الف سلامه علي حضرتك. اهم حاجه تطلع الا بره من مكان الإصابة باستخدام ملقاط مثلا و مش بايدك طبعا او تروح صيدليه يطلعهولك و بعدين ممكن تعمل عليها كمادات ثلج علشان تخف الالتهاب شويه لحد ما يروح ان شاء الله
إزاي حضرتك إتخانقت مع عشرين دبور
عاوزين ياjaguar يا صديقى تقولنا موضوع 20 دبور دول ايه
الله يسلمك
وربنا يطمنك
الله يسلمك
انا صحيت النهارده من النوم والالم راح خالص
الله يسلمك
انا فضلت ادور على البتاعه بتاعته دى ملقيتهاش وروحت لصيدلانى عطانى حقنه ومش فاكر كمان بتاعه ايه علشان مكنتش مركز وعطانى علبه برشام بانادول
كل الحكايه عندنا شقه مدخلنهاش من زمان وهيا فى دور عالى وضغط المياه فيها ضعيف وركبنا ماتور وكنا عاوزين نخرم مكان لسلك الماتور علشان يعدى من الخرم بدل ما هو معدى من الشباك وكان معايا صاحبى معاه صاروخ واول ما ضرب الصاروخ فى الحيطه لقينا بسم الله ما شاء الله مش اقل من 20 دبور هايجين علينا وانا ماسك فوطه عمال اضرب فيهم علشان عمالين يزاولو فينا وفى دبور ضربته وحطنى فى دماغى ولاقيته جى عندى وطلعت اجرى منه وطلع يجرى ورايا هههه ووقف على كتفى وقرصنى .. انا اصلا بخاف من الحاجات دى والدبور شكله يخوف اصلا
تحت امرك :)
الماتور راكب فى المنور
ونوعه كالبيدا ايطالى ونصف حصان وما شاء الله مطلع ضغط قوى للدور السادس
على فكره هو قديم بس احسن بكتير من الصينى اللى فى السوق دلوقتى علشان هتلاقى حاجات كلها مضروبه وتعبانه
بالنسبه لسعر انا اخدته من واحد حبيبى ولسه مدفعتش حاجه بس وديته لواحد بيفهم فيهم وسعره 300
وبتدخل ليه عش الدبابير :)
الدبور ملوش زبان (ابره) فمتدروش عليها لنك مش هتلاقيها... النحلة بس
عشرين دبور على وااحد بس
ده مش مرجله دبابيير ابدا
فين الدبابير بتاعه زماااااان
معقوله نص حصان بيوصل المياه لحد الدور السادس ما شا ء الله انا عندي موتور حصان واحد و بيوصل بلعافيه بس مش كلبيدة
هتتحول وتبقى هورنت مان . مبروك :)
يبقى زن على خراب عشة
هههههههههه
بس ده نحل مش دبابير
دورت فعلا وملقتهاش
كان الدبور منهم ب 20 دبور من بتوع دلوقتى :)
اكيد اللى مع حضرتك نوعه مش كويس ومن بتوع اليومين دول
:wink14:
حمدلله على سلامتك ياباشا .
كانوا عاوزين يثبتوك وياخدو العربية ولا ايه يا كبييير . :)
وان شاء الله مفيش أي اضرار لا تقلق . تحياتي
هوا في حاجة جوا مكان القرصة ؟
الف سلامة عليك
انا برضه كانت العربيه عطلانه والجو حر نار وجت نحله بنت لذينه وقرصتنى قرصه محترمه
مقولكش نار كان هاين عليا اصوت هههههه بس طبعا مينفعش كتمت فى نفسي وعدت
ربنا يسلمك ويسلمنا جميعا يارب